المساعد الشخصي الرقمي

مشاهدة النسخة كاملة : رايكم يهمني بخصوص ( طرمبة الزيت و الصبابات ) تاهو


Abo_fares
31/03/2015, 11:16 PM
السلام عليكم ورحمة الله

اخواني قدر الله و وقف عندي صباب رقم 4 بعد فتره من نزول ضغط الزيت

ف قررة اني ابدل الصبابا في نوع رياضي. مع طرمبة رياضيه من نوع ميلنق او spl

ولكن عند تركيب صبابات رياضيه راح اكون مجبر على الغاء نظام DOD. الخاص في تقليل استهلاك الوقود

راح يلكف تبديل الصبابات و الطرمبة دينالي مع طقم اوجيه كامل 3350 ريال قطع و شغل اليد 2000. و بيكون الاجمالي 5350 ريال
اما اذا اخذت طرمبة رياضيه ميلنق مع صبابات الوكاله و طقم اوجيه 3700 ريال قطع و شغل يد 2000 ريال

رايكم اركب طرمبة رياضيه وصبايات وكاله فقط. او. طرمبة دينالي و صبابات الوكاله

نوع وجيه المكينه ( فاكتور اتوقع اسمهم )

تحياتي لكم احباب قلبي
1824
31/03/2015, 11:53 PM
الطرمبة وحدة للدنالي والعادي لا يلعبون عليك بالسعر بس انا ما اعرف سعرها من الاساس ولاكن ترى اغلب قطع المحرك نفسها الفرق حجم المحرك اكبر فقط لاغير لا يلعبون عليك انتبه والوجية خذ اصلي دائما من الوكالة لانها الاساس في المشاكل بالتوفيق لك
Abo_fares
01/04/2015, 06:14 PM
الطرمبة وحدة للدنالي والعادي لا يلعبون عليك بالسعر بس انا ما اعرف سعرها من الاساس ولاكن ترى اغلب قطع المحرك نفسها الفرق حجم المحرك اكبر فقط لاغير لا يلعبون عليك انتبه والوجية خذ اصلي دائما من الوكالة لانها الاساس في المشاكل بالتوفيق لك

هلا بك يالغالي

لا اخوي تختلف بسبب سعة المحرك في الدينالي 6.1. و التاهو 5.3

وازيدك من الشعر بيت. فيه انواع كثيره و كل نوع له قوة ضغط خاصه فيه. حسب سعة و قوة المكينه
MSAN
02/04/2015, 08:35 AM
هلا بك.. هل المقصود بالصبابات هي التكايات؟؟؟

عموما أنصحك بـ طرمبة الدينالي.. وتكايات شد بلد.. وأهم شي الربلة الي تركب بين الطرمبة والشخال


بالتوفيق
وين الصيد
02/04/2015, 09:46 AM
انصحك بتركيب شد بلد واستخدام الزيت المخصص له من المصنع وتوكل على الله
الحربي 591
02/04/2015, 12:16 PM
السلام عليكم

اخوي بالنسبه للطرمبه اذا قالك فيه طرمبه دينالي تفرق عن التاهو واليوكون
قول له الله لايهينك عطني رقم الطرمبه حقت الدينالي و رقم طرمبه اليوكون او التاهو وقارنها بنفسك
اذا الرقم يختلف فادخل قوقل الله يسلمك وابحث عن كل رقم وشوف
اذا اعتذر يعطيك الرقم ف اعرف ان الشغله فيها نصب

اما بالنسبة للصبابات و النوع الرياضي

شوف يا بعد حيي
الرياضي يستخدم بشكل موقت ومحدود ماهو بشكل يومي
طبعا هالكلام لجميع القطع الرياضيه وانا كنت بسوي مثلك لكن فيه واحد خبره تعديل وترهيم قالي هالكلام
وانا اقول لك ركب الاصلي وابعد عن الاشياء ذي الا اذا انت تبي تعدل وتزود السياره هذي حريه شخصيه.. لكن ان بغيت ترجعها مثل مصنعها
ماراح ترجع مثل اللي انت خابر
1824
02/04/2015, 10:31 PM
طرمبة الزيت وحدة لكل محركات الثمانية السلندر سواء دنالي او او عادي او ونيت او غير ذلك لحد يلعب عليكم بالتوفيق لك
1824
02/04/2015, 10:33 PM
وكذلك كمية الزيت لمحركات الثمانية سلندر جميعها نفس الكمية وهي 5.7 لتر زيت مع السيفون من موديل 1990 وحطبة الى 2013 وبعدها تغيرت

استعمل طرمبة الوكالة ووجيه وكالة والباقي بكيفك اوهم ربله الماسوره غيرها ونظف الشخال والكرتير زين واستعمل زيت الوكالة المطلوب او بترومين A1 بالتوفيق لك
Abo_fares
04/04/2015, 02:00 AM
هلا فيكم جميع احباب قلبي


اللي رسيت عليه صبابات الوكاله و طرمبة دينالي

الارقام. يالغالي هي

التاهو يوكن ٥.٣ سعة 12584965
دينالي ٦.١ سعة 12612289
الحربي 591
04/04/2015, 06:25 AM
اخوي شوف الموضوع هذا اتمنى انه يفيدك
http://www.mekshat.com/vb/showthread.php?t=550746


طلعته بالرقم اللي انت كتبته ههههههه
1824
04/04/2015, 08:08 AM
روح للوكالة وعطهم رقم الشاصي وخذ رقم القطعة منهم عشان ترتاح بالتوفيق لك
اابو مياس
04/04/2015, 08:40 PM
في فرق بين طرمبه زيت الدينالي والتاهو