ثلاجة الرمايه عيت تبردبالبريوم وصلت البيت صارت تبرد [الأرشيف]

مشاهدة النسخة كاملة : ثلاجة الرمايه عيت تبردبالبريوم وصلت البيت صارت تبرد

الدوسري دت كم

04/04/2015, 06:57 AM

لسلام عليكم ورحمة الله وبركاته .

عندي ثلاجة الرمايه 45 لترتروح وتجي مابه مشاكل
شابكه على البطاريه الاظافيه حقت الجمس بلد ماهي ترهيم
المهم رحناربالاجازه نتمشى في مملكتنا الغاليه وصلنا تبوك
والديارالتابعه له مثل حقل والبدع ومقنا الخ ....
يوم قررنا الرجعه طرالي اشتري سمك للبيت . تخبرون السمك هناك غيييييرسبحان الله .
مالكم بالطوليه اجي للثلاجه الاهي مشبوكه والساعه حقته شغاله بس ماتبرد والاغراض
الي به حوسه واللحم بغا يخرب .
حاولت نزلت درجة الحراره الى 15- مافيه فايده . افصل الكهرب مافيه فايده قهريوم
جت حاجته خربت وش هالكلام .
والله واتوكل على الله واشتري سمك واحط ثلج يعني خليته زي الحافظه ونمشي لهلنا
يوم وصلت ونزلنا الاغراض وافرغه واكب الي به من الما وانظفه عشان اوديه تصلح
قلت خل اجربه واشبكه بالسياره وامرعليه بعد ساعتين تقريبا والاهي مثلجه والحراره
15- اوجعن راسي مادري وش اسوي به اذا وديته للرمايه يبي يقول مابه شي ....
وش السوات ياشباب ..... ؟؟؟

ماعليش على الاطالها .;)

أبو شيري

04/04/2015, 08:43 AM

1- هل وفرت التهويه اللازمه لها , أو دافنها بوسط الأغراض ؟

2- الأغراض الذي بداخلها مع وضع السمك غير مجمد احتمال كبير له دور اذا هي فل .

تبريد ثلاجة السياره يتأخر كثير خصوصاً أذا تم وضع لحم حار بسبب تشغيل الكمبروسر على 12 فولت وليس 220 فولت
من الأفضل قدر الإمكان في هذه الحاله تثليج اللحم قبل وضعه بثلاجة السياره
أو شراء المطلوب ليلاً وتنزيل الثلاجه وشبكها على كهرباء البيت قبل السفر

الدوسري دت كم

04/04/2015, 11:21 AM

هلابك ابوشري .
ماقصرت . المكان واسع الي حول الثلاجه
الموتر جمس غمارتين HD الله يبارك به .
واللحم كان تقريبا جامد .
تراه اول مره تسوي هالحركه
أخاف ترجع وتسوي هالحركه بالصيف .

طيب لو اشبكه على محول 220 احسن أداء يعني .
بس بعد بوه مشكله المحول يستهلك كهرب ويسحب البطاريه

ساكن الغربية

04/04/2015, 01:39 PM

وعليكم السلام ورحمة الله وبركاته

المشكله في سلك الثلاجة لأن الكهرباء ماتصل مضبوط

أنا عانيت من نفس المشكلة

الحل ( ألغي السلك والفيش حقها وأشبك سلك مثل سلك الأيكوم

من نفس الكمبروسر إلى البطاريه دايركت )

طبعا يكون الفيش خارجي سويتها في كذا ثلاجة وزبطت معانا :good2:

Mohammed5d

04/04/2015, 08:33 PM

اتوقع ان الثلاجه مليانه فل لانها صارت معي قبل

الشيخ الظريف

04/04/2015, 10:54 PM

نوعية الثلاجه تخونك بالجو الحار كم مره تخونني بالصحراء وقت الظهيره رغم سعة المكان والظلال والسلك المباشر ٦مم ولي ثلاجة اخرى في سيارتي الثانيه وارد الحميدان ما شاء الله تستمر بالتبريد وعيبها ان عزلها ضعيف ماتطول بعد ما تطفيها وتسخن اما اذا صارت مشبوكه على الكهرباء ممتازه عكس الرمايه اللي تغدر بك وقت الحاجه

ابوراكان تبوك

05/04/2015, 06:45 AM

خلي معاك محول كهرب لو اضطريت تستخدمه اذا عيت تبرد واذا وصلت للتبريد المطلوب ردها ع البطاريه

لاتقارن 12V بـ 220

دائما التبريد بالبطاريه يخذلك

جول قميري

05/04/2015, 10:23 AM

هلا براعي المداء

مشكلة الثلاجات هذي (الرماية-الثميري-تاق) وغيرهن الكبار اذا مليته يبيله سنه عشان تبرد وغالبا يحتمي الكمبرسور وتقفل.. و تبطي ما تبرد لكن به ميزة العازل.. وبه عيب الوزن.

انا انصح بثلاجة سونيكوايسترن او اللي مثلها خفة و سرعة تبريد خيالية..

الدوسري دت كم

05/04/2015, 10:21 PM

ماقصرتوا يا اخوان الله يبيض وجيهكم يوم تسودوجوه .
يعني الثلاجه مابه عطل هي طبعه تسذا . امحق طبع .

الرماية

06/04/2015, 10:01 AM

السلام عليكم

بخصوص موضوع الثلاجة

هناك عدة عوامل مهمة تؤثر على كفائة التبريد حتى أفضل الثلاجات في العالم تتأثر بها .....

1 / لا بد يكون التسليك 6 ملم مباشر وليس فيه أي فاقد في الكهرب .
2 / لا بد يكون هناك تهوية كافية من الجهات التي فيها فتحات مروحة التبريد .
3/ كفائة بطارية السيارة لا بد تكون ممتازة وثابتة .
4 / لا يمكن لأي ثلاجة أن تعمل بشكل ممتاز إذا كانت السيارة في الشمس في الصيف ومقفلة النوافذ حيث ترتفع الحرارة الداخلية في السيارة بشكل كبير جدا لا يمكن أن تبرد الثلاجة .
5 / عدم أغلاق باب الثلاجة بشكل سليم يؤثر بشكل مباشر على التبريد.
6 / فتح الثلاجة بشكل متكرر لا يعطي فرصة للتبريد .
7 / وضع مواد غذائية ومعلبات حارة في الثلاجة يعرقل عملية التبريد .

وإذا تريد فحص للثلاجة وتسليكها تفضل بزيارة قسم الصيانة بفرع خريص
ونحن في الخدمة ..

مع تحيات محلات الرماية

شقردي

06/04/2015, 01:17 PM

أنا عندي ثلاجة الرماية لها أكثر من سنتين ممتازة صيف وشتاء
غريبة انها معوكسة معك ..

تأكد من الكيبل يمكن مع الوقت صار مرتخي أو شيء ..

قناص الوعول

06/04/2015, 10:46 PM

الافضل تشغيل الثلاجة على كهرب البيت اعلى درجه قبل الرحله بيوم وضع داخل الثلاجه قورير مويه وخلها تجمد وبعدها اشبكها على كهرب السيارة وتمتع بالثلاجه لو تبي تجلس شهر بالبر ما تعني من اي مشاكل

الدوسري دت كم

10/04/2015, 11:30 PM

أبو ذيب 77

11/04/2015, 01:23 AM

السلام عليكم
اخوي هذي صارت معي بنفس الثلاجة والحجم
شف الفيش اللي تشبكه في سلك الثلاجة قد يكون مملح من الوقت او يحصل ارتخاء ولا يحصل تلامس بين الطرفين

انا غيرت طرف السلك القادم من البطارية وحطيت مشبك جديد ومشت الامور لاني لقيته به بعض العوالق الخضراء مثل الاملاح

الرماية

11/04/2015, 09:49 AM

السلام عليكم .
اشكرالجميع على مرورهم .
حياك الله يا محل الرمايه .
تصدق كل النقاط الي انت ذكرت متوفره عندي كلهن كلهن .
بدون استثناء كلهن وحنا تونا ما جا الصيف الحبيب ابوالسلهيب .
المشوارالي رحنا لوه درجة الحراره ماتعدت 22 الظهر .
والناس الي راحوا هناك يشهدون .
بس شف وش العله بارك الله فيك

وعليكم السلام
لابد يكون هناك سبب خارجي
الثلاجة طالما رجعت للوضع الطبيعي فهذا يقتضي ذلك
ورد أخينا أبو ذيب يدل على ذلك..
وإذا تريد فحص الثلاجة نحن جاهزون وفي الخدمة
شكرا لك

السلام عليكم
اخوي هذي صارت معي بنفس الثلاجة والحجم
شف الفيش اللي تشبكه في سلك الثلاجة قد يكون مملح من الوقت او يحصل ارتخاء ولا يحصل تلامس بين الطرفين

انا غيرت طرف السلك القادم من البطارية وحطيت مشبك جديد ومشت الامور لاني لقيته به بعض العوالق الخضراء مثل الاملاح

وعليكم السلام

فعلا كلام سليم لا بد أن هناك عامل معين اثر على الأداء
مثل ما تفضلت
شكرا لك

قناص الوعول

12/04/2015, 09:22 AM

يمكن بطارية السيارة على اخر عمرها