تلميذ و منكم استفيد

[madini]

السلام عليكم

الحمدلله ما زلت تلميذ و استخدم قصبه و اصطاد من الشاطيء في ينبع الصناعيه و حصلت منطقه حلوه

و الله اكرمني كذا مره بهامور و شعور

السؤال افضل طعم و وقت لصيد الهامور ؟؟

السؤال افضل طعم و وقت لصيد الشعور ؟؟

المقصود بالوقت يعني فتره النهار او المساء و اللعف العاده استخدم حبار يجي لونه على احمر و اكون بموقع الصيد من 11 بالليل و انت طالع

تم استخدام السردين ممتاز لكن اتعبني ما يتحمل

و منكم أستفيد

[Abu-U-Sef]

الشعور يحب الربيان و الحبار الأبيض
وللهامور ينصحوا برأس الحبار

وبخصوص السردين و الربيان يفضل انك تملحه قبل الصيد والطريقة في الرابط التالي ممتازة و مجربة



http://www.mekshat.com/vb/showthread.php?t=73942

[أبوحافظ]

عليكم السلام ورحمه الله

اكثر اوقات صيد الشعور بالجنوب الفترة المسائيه من بعد العشاء و حتى الفجر

واكثر اوقات صيد الهوامير من الساعه 1 بعد منتصف الليل و حتى الصباح

ومثل ما ذكرلك ابو يوسف

راس الحبار للهوامير تحط كامل راس الحبار في السنارة وكل ما كبر الحجم كان افضل

الشعور ايضا يضرب على الحبار الاحمر

ايضا القمبرور الاحظ قله استخدامه في ينبع و املج و الوجه ولكنه فعال في الصيد

[madini]

جزاكم الله خير

امس الله اكرمني و صدت حبه هامور 2 كيلو و 3 حبات شعور وحده منهم اكثر من و كيلوو ابو نقطه و رجعتها البحر

و استخدمت الحبار الأحمر و قطعته مكعبات صغيره و ثبته مثل طريقه سيخ الكباب و توفقت و لله الحمد

الطريقه هاذي قريتها لأحد الاعضاء بموضوع و كانت ممتازه
http://up.m0dy.net/2015/m0dy.net-14286719811.jpg (http://up.m0dy.net/)

[sam-82]

ما شاء الله تبارك الله
لا صرت طالع ينبع خذني معاك نتعلم سوا .. وفالك الصيد الطيب يا طيب.

[أبوحافظ]

ماشاءالله تبارك الله

بداية احترافية وصيد ابدااااع

وانصحك بتعلم اكثر من طريقة مع تنويع الطعم

بعض المرات يقل الضرب على الحبار ويكون افضل على طعوم اخرى مثل السلماني و السردين والقمبرور و الباغة و غيرها
حاول تقطع السردين نصفين و ترش عليه ملح وتخليه ساعه ينشف ولا يكون في الشمس راح يكون قاسي ويكون افضل بالصيد ما يتفتت بسهوله

الحبار الاحمر البلدي ممتاز في الصيد خاصة راس الحبار يضرب عليه الشعور و الهوامير

وعندي ملاحظه بالنسبه لصورة الصيد ..

الصورة غير واضحه ولكن اعتقد السمكتين اللي فوق علبه الموية هي مختلفة عن فصيلة الشعور ..

اسمها (شعفن) أو (شعفل ) لونها يميل للاحمر قليلا
وهي من فصيلة النهاشات نفس فصيلة ابونقطة
لكنها فرق بينها و بين ابونقطه و تصل لاحجام كبيرة جدا ..

مفضلة للجميع واعتبرها من الذ الاسماك بالنسبة لي في القلي وافضل من الشعور

هذي صورة لها :


http://www.mekshat.com/pix/upload06/images/2015/04/mk200176_img_20150412_011326.jpg


اما السمكه اللي فوقهم اعلى وحده هي من فصيلة الشعور وتسمى كرسيت وعموما الشعور انواع كثيرة .. وهذي صورة لها ولاحظ الخط الاحمر على حد الخياشيم

http://www.mekshat.com/pix/upload06/images/2015/04/mk200176_img_20150412_013145.jpg


واتمنى لك التوفيق وفالك الصيد الطيب وبالعافيه عليك

[madini]

sam-82

شكرا لك

انا اعمل و ساكن في نفس ينبع الصناعيه اللي فهمته منك تعتقد اني اطلع من المدينه بسبب اسم المستخدم
صحيح انا من المدينه المنوره و اروح للمدينه كل نهاية اسبوع تقريبا
اذا طلعت ينبع اعطيني خبر و ابشر يا صاحبي

أبو حافظ
جزاك الله خير
بخصوص الكاميرا فيها خراب و اي صوره يدخل فيها اللون الاحمر او الوردي للأسف فأضطر اعدل فيها و اضيف لها إضاءه و لمعه
لكن لما وديتها المحل قالي شعور و الله اعلم

عموما الان ابحث عن قصبه و بكره جديده في موقع امازون لأن القصبه و البكره اللي عندي من النوع المتواضع و متعبتني
و ما زلت حايس بسبب كثرة الخيارات
لقيت شركات كثير منها دايوا و بينن و اكوما و اعجبتني اكوما عندهم حجات طيبه و اسعار مقبوله

و ابشرو بالمواضيع ان شاء الله

[sam-82]

sam-82

شكرا لك

انا اعمل و ساكن في نفس ينبع الصناعيه اللي فهمته منك تعتقد اني اطلع من المدينه بسبب اسم المستخدم
صحيح انا من المدينه المنوره و اروح للمدينه كل نهاية اسبوع تقريبا
اذا طلعت ينبع اعطيني خبر و ابشر يا صاحبي


العفو ياغالي .. :)
وبعدين يمكني عرفت من الدولة !! مو شرط الاسم ::::)
وفقك الله ياغالي وان شاء الله اذا حصل نصيب لاني غالبا ما اقدر اجي الا في نهاية الاسبوع .. يعني نتخالف.

بس بخصوص موضوع العدة انك تجيبها من برا اعتقد انه من الافضل تاخذ من السوق لانك لسه فالبداية كما ذكرت وحتتعرف على ميزات كثيرة ومواصفات منها الي حتفيدك ومنها الي ماهي ضرورية او غير ذات فائدة، فاعتقد انه تاجل موضوع الشراء من برا من الماراكات المعروفة لحد ما تتبحر بشكل كويس لانه تعتمد على الصيد وطريقة والنوع المستهدف .

مثلا اول خبرة انا استفدتها عمليا انه قصبة 4.5م طولها غير مناسب لي وخصوصا اني مبتدأ، كان الافضل اني اشتري قصبة 3م او اقل قليلا حتى اتعلم الرمي والسمك والطعوم والامكان وهكذا. فهذا قصدي انك تعرف ما يناسبك من خلال التجربة لذا مشي نفسك بمالديك او خذ عدة ما تتجاوز 200 او 250 حد اقصى ، وبكذا يصبح عندك بدل العدة اثنين وتبدا تعرف ميزات وعيوب كل منتج وما يناسبك منه.

واخيرا اتمنى لك التوفيق ، وتكفى فالطلعة الجاية اول سمكة تصديها تسميها على اسمي :D:D وتصورها لي اكحل عيوني فيها واحد سنارتي عليها.

فالك الصيد الطيب.

[أبوحافظ]

اذا كانت الاسماك اللي صدتها تشبه الصور اللي حطيتها في ردي
فخذ الجواب مني

[madini]

Sam

حياك الله يا sam و الله اتشرف فيك و مو كل اسبوع انزل
اما القصبه نصحني احد الزملاء اني اعدي على ساكو
يقول فيه عندهم نوع جدا ممتاز و سعره 450

ابو حافظ

اكيد بأخذ العلم منك ما يحتاج يا مشرفنا الغالي

[yasser87]

بالنسبة للقصبات والمكاين تلاقي في جدة وينبع انواع ممتازة وبأسعار كويسة
ساكو نصاب جداً وعدته مو ذاك الزود
اذا ودك ادلك على انواع كويسه اعطيني خبر
وتراني من اهل المدينة بس ظروف العمل نقلتني لينبع والان انا بجدة اكمل دراستي
لكني دايم اطلع ينبع وادورلي من يخاويني للصيد لكن ماعندي احد

[madini]

حياك الله يا ياسر ما تقصر

بكره ان شاء الله رايح على الساعه 10 عند الموفنبيك من زمان ما روحت

اللي فيه خوه نتشرف فيه

[yasser87]

احنا اللي نتشرف فيك وفي الناس الطيبة اللي زيك ياغالي
الله يوفقك ويرزقك الصيد الطيب يارب
والله ودي لكني بجدة ان شاء الله الجايات اكثر
في حفظ الرحمن ورعايته

[تميم2222]

ما شالله ...................

[همس البحر]

السلام عليكم وكل عام وانتم بخير
حبيب قلبي صيد ممتاز وبداية موفقة وانا تحت امرك خلك من المواقع الاجنبية تبغاني ارسلك قصبات من جدة تبشر خذلك بايلوت4متر ومكبنة بانكس السوداء كلها ماتوصل 500
ولو بغيت يط حرير اندونيسي 30عليها زي الورد


وهذا رقمي تحت امرك مخدوم ياعيوني ووفي عندك في ينبع الدود الابيض ادلك على مكانه يضرب معاك السمك ضرب0540009385