سؤال كيف تجعل السمكه تاتي على وجهها

[ابومحمد،]

السلام عليكم ورحمة الله وبركاته
ياهل الخبره كثير منا يصيد السمكه وعبال توصله مع السحب بالقصبه بالذات تجي السمكه
مصروعه على جنب السؤال كيف طريقة صيدها تخليها تجي ووجهها عليك مباشره يعني
جايه معاك مو عكس

الطعم الكذاب الاصلي وين القاه في ينبع الي مكتوب فيه كم جرام ثقلها

والمكينه الي تسحب آليا وتعطيك كم العمق فين القاها وسعرها هل في احد يجيبها من الخارج

[ابومحمد،]

ولا اجابه سبحان الله وبحمده سبحان الله العظيم

[أبوحافظ]

عليكم السلام ورحمه الله وبركاته
قد يحتاج سؤالك للمزيد من التوضيح ليتمكن اهل الخبره من الاجابه عليه
وضح كيف
طريقة صيدك سنارة بوبنق / جيجنق .. الخ
الادوات اللي تستخدمها : لعف طبيعي / بوبر / جريرة ...الخ
المكان هل هو سقالة / شاطي / قارب .. الخ
نوع السمك المستهدف بالصيد

بالنسبه الطعم وضح ايضا نوع الطعم الصناعي المطلوب
وعموما لا اعرف محل بينبع وافضل محل هو السنبوك و المتجر البحري بجده

اما مكائن السحب الكهربائي فهي اكثر ما تستخدم في البحر الغزير والاعماق الكبيره اسعارها غاليه جدا توجد ايضا بالسنبوك و تحصلها بالنت وشفت اعلانات في خيمه بيع وشراء و ادوات الصيد البحري بامكانك تتواصل معهم

[ابومحمد،]

شكرا لاهتمامك ابو حافظ بالنسبه لسحب السمك كتبة فوق بالقصبه بالقارب او من الشاطىء كنت اقصد الاسلوب الي تخلي السمك تقل مقاومته لك وتخليه مستسلم جاي مع اتجاه الجلب مو العكس انت تسحب وهي تفر للبحر

وباقي الاسئله جاوبتني جزاك الله خير ان شاء الله احصل عند السنبوك طلبي الطعم الجيققنيق وترولينق والمكاين الاليه فكرت بسويها بالمجرور من الشاطىء

في حال صابة سمك داهيه

[أبوحافظ]

والله يالغالي ما انصحك بالمكينة تستخدمها كمجرور لانهامكلفه واستخدمها محدد

لكن الافضل تستخدم قصبه من قطعتين او ثلاث تكون قويه عندك قصبه شكسبير استخدمتها و ممتازة
و تستخدم مكينه قويه مثل مكينة penn فيه انواع تشيل كميه كبيره من الخيط
مع خيط نايلون مقاس 0.55 او 0.65 من نوع hi seas او خيط حرير اصلي باوربرو مقاس كبير 0.50

اما سؤالك عن طريقه سحب بحيث تسحب السمكه بدون مقاومه و حركات جانبية
ان شاءالله يفيدوك الشباب فيها
بعطيك حالات تحصل معي و كنت اسحب دواهي بكل سهوله
احيانا يمسك في الخيط اعشاب بحرية طافية و مع سحب الخيط (الخيط يمر وسط العشب ) يكون العشب وصل الى نهاية الخيط عند وجه السمكة فلاحظت انها مقاومة السمكه تقل بشكل كبير لما تغطي الاعشاب وجهها و تسحبها وهي شبه مستسلمه وسبق ان وضعت هذي الملاحظه في احد مواضيعي

اقترح عند ضرب سمكه كبيره وخاصة السطحيه تحط عشب على الخيط بحيث ان الخيط يمر وسط العشبه بسهوله

وراح يمشي العشب مع الخيط حتى يوصل النهاية ويغطي وجهه السمكه

او فكر في طريقة اخرى مشابهه لاي حاجه تنزلها مع الخيط بحيث ان الخيط مع السحب يمر من خلالها ومايكون ماسك بالخيط و الهدف تغطيه وجهه السمكه

طبعا الاعشاب تصلح من الشاطي لان زاوية سحب الخيط بشكل افقي و تختلف عن القارب اللي يكون غالبا بشكل عمودي عدا الاسماك السطحية

[ابومحمد،]

اشكرك على الملاحظه الجميله وان شاء الله نستفيد من خبراتكم ولا يهونو الاخوان في المنتدى بالنسبه للقصبه تنجح مع المجرور اكيد بارك الله فيك دمة بود

[أبوحافظ]

للتوضيح هذا الهامور صدته قبل شهرين تقريبا
والهامور معروفه سحبته يكون ثقيل جدا و خلال سحبه كان خفيف جدا
ولو تلاحظ الاعشاب المغطيه وجهه صادف مرورها وتعلقها بالخيط خلال السحب

http://www.mekshat.com/pix/upload06/images/2015/04/mk200176_img_20150404_031948.jpg

[mohammad_k]

اهم شي السمكه تطلع ايش الفرق اذا كانت مسحوبه على جنبها او على وجهها؟!