برري
25/12/2006, 11:16 AM
هذي محاولة طبعاً ، وحنا نشكر بعنف مديري هالموقع اللي سمحونا لنا نبخ ما في صدورنا فجزاهم الله خيرا ، سلمك
الله قبل العام الماضي في الاضحى عام 1424هـ تخبرون ذيك الهلّه والمطرة اللي توسع الخاطر ، المهم لي ربع
عزموا على الصمان وانا جيبي ( اللاند روفر 83) خربان الله يقلعه ، وبغوني اخاويهم وما جالي خاطر من شان ما
معي سيارة وانا بالعادة ما احب اروح الابسيارتي لو اعاف المرواح كما فعلت في هالرحلة ، عموما هم مشوا
وودعتهم داعياً لهم بالتوفيق والسلامة ، ومن باكر تجي ذيك المطرة اللي ارهشت الديرة بلل ، وكنت سهران في
البيت لوحدي وافتكر فيهم وش صار عليهم ، ثم ارسلت لهم اتساءل عن حالهم ، ويرد علي اللي ارسلت له وهو
مبسوط ويغايظني بزين الحال ، وحمدت الله على سلامتهم وبديت اشخبط لهم بالرسايل هالكم بيت ، توجيهكم ونقدكم
محط اهتمامي ونظري ، ومقدما اشكر من تفضل بقراءة هالشخااااابيط والسلام عليكم :
اضحك عليك الحين من تحت هطال - في مجـلسي دفيان والشاي خدران
وش حالتك من عقب ما صرت رحال - جافيت نـوم البيت واصبحت هملان
يا بو علي ما طاب من عقبك البال - الغيث يروي النفد والجيب عطلان
يا ليت عندي مجفل الطعس لا جـال - فكسار فضي اللون من صنع يابان
به كيس تمر خلاص عذبٍ وسلسال - مــع كيس بن وهيل ومزعفـرٍ زان
مع كيس شاي الكين تلقيم فنجـــــــال - مع كيسة الحالي على الكيف خرمان
ومحملٍ قلصي حسينات الاطـــوال - من بــاطن الـــوادي ثقيلات الاوزان
صفرٍ جوانبها قديمات الآجـــــــال - حمرٍ دواخلها كما الورد لا بـــــان
سمرٍ تعدّه طيب لا شبّ في الحال - دنّيت راسك تشمّه وانت طربــــــــــان
سمرٍ بريحة شدّة الهم تنجـــــــــال - يطرد هدير الشبط عن شخف الآذان
ومحملٍِ قلصي من اللحف ما شــــال - وخيمة وهرفي وبالمواعين رنان
ومحرّك الفكسار والليل طربــــــال - ابغى صلاة الفجر في صفّ الاخوان
منهم عديل الروح للقول فعـــــال - احمد حميد النفس في الحق ما لان
وعدّ البسيمي بالورى خوش رجال - يحبيك مــــــــن طيبه مثاقيل واطنان
ومرخٍ هدَب عينه من النوم لا زال - يهوى كثير النوم مــــا هوب شبعان
ربي عسى خيرك على الخلق نزّال - تجعل هدب تركي من النوم جفلان
الله قبل العام الماضي في الاضحى عام 1424هـ تخبرون ذيك الهلّه والمطرة اللي توسع الخاطر ، المهم لي ربع
عزموا على الصمان وانا جيبي ( اللاند روفر 83) خربان الله يقلعه ، وبغوني اخاويهم وما جالي خاطر من شان ما
معي سيارة وانا بالعادة ما احب اروح الابسيارتي لو اعاف المرواح كما فعلت في هالرحلة ، عموما هم مشوا
وودعتهم داعياً لهم بالتوفيق والسلامة ، ومن باكر تجي ذيك المطرة اللي ارهشت الديرة بلل ، وكنت سهران في
البيت لوحدي وافتكر فيهم وش صار عليهم ، ثم ارسلت لهم اتساءل عن حالهم ، ويرد علي اللي ارسلت له وهو
مبسوط ويغايظني بزين الحال ، وحمدت الله على سلامتهم وبديت اشخبط لهم بالرسايل هالكم بيت ، توجيهكم ونقدكم
محط اهتمامي ونظري ، ومقدما اشكر من تفضل بقراءة هالشخااااابيط والسلام عليكم :
اضحك عليك الحين من تحت هطال - في مجـلسي دفيان والشاي خدران
وش حالتك من عقب ما صرت رحال - جافيت نـوم البيت واصبحت هملان
يا بو علي ما طاب من عقبك البال - الغيث يروي النفد والجيب عطلان
يا ليت عندي مجفل الطعس لا جـال - فكسار فضي اللون من صنع يابان
به كيس تمر خلاص عذبٍ وسلسال - مــع كيس بن وهيل ومزعفـرٍ زان
مع كيس شاي الكين تلقيم فنجـــــــال - مع كيسة الحالي على الكيف خرمان
ومحملٍ قلصي حسينات الاطـــوال - من بــاطن الـــوادي ثقيلات الاوزان
صفرٍ جوانبها قديمات الآجـــــــال - حمرٍ دواخلها كما الورد لا بـــــان
سمرٍ تعدّه طيب لا شبّ في الحال - دنّيت راسك تشمّه وانت طربــــــــــان
سمرٍ بريحة شدّة الهم تنجـــــــــال - يطرد هدير الشبط عن شخف الآذان
ومحملٍِ قلصي من اللحف ما شــــال - وخيمة وهرفي وبالمواعين رنان
ومحرّك الفكسار والليل طربــــــال - ابغى صلاة الفجر في صفّ الاخوان
منهم عديل الروح للقول فعـــــال - احمد حميد النفس في الحق ما لان
وعدّ البسيمي بالورى خوش رجال - يحبيك مــــــــن طيبه مثاقيل واطنان
ومرخٍ هدَب عينه من النوم لا زال - يهوى كثير النوم مــــا هوب شبعان
ربي عسى خيرك على الخلق نزّال - تجعل هدب تركي من النوم جفلان