الاكستريما 2 هي الافضل وهذا دليلي

[نهر العطاء]

السلام عليكم

مساكم الله بالخير









حبيت ادلي بدلوي وابين وجهة نظري حول النقاشات القائمة والمثيره للجدل حول منتج شركة بريتا العالمية الا وهي الاكستريما 2 الرائعه

واختلاف وجهات النظر لا يفسد للود قضية

انا برأيي ان الاكستريما 2 الافضل لعدة اسباب الا وهي

اولا

تحملها لجميع الضغوط من 24 غرام وحتى 66 غرام وطبعا هذي ميزه تفرقها عن البنيللي لان البنيللي ما ترمي بالضغوط الخفيفه ولا يزعلون ربع السوابر علينا

2 بندقية بالعامية ( خفيفه) وحتى شيلتها تجيب لك العافيه بسبب دعمها بـ مقابض بلاستيك قوية ومريحه للرامي

3 سلاح مدعوم بقطعة مانعه للإرتداد الا وهي الـ kick off وهذي احد المزايا الكبرى لها يعني ما تحس بألم الإرتداد اللي تعودت عليه بالبنادق الأخرى

4 سبطانة بطول 30 انش وهذي ميزه اخرى لان البنيللي 28 انش !! سوف يأتيني شخص يقول البراوننغ 32 انش طيب اقول له هل البراوننغ تتحمل اكثر من 36 غرام بل وايضا لا تتحمل الرماية الكثيفة بالـ 36 غرام هذا مو موضوعنا المهم

5 بندق من ناحية الرش والسوق تطيب الخاطر لان بصراحه الفشق محل ما تبيه يروح يروح وحسب إختيارك للتشوك المستخدم ومو زي البنيللي ما تدري وين يروح الحلبي لازم ترهم لها ماصوره :mad:

وبصراحه يالبريتا تستاهلين من يدفع عشانك الغالي والثمين وما عاش من يبخسك والله

هذي بعض من مزايا البريتا والاخوان يكملون الباقي

طبعا يا اخوان هذي وجهة نظر زي ما قلت والسموحه والكلام بالعامي وما ودنا نتفلسف وحياكم;)





ننتظر ردوكم

[النحاسي]

لافض فووك ولا قلمك
ماشاء الله
كلام منطقي جداً .. وفي مكانه..
فلو لا اختلاف الاذواق لبارت السلع ..
وهناك من يهوى البانيلي من القلب .. والبريتتا لها اهلها..
ولكن فنياً من وجهة نظري (ومن وجهة نظر المواقع العالمية التي تقيّم الاسلحة)فان البريتتا متفوقة حالياً..

شكرا لك

[نهر العطاء]

مشكور على مروك اخوي النحاسي وانت الاحلى وهلا بك

[abofalcon]

شكراً على موضوك
الحقيقه فيه معلومات اول مره اسمعها
اضافه انه مختصر ومفيد
جزاك الله خير

[نعمان الفهمان]

نرجع ونقول اذا بتمدحون بنادقكم لا تسبون بنادقنا طيب

ولا زال العرض قائم صندوقين فشق لاي شخص معة اكستريما 2

بشرط انة يركب جنبي وابية يرمي حجل منب قايل ابية يرمي المخزن كامل ابي ثلاث فشق بس شف انت تقدر ترميهن او لا

لالالالالالالالالالالالالالالالالالالالالالالالالا لالالالالا تكلمون بالسوبر انتبهووووووووووووووووو

[alhawy]

معليش ياشباب البرتا لها انواع وانا وغيري ممكن شافها مع احد لكن ميعرف شكلها ممكن الصور علشان ادلو بدلوي واكون علي بينه
وكذالك غيري
والسلام

[النحاسي]

نرجع ونقول اذا بتمدحون بنادقكم لا تسبون بنادقنا طيب

ولا زال العرض قائم صندوقين فشق لاي شخص معة اكستريما 2

بشرط انة يركب جنبي وابية يرمي حجل منب قايل ابية يرمي المخزن كامل ابي ثلاث فشق بس شف انت تقدر ترميهن او لا

لالالالالالالالالالالالالالالالالالالالالالالالالا لالالالالا تكلمون بالسوبر انتبهووووووووووووووووو

ياحبي لك يا نعمان
ماسبينا البواريد الثانية لا والله...
والرمي والاصابة (الي تتكلم انت عنها بهالخصوص)هذي ترجع للمهارة...وانت ماشاء الله عليك
لو اني صاحب مهارة عالية انا .. كانت تحديتك انت وسوبرك ومواصيرك وترهيماتك:D
ياحبي للشغل النظيف (بندق شد بلد) ماهو تصير تجميع من كذا بارود:D حتى يصير مابقى من ماركتها الا المكينة:D

------------------> تبي تقلب هوشة

[نعمان الفهمان]

النحاسي يا اخوي انا ما اتكلم عن الرمي والاصابة والمهارة لا هذي مالها علاقة بالموضوع ابدا
الي اقصدة طال عمرك بندقك انت وكاتب الموضوع
مهب معقول الواحد اذا شرى شي صار احسن شي بالسوق
نعم امدح بندقك وتستاهل البرتا بس ما تمدحة على حساب غيرة

المقصود بكلامي ان البرتا تنشب الفشقة نعم تنشب اذا رميت وانت تمشي طال عمرك
لا يطلعلي احد يقول انا جربت وما نشبت اوعك انت واياة

[نوض الحقوق]

نعمان الفهمان حياك الله اخوي الغالي ........
بالنسبة للأكستريما 2 صراحة معي وحدة و مع واحد من الشباب وحدة و مجربينها نطرد بها درجلان في اماكن سهلة و اماكن وعرة اكثر من مرة و لا عمرها علقت مع واحد منا .........
إلا اذا كنت تطرد ( بدنا ) فهذا كلام ثاني :d
اخوي الغالي اعتبر مشاركتي هذي نتيجة طرد واقعية و لا فيها مشاكل ابد واجهتني . و معروف ان البانلي لا يمكن انها تعلق حتى لو حطيت فيها بلكة او رصيف ما عندها مشكلة ترمي و كذلك البرتا و شكراً لك حبيبي و خل صناديقك للبانلي طال عمرك ترى الفشق غالي و انا اخوك و الله يوفقك ..
اخوك الملفاع

[الخيول96]

السلام عليكم اخوى نعمان الفهمان الحمدلله انا عندى بريتا اكستريما 2 ومستعد لقبول العر ض بس انت حدد الزمن والمكان ملحوظة انا كان عندى برواننج البلجيكية وفرانكى الايطالية وكنت ما حب اسم البريتا الا فى المسدس فقط لاكن بعد تجربة الاكستريما 2هناك فرق كبير جدا جدا

[نهر العطاء]

زعلت يا نعمان
هههههههه
العشا باكر عندي ولا يهمك
بعدين لا تقول بردك الاخير صاحب الموضوع ترى له اسم معرف يا هوووه :cool:
وانا جربت البنيللي لكن البريتا افضل للاسباب آنفة الذكر ولنا حق نمدح الزين والزين كايييد والله يرزقكم يا الاجاويد بالزين
والموضوع وجة نظر والكل اتفق على ان البريتا ملكة الساحة حاليا ً :good:

شكرا لكم على المرور

[ابوفهد225]

5 بندق من ناحية الرش والسوق تطيب الخاطر لان بصراحه الفشق محل ما تبيه يروح يروح وحسب إختيارك للتشوك المستخدم ومو زي البنيللي ما تدري وين يروح الحلبي لازم ترهم لها ماصوره :mad:



باين عليها ومن مدح الشباب انها ممتازه

لكن انت تقول لازم ترهم ماصوره للسوبر علشان يكون رميها افضل

اقول الكلام هذا للسوبر الاوله

النوع الجديد من السوبر اللي فيه تقنية كريو CRIO

رميه ممتاز وانا كان معي سوبر النوع الاول ومركب ماصوره بلجيك

بعتها وشريت السوبرالجديده وشفت ان رميها ممتاز

بعت الماصوره

وهذا دلوي:)

[نهر العطاء]

حياك ربي ابو فهد *** الموضوع مجرد طرح وجهات نظر والمقصد هو الفائدة وتبادل الآراء والخبرات بيننا
وهلا فييييك

[القرقفان]

السلام عليكم ورحمة الله وبركاته اخواني الصيادين لكل صياد ذوقه في اختياربندقيته انا جربت البراونينغ والبريتا (302 ) والفرانكي (500)و(520 )والايلايت فصيد الوزوالبط والخنازير البريه وطبعا محشومون يلزمه فشك قوي جدا وأنارأيي أن الطليان لن يصنعوا افضل من الريتا 302 القديمه حتى بعد 15 سنه وشكرا

[قانوص قديم]

السلام عليكم البريتا بندق طيبه ابدددددد ماتنعاب ولاكن انا افضل السوبر سبورت عليها بقول لك ليش نقلة البنلي احلى مسلوبه حاظنها مسلوب تركيبتها روعه وبالنسبه للضغوط على قولتك والاصح الجرامات العاليه مثل ال 66 جرام من يرمي فيه من كثر الوز عندنا كلها قمريه ولادحروج ولا قطاة وشعندنا الله المستعان 36 جرام وزايد على صيدنا والبريتا ضخمه بالحجم وللعلم ترا عندي الثنتين وكلهم عزيزين علي ولاكن السوده معشوقتي وانا اخوك بنلي بنلي بنلي وما ادراك ما البنلي

[سالي الخاطر]

النحاسي يا اخوي انا ما اتكلم عن الرمي والاصابة والمهارة لا هذي مالها علاقة بالموضوع ابدا

الي اقصدة طال عمرك بندقك انت وكاتب الموضوع
مهب معقول الواحد اذا شرى شي صار احسن شي بالسوق
نعم امدح بندقك وتستاهل البرتا بس ما تمدحة على حساب غيرة

المقصود بكلامي ان البرتا تنشب الفشقة نعم تنشب اذا رميت وانت تمشي طال عمرك
لا يطلعلي احد يقول انا جربت وما نشبت اوعك انت واياة


اولا بخصوص دقة الاصابه عقب فتره وخلني اكون معك صريح ودقيق بعد اذن الجميع انت وصاحب الموضوع

اولا انا مالي بالشوازن وكانت الاكستريما اول شوزن املكه واجربه ورميت فيها ولله الحمد ما تخطي ورميت فيها 100 فشقه ولا تغيرت تصيب مع العلم ماني قنوص عليمي قنص

ولكن احب اقول للكل كلامك صحيح والله مرات الفشق ينشب بدون لا اجري ولا شي >>لكن انا قلت يمكن من استعمال الشخص اللي قبلي لاني شاريها مستخدمه ولكن الحين عقب كلامك محتار هل صحيح الكل ولا معي بس

ولكن ما باعيب البنلي او غيرها وانا ما جربتها ولكن الاكستريما معي زي الحلاوه وماشاء الله ما تخطي

تحياتي للكل

[مطارد القمري]

[quote
4 سبطانة بطول 30 انش وهذي ميزه اخرى لان البنيللي 28 انش !! سوف يأتيني شخص يقول البراوننغ 32 انش طيب اقول له هل البراوننغ تتحمل اكثر من 36 غرام بل وايضا لا تتحمل الرماية الكثيفة بالـ 36 غرام هذا مو موضوعنا المهم


من قالك انها ماترمي بظغط عالي انا رامي 40 من قالك انها ما تتحمل ارمايا الكثيفه والله روعه البروينق
ام خمس القديمه ولكن تبقى الافضل البرتا

[قناص خليص]

كلام جميل ونقاش منطقي عني وتجربة الإكستريما2 أنها ممتازة بكل المقاييس وعن التعليق في الرمي مامرت علي لكن أتوقع سوء إستخدام وعدم تنظيف والبنلي لها عشاقها ومحبيها وكلاهما عيناني في رأس وبنات عم وبلد واحد لكن إختلاف الذائقة والرغبة هي الحكم والفيصل في الإختيار والإقتناء لكم تحياتي على هذا الطرح

[ابو بندر 77]

ماشاء الله

[عنيد]

2 بندقية بالعامية ( خفيفه) وحتى شيلتها تجيب لك العافيه بسبب دعمها بـ مقابض بلاستيك قوية ومريحه للرامي

3
كلامك في محله لكن خفيفة هذي يبيلها مطار:D :D :D المعذرة اخوي مافيه بندق حتى الأن في وزن البنلي:good2:

[gmc1]

مقارنه جيدة لا كن نسيتو اهم شي وهو السعر ايهم اغلى

[عاشق الفتك 20]

يعطيك العاافيه

[خيال الصفراء]

اذا على طول السبطانه البراونج الفونكس والقولد هنتر 32 انش سوبر ماغنوم ترمي الفشق كله واذا على الكك اوف ركب لها كعب لامب سيفر والبنلي سوبر سبورت طول السبطانه 31 انش مع التشوك الخارجي و البلاك ايجل رميت فيها نفس رمي الاكستريما مادري شنو الدعايه اللى طالعه عليها اول شى تركيبها على النيشان فيه دفاشه والحاضن كبير وثقل فى الشوزن وبعدين القنص يعتمد على الفشق شنو النوع والحجم والضغط والله رمينا فى البراونج والبنلي والبريتا والفرانكي والرمنغتون والالفبارم والتركيات كلها تصيد و يعتمد على البواردي:good2:

[محب العقاب]

السلام عليكم ورحمة الله وبركاته/.
البراوننج أفضل البنادق من ناحية الماصورة(السبطانه)/.
والبنلي مكينة أفضل مكينة بالبنادق كلها /.
والبيكال أجزاء داخلية من ناحية السسته والمجرى اللي تركب عليه المكينه ومنضم الغاز ليس الغاز وإنما منظم الغاز القطعة الفضية اللي يركب عليها المجرى هذا الكلام من واقع تجربة/.
ولكن الإكستريما 2 أفضلها على الإطلاق وفي أنواع تنافسها كالفونكس(براوننج) والقولد هنتر (براوننج)
والسوبر بلاك إيقل 2 (بنيلي)/.
هذا والله أعلم وصلي وسلم وبارك على نبينا محمد /.
والسلام عليكم ورحمة الله وبركاته .. //

[عقيد حرب]

اخوتي الاعزاء البنلي ملكت قلوب الكثيرين على مدى 10 سنوات الماضية وتستحق الاشادة لكن اذكر الاخوة ومن جربوا الاكستريما2 ينتبهون على الانواع الجديدة والي انتشرت مؤخرامثل السوبر سبورت والانواع الجديدة منهاا ولايخفاا عليكم ان نظام البنلي اقل اتساخ من البرتا

[raied1]

,,,,,,,,,,والله ماندري اصلن ها الحين القناصين اكثر من الصيد ,,,,,,,,,,,,,,,,,,,,,,,

[raied1]

يا الربع ياجماعه عليكم بسواكتين الهوائيه مابقي صيد ياحالت الشر والله لوهو ذبحنا الجوع

[الجبخان]

بسم الله
من واقع تجربه وماهو كلام فاضي
ميزه الايطاليات عن جميع الشوازن سرعه الرمي والتبديل سرعه جنونيه عند غيرهن وهذا اللي يخلي راعي الصيد يدفع به ومن جرب يعرف
مميزات البرتا
1 ماتاقف من الوسخ يعني ماتلك ابد ابد ابد الكلام عن اكستريما 2
2 تسوق سوق طيب
3 ماتندف ماترجف بالفشق الضغط
4 اذا رجعت المكينه شوي شوي ماتكذب ترمي على طول ماهو مثل البنلي
5من ناحيه الشوكات تحس بفرق الرش 1عن 2عن3عن4عن5 ماهو مثل البنلي 1و2و3 مافبه فرق واجد
عيوبه
1عند التنظيف تمسك الكربون ووصخه كثير
2الثقل اللي ماهو طبيعي بمخزن 8 و10و14 ماهي مثل البنلي خفيفه كنها عصى
3عليها طواري من ناحيه السوق مره تسوق تقول هذي مدفع ومره تقول السكتون اسوق ،وهذي بجميع بنادق الغاز مثل البكال والرمنقتون وغيره
4فيها حذفه يسار وهذا اكيد 100%
5تنكسر صبعه دائم

تجربتي للبنلي سوبر بلاك ايقل 2
مميزاتها
1خفيفه الوزن وسهله الفك والتنظيف
2قله الخرابات والتحمل
عيوبه
1تلك وتاقف بالوسخ لازم زيت او تنظيف
2بروده ماصورته وقصرها28
3اذا رجعت المكينه شوي شوي ماترمي وهذا اللي يرفع ضغطي عند الصيد
3شوكاته من سبب بروده ماصورته ماتفرقهن بالحيل حول بعض

واقع تجربتي بنفسي بريتا اكستريما2جديده وبانلي سوبر بلاك ايقل 2 مستعمله ووحده جديده وm2مستعمله وريفاليومستعمله وسوبر سبورت مستعمله وبلاك وولف مستخدمه وريد وولف مستعمله وakmوبريدس 32 جديده وبراونينق مونتريال مستعمله

الافضل بنظري الاكستريما2 وبعدها سوبر سبورت فقط لاغييييييييييييييييييييييييييييييير

[هاوي بنلي]

السلام عليكم
مساكم الله بكل خير
يالربع بنلي مافيها كلام والبريتا الجديده اللي هي اكستريما تو ومابعدها طيبه ولو لاحظنا جميع المنتديات تمدح البريتا وانا صراحه كل شوازلي بنيلي وبشتري بريتا تو او a400 ولا ننسي ان البنيلي اساساً فرع من شركة البريتا العملاقه ووجهة نظري وانا للحين ماعندي بريتا ان عيوب البريتا انها غاز وفتحة دخول الفشق اصغر من البنلي ولوكنت اقدر ادخل صور كان دعمت كلامي بالصور ناهيكم عن سهولة فك وتركيب البنلي وامكانية الترهيم للمخزن والماصوره واشوف ان هذي مميزات وصراحة البنلي والبريتا هن الافضل ويكفي انهن ايطاليات وطبعاً ايطاليا انتجت اروع وافضل السيارات مثل لمبرجيني فما بالك بالسلاح عارف شطحه هذي حقت السيارات لكن تعمقت اكثر
وآسف علي الاطاله ومبروك عليكم الشهر الفضيل ،،،،، ودمتم جميعاً

[حمد النامي]

افضل بندق رميت بها ألبانيلي افضل من البرتا في نظري

[مشاري الجوف]

من واقع تجربه جربنا البرتا والبنلي m1 صراحه ففرق واضح البنلي تفوقت بكثير عن البرتاااا من ناحيه التدبيل شي خيال \ البرتا بس تعلق لدرجه مره واجهنا جول قطاا طشينا البرتا وسقنا عليهن بالبنلي مابقااا شي من الجول