استفسار عن ممشى السياره الحقيقي؟؟؟ اريد الأفاده منكم

[ضحيوي]

السلام عليكم ورحمة الله وبركاته

اخواني اعضاء المنتدى الموقرون

وفقني الله سبحانه وتعالى و اشتريت شاص 2011 ماشي 90 الف ورحت للفحص حق الكمبيوتر وقالي ان الموتر مفصول وقلتله ابي الممشا الحقيقي قال لي الشاص والربع مانقدر نطلع الممشى الحقيقي طبعاً الكلام هذا بعد مااشتريت الموتر ولما سألت راعي الموتر قالي انا مافصلت عداد الكيلوات بس حطيت فاصل حق السرعه يعني بدل مايفصل على 170 تصير السرعه مفتوحه .....
ونفس النضام هذا له طقاق تحت الدركسون متى مابغيت تفتح السرعه تضغطه ..وقالي ايضاً راع الموتر فحص الكمبيوتر يبين عنده ان فيه خلل في اسلاك الطبلون عامه ويقولك ان العداد مفصول...

ولكن يااخواني السوؤأل هل فيه فحص يطلع لي الممشا الحقيقي للسياره؟؟؟

ارجوا الافاده وشكراً

[امير المشاعر]

اخوي شوف ورقة الفحص الدوري حقت السيارة راح يطلع معك هذا اذا كان فاصله من قريب
وثاني حاجه الموتر يبين معك شيك اسفل الموتر واثار الممشى يبين عليه من قدام اللي هو وجه الموتر
واخر شي اخوي لاتوسوس باذن الله مابه خلاف هذا شاص وتايوتا الممشى مايعيبه اذا كان مع رجال شرواك

[المميـز]

:

اذا كنت تدور ورشه او برنامج تطلع لك الممشى الحقيقي فهذا للاسف لم يتوفر للان
تأكد من سلامة المكينه بفحص الكمبيوتر وتأكد من سلامة الكوارين وزيتهم وزيت القير
ان شاء الله ماعليك خلاف والله يبارك لك بالموتر ويعطيك خيره ويكفيك شره
ومثل ماقال امير المشاعر الموتر اللي ماهو ماشي يبين من شكله ووقفته ووجه الموتر

:

[اليامي قطر]

بالعين المجرده تقدر تميز نظافه موتركـ

وموفق خيرر

[شنطة عده]

90 الف÷4 =22500(معدل المسافة في السنة)
22500÷12=1875 (معدل المسافة في الشهر)
1875÷30=62.5(معدل المسافة في اليوم)

بهذي الحسبة لازم يكون الموتر بحاله ممتازه وشبه جديد (يختلف الامر حسب اسلوب القيادة)
ولا اصدق ان سياره تستخدم يومياً من قبل مالكها وتكون المسافة بهذا المقدار

[ضحيوي]

بارك الله فيكم والف شكر لكم وجزاكم الله خير