الدنلي تفتف وطفى بالزحمه

[الدوسري دت كم]

السلام عليكم ورحمة الله وبركاته

يا أخوان عندي دينالي 2005
دخلت في زحمة الرياض ساعه ونص
تفتف وشوي وطفى. وسط الزحمه إحراج ومعي أهلي والحال صعبه.
وشوي وأدق سلف ويشتغل عادي مكان فيه شي . وزحمه وزحمه
وتفتف وطفى ثاني مره وعلى هالسيره خمس مرات أوست مرات
حتى وصلت البيت وطفى عند البيت بعد . دخلته البايكه ولا جيته .
من منكم مرعليه هالموقف.
وش تتوقعون السبب
والسلام عليكم

[جيب ربع]

ممكن طرمبة البنزين

[وين الصيد]

تذكر كم كميت البانزين المتبقية وقت الزحمة وكم درجة حرارة الجو

[الدوسري دت كم]

تذكر كم كميت البانزين المتبقية وقت الزحمة وكم درجة حرارة الجو

الكميه حول الربع اواقل شوي
والحراره ارتفعت وحرارة القيربعد ارتفعت

[وين الصيد]

الكميه حول الربع اواقل شوي
والحراره ارتفعت وحرارة القيربعد ارتفعت

اجل هذا دليل انه من الطرمبة

[خنشلية]

احيانا يكون من البرمجة. معطي احد اشتراك من قريب؟ جرب افصل اصبع البطارية عشر دقايق وارجع ولا مالك الاالطرمبة

[الحربي 591]

اخوي اذا تفتف وتطفي المشكله من الطرمبه باختصار.

مثلها مثل يوم تنقطع بنزين


واذا بتقطع الشك باليقين عبي جركل ماء بنزين وحطه في الشنطه ولف في السياره لين ماتولع اللمبه البنزين ولين ما يفضي التانكي مافيه ولا قطره وراح تلاحظ نفس الطفيه تفتفه وتطفي.

اما اذا المسئله كهرب و بطاريه وغيره السياره تطفي على طول كانك مطفيها من المفتاح

تحياتي

[الدوسري دت كم]

اشكركم اخواني على مروركم والله يجزاكم خير.

طيب تبين بفحص الكمبيوتر .
ترا ماقد غيرت له طرمبه ابد الله يبارك فيه والموترمدلع قوه ويستاهل الدلع

اجل افحص كمبيوتر واذا قال طرمبه .
اغيرطرمبه والمكربن لان فيه ريحه بنزين قويه اذا وقفنا جنب الخط للصلاة وما اشبه .

[1824]

احتمال عندك تهريب في اهواز الفاكيوم اهواز الهواء الي غمارة المحرك افتح الكبوت وشوف في شيء اهواز مقطوع مكسره شيء تنسم لانها تسبب التفتفه وتوصل للطفية مع الزمن تهتري الاهواز شيك عليها وشوف وشيك على ضغط طرمبة البنزين بالتوفيق لك

[الحربي 591]

اشكركم اخواني على مروركم والله يجزاكم خير.

طيب تبين بفحص الكمبيوتر .
ترا ماقد غيرت له طرمبه ابد الله يبارك فيه والموترمدلع قوه ويستاهل الدلع

اجل افحص كمبيوتر واذا قال طرمبه .
اغيرطرمبه والمكربن لان فيه ريحه بنزين قويه اذا وقفنا جنب الخط للصلاة وما اشبه .

اخوي ما اضن ان راح توضح لك لانها قاعده تهايط عليك:D نوب تشتغل ونوب تطفي ;)
ماراح يكون فيه فايده

[الدوسري دت كم]

ماقصرتوا ياشباب
طيب لمبة تشيك انجن مولعه.

اتوقع تبين بالكمبيوتر وش رايكم

[مراسل عنيزة]

تأكد من حساس الاكسجين حق الشكمان

[mhstr]

افادوك الشباب حساس الاكسجين هو حساس القربه احتمال كبير لو انك تضربه راح يشتغل معك

[abo aryam]

السلام عليكم
تأكد من اصابع البطارية لاتكون متكلسة او السلك محلول . هذ والله اعلم

[الحربي 591]

افادوك الشباب حساس الاكسجين هو حساس القربه احتمال كبير لو انك تضربه راح يشتغل معك

كيف تضربه ويشتغل
هو على اسمه حساس تضربه يخرب خصوصا حساس القربه وسطه فيه زي الفتيله لو خربت دور لك حساس ثاني وسعره مايقل 600 ريال

...
اما بالنسبه للموضوع
اذا اللمبه مولعه وش تنتظر روح افحصها عند الوكاله((اضمن))
"كنت اظنها طافيه اللمبه في ردي السابق

[الدوسري دت كم]

الله يجزاك خير اخوي الحربي ماقصرت .
والإخوان بعد .

[هاوي الديرة 1]

شيك على حساس الكرنك لانه صار معي مثلك يطفي عند الاشارة او الزحمه سويت فحص اول مره طلع خراب بالقير
المهم وادوار ورشه ثانيه كويسه وافحص عندة طلع معه الكرنك وكف القير
وشيك على فلتر هواء المكينه لايكون مسكر

[الدوسري دت كم]

شيك على حساس الكرنك لانه صار معي مثلك يطفي عند الاشارة او الزحمه سويت فحص اول مره طلع خراب بالقير
المهم وادوار ورشه ثانيه كويسه وافحص عندة طلع معه الكرنك وكف القير
وشيك على فلتر هواء المكينه لايكون مسكر

هلا اخوي .
وش لون حساس الكرنك العمود له حساس

[هاوي الديرة 1]

يجي له حساس عادة يكون راكب في احد جنوب المكينه وهو الى يخلي السيارة تطفي في الزحمه او التهدئه عند مطب

اهم حاجه فحص كمبيوتر عند واحد فاهم وان شاء الله يبين معك العطل

[وين الصيد]

يالغالي اذا طال الاستفسلر كثرت عندك الحلول وبلشت يطلع لك حساس يسار وحساس يمين ماتدري وش تعمل
مع ان الارجح طرمبة البانزين وذكرناها لك من بداية الموضوع

[آخر العنقود]

هلا اخوي بدال ما تتخسر بسبب العطل افحص السياره بالكمبيوتر ويبين لك العطل مباشره وبلغنا وش يصير عليك.

[الدوسري دت كم]

السلام عليكم ورحمة الله وبركاته
اشكركم اخواني على الردود والحماس مع الموضوع
رحت لم ورشه وسويت فحص كمبيوتروطلع عندي .
المكربن حق البنزين الي بجنب التانكي
والبلف الخلفي حقوه
والبلف الامامي الي على الرفرف
وغطا خزان البنزين
هذا الي قاله الكمبيوتر وشكله صادق
وعلى طريقي غيرت طرمبة البنزين
والحمدلله الوضع تمام التمام .
كلفت المساأله 3400ريال
مع غيارحساسات الكفرات الخلفيه .
القطع من الجميح اصلي ج ام .

[الحربي 591]

السلام عليكم ورحمة الله وبركاته
اشكركم اخواني على الردود والحماس مع الموضوع
رحت لم ورشه وسويت فحص كمبيوتروطلع عندي .
المكربن حق البنزين الي بجنب التانكي
والبلف الخلفي حقوه
والبلف الامامي الي على الرفرف
وغطا خزان البنزين
هذا الي قاله الكمبيوتر وشكله صادق
وعلى طريقي غيرت طرمبة البنزين
والحمدلله الوضع تمام التمام .
كلفت المساأله 3400ريال
مع غيارحساسات الكفرات الخلفيه .
القطع من الجميح اصلي ج ام .


اخر الاعطال ان شاء الله :)
بالتوفيق:good2: