عزم الشاص ضعيف !!!!!!!!

[البيطار12]

السلا

م عليكم ورحمة الله وبركاته

يالربع انا عندي شاص 2013 بريمي رفرف ولكن المشكله عزمه ضعيف
بدلت البواجي وفلتر الهواء والصفايه تحسن اليوم شوي بس باقي علما انني مركب كفرات بالون 9.0.0-16
والموتر بـ الـ يالله يوصل 140 مدري وش السبب .. افيدونا جزاكم الله خير
علما اني مسوي فحص للمكينه وطلعت قوتها 95% وكل شي فالموتر تمام الا العزم

[M.305]

كفرات بالون .. مركبهن على موتري ..
ويادوب اجيب 140 ..

اتوقع لهن ثقل ورافعه الموتر والهواء يرده ..

لو تركب كفرات دنلوب .. وغيرها من العراض .. تلقى فرق ~

[البيطار12]

كفرات بالون .. مركبهن على موتري ..
ويادوب اجيب 140 ..

اتوقع لهن ثقل ورافعه الموتر والهواء يرده ..

لو تركب كفرات دنلوب .. وغيرها من العراض .. تلقى فرق ~
الله يعطيك العافيه صحيح موتري رافعنه الكفرات زيادة
بس هل يوجد حل عشان ازيد نشاط الموتر؟

انت موترك 13 بعد؟؟؟

مانستغني عن اراء ونصائح الجميع

[البيطار12]

الشيئ الاخر اللي نسيت اكتبه

الموتر يصرف بنزين بشكل خيالي !! ياترى وش السبب؟؟
مع المهندس يوم فك البواجي قال عادي مايبين انه يصرف

بس اذا فللته واخذت لفه بسيطه فيه ينقص لين تحت الشرطة

[اليامي قطر]

موترك طبيعي مافيه شي

تبيه يظبط يستقوي عزمه ويقل صرفه للبنزين

ركب له :

- فلتر كي ان 3 ونص
- منفول سويدي مع العكفه الى الدبه الوسطيه
- الدبه لك الخيار تبي صوت طرب وتساعده فالعزم من ضمن الشغلات اللي فوق
او خله دبه الوكاله وابد بتلقى لك موتر يختلف عن موترك الاول
ان قومته بالواحد يجر معك بالنمره وان سافرت عليه بالخامس تلقى المكينه مريحه
وصرفيته بتقل عن الحين

لكن الا ركبت اللي قلته لك .. الموتر يبي له اسبوعين تقريبا وانت تمشي عليه
مسافات طويله عشان يتعود على الفلتر والهدرز وتفتح المكينه وبيعجبك

وبالتوفيق

[طريخمه]

حياك اخوي تبي ترتاح من صرف البانزين وموترك يرتاح وتفتك من الحنه فك المروحة البلد وركب مراوح لومينا ما تكلفك 700 ريال وريح بالك وريالك انا مركب على لاند كروزر وشاص وسب وامدح ...تحياتي...

[بندر ابوفهد]

واحد من الشباب معه رفرف ومركب بوالين ممشاه مظبوط يصفق طبلونه بالراحه تاكد من موترك لايكون الكلتش مولي

[اابواحمد]

13ما شاء الله مسكه خطوط بس واعطيه دعس مجنون وان شاءالله يضضبط انا مطلع اكورد وكاله وكانت ثثقيله وخوي نفس السيارة وخفيفه سالته قالي مسكها خطوط وتشوف الفرق وفعلن اعطيها دعس لين صارت نشيطة ومن اول خايف علها وماادعس

[خطوط911]

طيب الحراره ترتفع عندك ؟؟ كم حرارة الموتر خصوصاً اذا وقف على سرعة 140 مثل ماقلت. المهم اذا كانت الحراره مرتفعه يعني تقريباً النص بضبط او اكثر شوي احتمال عندك دبات البيئه مسكره ومتسدده ؟؟ او عندك مشكله بالمنظم او الدعسه

[خطوط911]

للمعلوميه انا قد ركبت بالون على شاص 13 عادي يمشي يجيب 180 هو انت عندك مشكله

[salih100]

اخاف انك مغير زيت وناسي خرقه العامل في فلتر الهواء

رضو شيك على حساس القربه