المساعد الشخصي الرقمي

مشاهدة النسخة كاملة : من يفيدني عن قدر الضغط


ابن الحصون
25/12/2006, 11:25 AM
السلام عليكم
أخوكم ماعنده ابدا اي خبرة عن قدور الضغط حيث انني فرضت عليها مقاطعة تامة عندما سمعت بانفجار حصل لاحد الاصدقاء ربما لسوء الاستخدام
وناوي ياجماعة الخير انهي المقاطعة وأبدأ صفحة جديدة من العلاقات الطيبة مع القدور وناوي على شراء قدر ماركة سب .ابغي من الاخوان أهل الخبرة لايبخلون علي بطريقة الاستخدام الآمن حتى لاينفجر بوجهنا وجزا الجميع كل خير

ابن الحصون
فنجال
25/12/2006, 11:55 AM
هلا اخوي

العمليه سهله بس مايبيلها واحدن مربوش:p يبهلها واحد راكد يعني :
1- يجب ان لاتملي القدر. الماء الى حد المسامير اللي داخل القدر
2 اذا الطبخة كملت اولا فك البلف حتى ينته الهواء ثم فك الغطاء
3اول ماتحط القدر على النار تاكد ان الغطاء مسكر زين لان هذى تحصل ثم تخرب عليك الجلبه الداخليه
4 انصحك بقدر السيف رخيص ويكد معك وخاصه انها التجربه الاولى لك:p .
تحياتي:) .
رش السحاب
25/12/2006, 04:53 PM
هلا بك اخوي ونسأل الله لنا ولك السلامه الدائمه

مثل ما تفضل احوي فنجال اهم شيء اغلق الغطاء بشكل جيد
ولا تحاول تفتح الغطاء الا بعد انقطاع صوت البخار

وفعلا عليك بالسيف

صحيح فيه ارخص منه لكن بإذن الله انه آمن

وانت تعرف اخوي ان كل شي في هالدنيا توفيق من رب العالمين

زميل لي معاه صيني وماشالله ماعندك بحسن منه

وعاد الله الله بالعزومه الطيبه اذا اضبطت الامور معك :)


وفقك ربي واسعدك
المسطره
25/12/2006, 05:07 PM
هلا فيك اخوي
قدر السيف الي يقولون عنه الاخون صيني وانا استخدمه وهو كويس خصوصا في البر لانه رخيص :)

بس اذا تبي الامان والظمان بعد ستر الله
فا عليك بسب قدور ضغط ماعليها كلام
وفيه نوع جديد انصحك تشريه وهو بنفس سعر القديم تقريبا
لكنه يمتيز عنه انه سهل الاستخدام جدا ولا تقول وين الغطى ضاعت الصفيره
يعني كله قطعه واحده
ويتميز انه مستحيل ينفتح وهو مضغوط يعني لازم تنسم الضغط وبعدين ينفتح معك
تلقاة بكثره عن محلات الاواني المنزليه وسعاره من400 وفووق :)
بعكس الصيني من 100 وتحت :)
على العموم اتمنى اني اكون افدتك
وتقبل تحياتي
حمدبن ناصر
25/12/2006, 05:46 PM
قدر السيف الصيني عند الاهل في البيت2 استعمال يومى

يعتبرجيد
ابن الحصون
25/12/2006, 07:24 PM
الاخوة الكرام
فنجال - رش السحاب -المسطرة -حمد بن ناصر شكرا على الاجابة والتعقيب
لكن عندي سؤال مهم ارجو الاجابة عليه وهو كيف أعرف المدة الكافية لاستواء الطعام مثل اللحم أو الدجاج والرز طبعا
ahmed i m
26/12/2006, 12:40 PM
اخى الفاضل بعد الانتهاء من الطبح ضع القدر تحت الماء البارد ليتحول البخار الذى بداخل القدر الى ماء
jaber280
26/12/2006, 12:58 PM
أخي راجع موضوعي عن جدر سب ومميزاته ومواصفاته راح تفيدك بإذن الله تعالى وهو اللي اينصحك فيه أخونا المسطرة وانا كذلك
على هذا الرابط

http://www.mekshat.com/vb/showthread.php?t=64130

تقبل تحياتي
المسطره
26/12/2006, 06:26 PM
أكد على كلام اخوي جابر وانصحك تروح لرابط الي حاطه وتشوف مميزات القدر الي شرحه شرح جميل وافي

وهذا رد كتبته في نفس الموضوع اعيده هنا للاهميه
شرح ممتاز وافي اخوي
يبين درجه الامان العاليه في هالماركه المعروفه ..وفيه شي يمكن ماقاله اخوي وهو ان هالنوع من قدر ساب لايمكن يفنتح وهو مضغوط ..
يعني لازم تفرغ الضغط وبعدين ينفتح ..وهذا الشي يمنع الحوادث الي تصير بالخطاء عندما يجي احد مستعجل ويفتح القدر وهو مايدري.

بالنسبه الاخوان الي يمدحون الصيني ..انا استخدم الصيني في البر ولا اطبخ الا فيه واحاو ل اكون على حذر منه واراقبه دايم لانه مايستخدمه احد غيري

لكن اسمحو لي في البيت وعند الاهل والبزراين ابجيب ااامن شي حتى لو كان غالي
ولله ياجماعه اعرف اشخاص كثيرين انفجر فيهم الكاتم الصيني لكن ستر الله عليهم انهم كانو في البر وغطاء القدر طار فوق وطاح بعيد
لكن تخيلو لو انفجر في بيت وضرب في السقف ورجع على احد من اهل البيت...القصص كثيره ولاهو لازم الوحد يصير عليه الحادث لا قدر الله علشان يعرف الخطر

نصيحه ياخواني لايقول الواحد انا لي زمان استخدم هالقدر ولا صار لي شي ...ارجوانكم لا تستهترون بالامان في البيت خصوصا.. لانه لو قدر الله صار حادث ..الواحد مايقول انا السبب الي شريت الرخيص
وطبعا كل شي بقدر الله لكن الاخذ بالاسباب مطلب شرعي

تقبل تحياتي
ولد عبدالله
28/12/2006, 12:23 PM
لاتوح بعيد السيف رخيص وحلو مررررره

وعملي
شغل عدل
30/12/2006, 11:44 AM
قدر سب ممتاز وعملي كثير وباحجام مختلفه