مطلوب محل غاز يعبي الدية الزرقاء غرب الرياض ( العريجاء - البديعة - السويدي)

[زرزوع]

السلام عليكم ورحمة الله وبركاته
مطلوب محل غاز يعبي الدبة الزرقاء
دبة 12 رطل
ودبة صغيرة شوي

العريجاء
حي طويق
البديعة
السويدي

هذه الأحياء فقط
افيدوني جزاكم الله خيرا
لاني ماعرف أعبيها بنفسي ومغلب مبدأ السلامة أولا


وشكرا

[سلطان ابوساره]

معظم محلات الغاز تعبيها
وانا مجرب الي في شبرا مخرج 24 وعندك مخرج 29 خلف تي شوز

[اسم قديم]

عبيها انت الشغله سهله

والا تعال ابشر بسعدك اعبيها لك ببلاش بس بشرط انك تعبيها مره ثانيه انت

[بدران الدوسري]

فيه الله يحفظك في شارع التوفير في السويدي طبعا وكانك ماعرفته علمني اوصفه لك صح

او شارع الغاز الي هو وانت على طريق عايشه متجه شمال بيجيك اشاره شارع النخيل ديور معها وأول شارع سيدين ادخل معه يمين وتلقى المحل بعد 500 متر تقريبا على يمينك

أو نتقهوى انا وياك في البيت واعبيها لك

الله يوفقنا وياك

[الفريح1]

شارع شرطة السويدي سابقاً ...بعد مبناهم وجهك غرب يجيك محل غاز يمين يعبي ذا

[N-Al-hebabi]

إذا أنت في غرب الرياض في عندك اللي يسمونها إشارة العمال

اللي تجيك على مخرج 29 خلف محل تيشوز في محل غاز يعبي الدبات والغازات والمشروبات الغازية والماء

[boshaden]

الان اي محل غاز يعبي لك الدبه الزرقاء
شف اقرب محل غاز لبيتك

[ليالي الجنوب]

وعليكم السلام
اخي
انت ماشي على الدائري متجة للجسر المعلق بيجك مخرج يوديك على شارع المدينه المنوره لف يسار وخل صناعيه العاصمه على يسارك وامش قدام لما تجيك اشاره تعداها لما تجيك حرف تي يسار طريق ترابي ويمين شارع لف يمين امش شوي قبل الاشاره تحصل محل غاز على اليمين انا اعبي منه اسم اشارع عبد الرحمن الداخل تقاطع بلال بن رباح و حوله مطعم هرفي
اتمنى وصلت المعلوومه

[أنس الحزيمي]

وعليكم السلام

اناحولك فالسويدي منيب بعيد تعال سير ونعبي لك الدبه ونعلمك وشلون
ازين من يلعبون عليك محلات الغاز بالسعر

[مطر وسم]

ترى تعبئة الدبه الزرقاء بسيطه تحصلها في قوقل تعلمها وارتح احسن من انه يلعبون عليك راعين محلات الغاز اهم شي انك تشري لي تعبئة الغاز


موفق اخوي

[ابو البر]

مبداء السلامه خله في وقته في عز الحر لا تخليها بالسياره .

اما تعبيئتها فلا يحتاج لها سوى مكان فسيح ( حوش او سطح البيت )
اصطوانه كبيره ولي غاز ومفتاح عشرة لفتح صامولة ازاحة الهواء .
وصلى الله وبارك .
قو قلبك يا رجال