افضل ديانا 27 الجديده او القديمه و السبب

[a.alsalamah]

السلام عليكم

ابغى اشتري ديانا 27 الجديدة من شركه صاب بس احترت بسبب بعض الناس في المنتدى تقول القديمة افضل

اليوم كنت عند محل الرميح قالي ان الديانا تصنع في الصين

وبعد البحث في منتديات أمريكية لقيتهم يمدحون الديانا 27 بشكل قوي

نبغا نصايح المجربين لديانا الجديدة مع ذكر السبب ليش ما تنفع

[a.alsalamah]

الغريب ان البائع في صاب عطاني كتلوج و قال لي 27 المانيه اصليه شوف الكتلوج
وصلت البيت وبعد كتابتي الموضوع

قمت اتفرج على الكتلوج مكتوب انقليزي الماني ما حصلت موديل 27
حصلت ارقام مختلفه زي 24، 26 ، 28 ، 31 ، 34 ، 36 ، 38 ، 45 ، 350 غيبه
هل يضحكون علينا

[القرصان_]

حياك الله يالغالي
البندق جدا ممتازة عندي وحدة اختها 28خفه ودقة
وجودتها جدا ممتازة وصناعتها الماني
بالتوفيق يالغالي

[شمالي و الهوا غربي]

تبي الخلاصة
القديمه ماتقارن بالجديد
لامن ناحية الجوده ولامن الدقة بالاصابة.
وحتئ قطع الغيار صيني. ماتحصل الاصلي،

[مقعي]

الديانا ٢٧ممتازة جداً
لكن يعيبها المنشاف يختلف بسرعة

وبعكسها الفايروخ اللي تتميز بالمنشاف القوي مثل الخرازة

لكن التأمين في الديانا أفضل

[a.alsalamah]

امس كنت في سوق الزل وشتريت ديانا 27 مستعمله نضيفه جدا راعيها محافض عليها من القديمات رميها دقيق جدا ما شا الله احسن من الفايروخ 27
مكتوب عليها ديانا وتحت منحوت عليها الرميح الرياض ص.ب 581 زر الأمان حديد دفعت 1400 ريال

هل فعلا هاذي القديم الأصلي وهل تستاهل المبلغ الي دفعته 1400 ريال لان الجديد عند صاب 1150 ريال

[ارثمس]

الله يعطيك خيرها ويكفيك شرها والله صراحه ونا خوك المبلغ غالي وما تستاهله لان الفايروخ افضل منها بألف مره وارخص ونا والله انه عندي ديانا 27 القديمه يمكن لها اكثر من 15 سنه وعندي فايروخ مقاس 30 لها سنه عندي والله اني جدعة الديانا بالدولاب واخذها اخوي الصغير يتعلم بها وانا ما اتقنص الا بالفايروخ اسهل وادق رمي وعلاج الدخل وحلوه برمي القرقس

[a.alsalamah]

انا ما ادري عن الفايروخ 30 بس عندي فايروخ 27 صارلها سنه عندي
و الديانا27الي اخذتها نضيفه مره استخدامها قليل جدا و افضل من الفايروخ 27

[أبوصالح9]

الله يبارك لك باللي شريت ويطعمك خيرها ويكفيك شرها - لا شريت لاتنشد عن السعر ولا راح اطيل بالشرح بس ان شاء الله انها مبروكة وطيبة

[اتحشى الهم]

الدينا الجديده قويهً بس عيبها وزنيتها تختلف

[آآآبو سعود]

طيب ياشباب اللي يجي عليها P1000 ديانا كم مقاسها

[Abobasil1000]

نصيحة لوجة الله أبعدو عن الديانا أصبحت شركة مخيسه خامة النيشان مصنوع من معدن مثل براده الحديد سهل الكسر انا عندي ديانا وفايروخ أفضل انواع الساكتون القديم ثم القديم ثم القديم حديد ولا تتفكك مساميره مع الرمي الجديد السكروب ما يفارقني ارمي وأربط المسامير شغله وإذا اضطريت على الجديد لا تبعد عن فايروخ نصيحة مجرب

[آآآبو سعود]

ﻻهنت ماقصرت ..

[آآآبو سعود]

طيب 34 وش رأيكم فيها

[a.alsalamah]

أحاول انزل الصور بس ماني قادر موقع الخليج لتحميل الصور مغلق فيه مواقع أخرى
بس كل مره أحاول تقولى الملف كبير
هل فيه موقع اخر لتحميل الصور