يا هواة السلق وعشاقها صدق اللي صاير ؟؟ [الأرشيف]

مشاهدة النسخة كاملة : يا هواة السلق وعشاقها صدق اللي صاير ؟؟

عبدالرحمن

25/12/2006, 06:18 PM

السلام عليكم

طلعت قبل فتره مع بعض هواه السلق , ويقولون قنص ونطلق السلق قلت تراني خوي وطلعنا , لما وصلنا عرفت وش يقنصون , وكانت الطريده حصني ( ثعلب )

ثعلب

ثعلب

http://www.mekshat.com/pix/upload/images24/mk10802_dsc07205.jpg

اقولهم وش تبغون فيه يقولون من المفسدات

توقعت انهم هم المفسدين لحالهم لكن لما سألت غيرهم صارت الدعوة تحديات ويصيدون في اليوم من 3 الى 5 حصاني.

هذا شائع بين اهل السلق كلهم؟

حرف العين

25/12/2006, 06:58 PM

السلام عليكم ورحمة الله وبركاتة

للآسف انه هاذه بدى يشيع عند بعض الناس وانا انظر لها انها من المحرمات

ولها اثم كبير لانه اصطياده بغير منفعه لا في الاكل ولا شيء وحتى انه

البعض يصيده ويقول بانه ياتي لمزارعهم وياكل منها الحلال ولاكن اذا

الانسان يبغى يتخلص منها يتخلص منها بطريقة الرمي بل سلاح وليس

بكلاب تنهش وتقطع فيه قطع.

القحطاني505

25/12/2006, 07:05 PM

وعليكم السلام اخوي عبدالرحمن
لا ماهو كل من هوالسلق صاد له ثعل بالعكس في ناس ماتدانيه لانه يعلم الكلاب على الوحشيه وفي ناس مثل ماقلت تدوج له من مكان الى مكان وانا من النوع اللي يدوج له لكن اذا طردوه وقربو منه ابعدت الكشاف
ويعطيك العافيه على الموضوع الرائع:)

نيتروجين xp

25/12/2006, 07:10 PM

والله إنك ما تدري أجل !!!!

تعال شف راعين السلق عندنا وتبي تتهول

قلهم فيه تعلب بالمكان الفلاني والله ما يجي من بكرى إلا تلقاه مذبوح بمكانه

كل واحد الحين يحمل السلق ويروح يدور وأكيد يتفاخرون مثل ما ذكرت ..

تقبل تحياتي وتراي لست راعي س ل ق

قسوره2006

25/12/2006, 07:12 PM

هذا التصرف نعم عين الحرام

هذا التصرف غير حضاري

لماذا تزهق روح بغير وجه حق ما المصلحه من قتله

تستطيع تدريب السلق دون ازها ق روح

يجب توجيه الشباب ونصحهم لما فيه خير لهما وعدم الافساد في الارض

حسبي الله ونعم الوكيل الله يهديهم ويفتح على بصيرتهم

تربل999

25/12/2006, 11:40 PM

السلام عليكم
جزاك الله خير اخي على طرح هاذا الموضوع
بنسبه لمن يفك سلوقيه على الثعلب يخرب طبعه لو الشباب يلاحضون ان السلوقي الذي لم ينهد على الثعلب يجيب الرنب حيه والسلوقي الذي يصيد الثعلب يقطع الرنب ويخربها وهاذا من خوف السلوقي ان ينعض:eek:
تحذير يا شباب حاسبو من الثعلب
ثراه ينقل امراض كثيره واول شي السعار:j
وشكرن للاخ عبدالرحمن:good:

عبدالرحمن

27/12/2006, 02:32 AM

حرف العين : والله ما شفت كيف يتقطع بينهم حي واقولهم فكوه منهم يقولون لا خله يستاهل المفسد.

القحطاني 505 : موهب افضل لو تلقى طريقه ثانيه لتدريب السلق , الجرابيع وش حليلها للطردي .

المجتهد : كان معنا واحد من الرس يتشكى من اهل الابل يطردونه عشانه يوجه الكشاف عليهم بالغلط <<< شف الزعل بس :)

قسوره 2006: اذا كتب الله لي طلعه معهم مره ثانيه بصورها من بدايتها الين ارجع البيت بتشوف قهر في كل تصرف من تصرفاتهم , لانه الكتابه ما تكفي تطلع اللي في القلب.

تربل 999 : معهم سلق ما شاء الله تجيب الحصني حي لكن وين يروح من السلق الثانيه لازم يطلع اللي في بطنه والا ما يرتاحون, ياخي على الاقل مسكته حي فكه ثانيه والا خذه معك والا اذبحه زي حلق الله على اقل تقدير.

يالله انك تهدينا وتهديهم وتصلحنا وتصلحهم

وشكرا على مروركم ومشاركتكم الكريمه

ابو صاالح

28/12/2006, 02:37 PM

اخوي عبدالرحمن مره ثانيه لا تطلع معهم علمن نطلع سوى نقنص أرنب على كيف كيفك حتى أضمن لك أنها حيه ما تموت وش رايك ولا تزعل

عبدالرحمن

29/12/2006, 03:18 AM

ابو صالح : والله اتمنى انهم يلقون ارنب على الاقل توكل وما فيها فساد ولا ذنوب وهوايه.

معهم السلق والمواتر وكل شي بس خوفي تطلع معهم ويعرفون مكان اللي تقنصه وتجي بعد فتره تتحسف على شي صار في معالم الارض.

واذا كنت تفكر جد في انك تطلع معهم راسلني ولك الاجر ان شاء الله والحق يقال بتستمتع معهم وسواليفهم لكن لو تخلى من الصيد لغير ما يوكل.

القـــناص

29/12/2006, 05:52 PM

صحيح كلام اخوي تربل 999...

طلو

30/12/2006, 07:05 AM

لله يهدي الجميع وما قصرت اخوي عبدالرحمن

عويهره

30/12/2006, 08:36 AM

الله يجزاااااك خير اخوي (الدحمي) ابدلعك
لاكن اذااا حصلت حصني اسكت ولا تقووول لااحد ودق علي تكفى
0555174700
ابو عزوز

فهد222

31/12/2006, 02:18 AM

اول شي السلام عليكم
الثعلب (الحصني) والله مدري يجوز ذبحه ولا لا
لكن حقين السلق يدورونه دواره
ومشكووووووور على الموضوع
ويليت احد يعلمني يجوز ولا لا لكنه يعتبر من المفسدات لانه ياكل الفطيس (ونتم بكرامه)

عبدالرحمن

04/01/2007, 10:13 PM

القناص : مشكور على المرور الكريم

طلو : امين والجميع يا رب

عويهره : ويجزاك خير امين

فهد 222 : وعليكم السلام , اسمحلي اخوي فهد اخالفك الرأي اذا كان ياكل الفطيس فهو ينظف البيئه ويقلل تجمع الدواب والقوام في منطقه الجيفه و يبعد عنك ريحتها . و قصدهم مفسد انه ياكل الدجاج وصغار الغنم لكن وين الدجاج ووين الحصني اللي يسطي الحين على الغنم , والله اذا استمر الوضع على حاله ان يصير الحصني مثل النمر العربي مثل الاسد مثل النعام وما تسمع فيه الا يقولون لك شاهد عيان شافه وهو رايح للدوام في صفحه محليات في الجريده .

هاوي الله

04/01/2007, 10:20 PM

يارجال خلهم يستانسون كلها ضحك واناسه وخاصه في طرد السلق للثعالب ( الثعاله )

وبالنسبه لي إذا شفته رميته يعني إذا رأيتهُ طردتهُ ورميتهُ ( بالعربي الفصيح ) ههههه

عبدالرحمن

05/01/2007, 07:03 AM

فتى البران : الوناسه في الفساد مهيب وناسه , و اذا رميته وش تستفيد غير محاسبه يوم القيامه على فعل فعلته , لا يوكل ولا يفسد , يطاردونه في الليول ويتقطع وهو حي وين الوناسه , اذا كان كل من ملك سلق او سلاح ما ترك مخلوقات الله حتى اللي ما توكل ولا توذي صار العالم بدون حيوانات بس مواشي ودواجن . الحياه الفطريه تشبك على دواجن فقيه :) لا يوصلها المد

تربل999

05/01/2007, 09:09 AM

السلام عليكم
الاخ عبدالرحمن
ولا يهونون الباقين
الكل يقول الثعل مفسد في يش يفسد المسكين
الثعل مفيد في البر يكل العقرب وداب ومعضم القوارش الضاره يمكن خاطي خرنق مريض جربوع مريض ارنب ميت
بالعربي مايستاهل الذبح :no2: :no: ((((مفيد))))
================================================== =====

عبدالرحمن

05/01/2007, 05:20 PM

عن عمر وابن عباس (http://www.islamweb.net/ver2/library/showalam.php?ids=11)رضي الله عنهما " أنهما أوجبا في قتل المحرم الضبع جزاء " وعن علي رضي الله عنه أنه قال في الضبع إذا عدا على المحرم : فليقتله , فإن قتله قبل أن يعدو عليه فعليه شاة مسنة ولا حجة للشافعي (http://www.islamweb.net/ver2/library/showalam.php?ids=13790)في حديث الخمس الفواسق ; لأنه ليس فيه أن إباحة قتلهن لأجل أنه لا يؤكل لحمها , بل فيه إشارة إلى أن علة الإباحة فيها الابتداء بالأذى غالبا , ولا يوجد ذلك في الضبع والثعلب , بل من عادتهما الهرب من بني آدم ولا يؤذيان أحدا حتى يبتدئهما بالأذى , فلم توجد علة الإباحة فيهما فلم تثبت الإباحة.

الخمس فواسق(الفارة والعقرب والكلب العقور والغراب والحدأة ) تقتل في الحرم والاحرام اما الثعلب فهو خارج الفواسق او المفسدات زي ما يسميها البعض , يا ليت تكون توضحت الصوره لمن يدخل الثعلب من ضمنهم

راعي شعوه

05/01/2007, 08:53 PM

علشان يشحط السلق

هاوي الله

05/01/2007, 11:24 PM

ياخوي خل السلق تسوي بروفات عشان الأرانب ههههههه

وعلى فكره ترى الثعلب من المفسدات لأنه ذبح بكره توها مولوده نخس عيونها ونهش جنوبها لين ماتت !! وتقول إنه مهوب مُفسد !!!؟

وتراني اسوق البشاير على الثعل هههههه

عبدالرحمن

07/01/2007, 04:47 AM

راعي شعوه : اشحط السلق على ارانب والا ظبي موهب على ثعالب .

فتى البران : المفسد اللي يخرب بدون ما يكون له منفعه من الشي اللي خربه , واذا كان مثل ما تقول متعدي على حلال فهو من حقك تسوي فيه اللي تبغى , لكن انك تعني 200 كيلو عشان تطارد وراهن وتجي تقولي من المفسدات , بتحاسب عليه يوم الحساب ويتبين لك من المفسد .

وعلى قوله صدام هاي المرجله اللي تتكلمو بيها , ما قويت على الارنب والظبي حطيت حيلك في الثعلب

شاهد عيان

07/01/2007, 02:58 PM

عبدالرحمن

07/01/2007, 03:04 PM

شاهد عيان : ههههههههههههههههه العذر والسموحه ما كان القصد شخصك الكريم , المقصود ان واحد شافه بالصدفه وهو رايح الدوام . ويهدي الجميع ان شاء الله امين.