المساعد الشخصي الرقمي

مشاهدة النسخة كاملة : شاي الكيف


الشامسي111
08/04/2015, 07:17 PM
السلام عليكم ورحمة الله وبركاته

كيف الحال ابغي افضل طريقه لتحضير شاي احمر يعدل الكيف
انا عندي 3 انواع شاي بس ماعرف طريقة التحضير ياليت حط يفيدنا
بطريقة التحضير
الربيع
الوزه
بوكبوس
لوسمحتو القياس بالترد ماء يعني قياس دله
الشامسي111
08/04/2015, 08:29 PM
وينهم أهل الكيف ولا رد
لامبالي
08/04/2015, 08:47 PM
يا خوك اول شي حط الماء في البرادي حقك
ثم اوزن السكر في الماء ويكون حلى شوي مو مرة طبعا لابد يغلي الماء والسكر ثم تذوق
.
مقدار الشاي حق الوزه غير الربيع
مثل الربيع كاسة شاي الوزة يكون نص كاسه
.
وبنهاية انت لابد تخطي ايلين تصير تضبطه على مزاجك
لامبالي
08/04/2015, 08:50 PM
يا خوك اول شي حط الماء في البرادي حقك
ثم اوزن السكر في الماء ويكون حلى شوي مو مرة طبعا لابد يغلي الماء والسكر ثم تذوق
.
مقدار الشاي حق الوزه غير الربيع
مثل الربيع كاسة شاي الوزة يكون نص كاسه
.
وبنهاية انت لابد تخطي ايلين تصير تضبطه على مزاجك
Al3rands
09/04/2015, 04:03 AM
افادوك الاخوان وجرب ابو جبل لو لقيته
باتمان
09/04/2015, 10:24 PM
حياك الله يالشامسي وانا بعطيك طريقتي ان شاء الله تجوز لك
أولا انا استعمل براد صغير يمكن واحد لتر مو أكثر والبراد حقي زجاج ومعه مصفاة خاصة حق الشاي جاية معه
المهم في البداية حط البراد على النار وحط معه فنجال سكر مليان واتركه على النار لين يغلي
بعدين حط مقدار قليل من الشاي تقريبا نص فنجال بعد ماتغسله حطه بالمصفاة وحطه باليراد
وقصر النار على الآخر خلها تنمنم حلوة تنمنم وانتظر 6-7 دقايق بعدين طف النار وخل أوراق الشاي
بالبراد اذا كنت بتشرب الشاي بسرعة هذي طريقتي
طبعا انا أستخدم شاي أبوجبل +الوزة +الصمان حسب المزاج
أرجو اني افدتك
أم حلا
13/04/2015, 04:47 PM
شاي ليبتون < احلا مذاق وانا ام حلا
:)
خصوصا الحبيبات < وقت السفر
خالد الخطير
14/04/2015, 04:55 PM
شاي ليبتون < احلا مذاق وانا ام حلا
:)
خصوصا الحبيبات < وقت السفر

الحبيبات من اللبتون مايصلح للشاي لانه يخدر بسرعه ويقلب اسود

استخدامه يصلح للشاي حليب عدني بحيث يعطي لون داكن ومميز للحليب

مثال /

ابريق مقاس 2 لتر (افضل ابريق للحليب العدني هو الابريق الاصفر الكوري)

يوضع نصه ماء ويترك يغلي

بعدها يضاف السكر حسب المزاج لين يذوب

بعدها يضاف مقدار ملعقه الى ملعقتين من شاي لبتون حبيبات ويترك يقلب كم قلبه

بعدها يضاف علبه حليب سائل ( بوني - وادي فاطمه - ... الخ )

بعد اضافة الحليب قد تحتاج لاضافة قليل من الماء علشان يمتلي الابريق

يترك يقلب كم قلبه لين يتغير لونه ويصير لونه داكن وغامق

ملاحظة / مع قلب الحليب ناس تحب اضافة حبتين هيل لاضافة نكهه خاصه
خالد الخطير
14/04/2015, 05:15 PM
السلام عليكم ورحمة الله وبركاته

كيف الحال ابغي افضل طريقه لتحضير شاي احمر يعدل الكيف
انا عندي 3 انواع شاي بس ماعرف طريقة التحضير ياليت حط يفيدنا
بطريقة التحضير
الربيع
الوزه
بوكبوس
لوسمحتو القياس بالترد ماء يعني قياس دله

الشاي وظبطه مهما افتيناك ماراح يظبط الا الي حسب مزاجك

تقول لي كيف ؟

اقول لك ، فيه ناس تحب الشاي فيه لذعة مراره ، وفيه ناس تحبه حالي

فيه ناس تحبه خادر لدرجة انه اسود تقل قار

فيه ناس تحبه وسط الي يسمونه دم غزال

وفيه ناس تحبه فاتح مره كانه شاي ليمون

فالاذواق هنا مختلفة وكلن حسب مزاجه

لكن العناصر المتحكمه بالشاي هي :

1/ نوع الشاي : عندك افضل انواع الشاي هي ابو جبل و الربيع

- ابو جبل / فيه لذعة مراره للي يحب طعم المراره ولذعتها

- الربيع / حالي و مايمرر ابد ، الا اذا تبي تكب العلبه كلها

طبعاً انا اتكلم عن الورق (البث) اما الاكياس وغيرها ماعتبرها شاي من وجهة نظري

2/ نوع الابريق : فمعدن الابريق له دور كبير بوزن الشاي

شخصياً جربت اغلب اذا مو كل انواع الاباريق !!

افضلها على الاطلاق ابو تاج الهندي الاصلي ذو الختمين وهو مقطوع ، ونوع معدنه المنيوم ، وطعم الشاي فيه مجنون بشكل ماتتصوره

وبعده يجي الستيل وخاصة الكوري لان نسبة الخلط للمعدن مظبوطه وغير قابل للصدأ !!

هنا خلصنا من الشاي و عرفنا الي على القمه متربع

و عرفنا افضل نوعين اباريق

نجي للوزنه !!

الابريق الالمنيوم - لو مثرت الورق مايضره وماتخرب وزنتك وحتى العليمي يظبطها و المعدن يمسك النكه بعد كل تصليحه فلذلك يطعم بسرعه بعد كذا تصليحه

الابريق الستيل - متعب بالوزنه شوي ولكن اذا ظبطتها فهو صحي اكثر من الالمنيوم و يجيك مجنون ، لذلك بالستيل لا تكثر الورق خله قليل لان الستيل موصل سريع للحراره فبالتالي يقلب لون الشاي فيه اسرع من غيره !!

طريقة التصليح طريقتين :

1- تفوح الماء وبعدها تضيف السكر ، وبعد مايذوب السكر وخره عن النار وحط الورق وخله اقل شي 5 دقايق لين تتساقط الاوراق لقاع الابريق بعدها صب اول كاسه ورجعها بالابريق بعدها ذق الطعم الرايق

2- تفوح الماء وبعدها تضيف السكر ، وبعد مايذوب السكر ، اضف الورق وخله يقلب قلبه وحده فقط ، بعدها خل جنب الابريق او طرفه على نار هاديه ، خله اقل شي 3 دقايق بعدها صب اول كاسه ورجعها ، وذق هنا افضل شاي

الزبدة /

كل مره سو بطريقة غير لين تظبطها على وزنة مزاجك

و الشاي اذا مانت رايق له بيخرب مهما سويت :D
حسين2002
16/04/2015, 09:14 AM
ما شاء الله

أفادك الأخ / خالد الخطير

فعلاً على اسمك خطير :D
no fear 78
16/04/2015, 09:58 AM
يا هلا اخوي
عن الشاي انه استعمل شاي الصمان جربته هل موسم و ماله حال

طريقة التحضير
لتحضير شاي
لبراد شاي بو لتر
شاي مقدر ثلاث ارباع فنجن قهوة و سكر حسب الرغبة عني منجان و نصف سكر
حط الماء في البراد معى الشاي و السكر وافتح عليه النار ليين يغلي بعد مايغلي تخف عليه النار و تخليه ربع الى ثلث ساعة
Abu Khalaf
17/04/2015, 01:11 PM
تسان تبي طريقتنا حنا ياشمر
يابعدي جب غوريين اثنين واحد فور به الما واحد حط به الشاي الافضل الوزه
وقياس الي يناسبك من الشاي
وبعد مايطبخ الماي كب شوي من الما على الشاي عشان تغسل الشاي لانه يحتاج غسل بما خفيف وبسرعه حركه وكبه
وبعده حط الما على قياس الشاي يعني مايطلع لا خفيف ولا اسود وحطه على نار خفيفه اول مايبدا يطبخ الشاي خله ثواني يطبخ وبعده ابعده عن النار خله يخدر وينزل كل الورق الي فوق
وسلامتك
صدقني تبي تدعيلي بأذن الله انت والشباب
والسكر يفضل برا يا اخوان
خالد الخطير
18/04/2015, 02:35 AM
تسان تبي طريقتنا حنا ياشمر
يابعدي جب غوريين اثنين واحد فور به الما واحد حط به الشاي الافضل الوزه
وقياس الي يناسبك من الشاي
وبعد مايطبخ الماي كب شوي من الما على الشاي عشان تغسل الشاي لانه يحتاج غسل بما خفيف وبسرعه حركه وكبه
وبعده حط الما على قياس الشاي يعني مايطلع لا خفيف ولا اسود وحطه على نار خفيفه اول مايبدا يطبخ الشاي خله ثواني يطبخ وبعده ابعده عن النار خله يخدر وينزل كل الورق الي فوق
وسلامتك
صدقني تبي تدعيلي بأذن الله انت والشباب
والسكر يفضل برا يا اخوان

عاد انتم يا شمر الكويت تستخدمون ابريقين :)

حنا يا شمر السعوديه ابريق واحد :D

انتم يا شمر الكويت تدوخون عند شاي الوزه :)

حنا يا شمر السعوديه ندوخ عند شاي ابو جبل :D

طريقتك حلوه للتخدير ولكن هناك ملاحظه !!

عدم غسل ورق الشاي ، والدليل شف كرتون اي نوع شاي مكتوب من ضمن التعليمات عدم غسل ورق الشاي !!

اغلب الي يغسلونه عذرهم يقولون علشان يشيل المراره بالشاي !!

طيب اذا راحت مرارة الشاي خلاص ماعاد هو شاي !!

يصير زي السنكولا مقارنة بالبيبسي (بدون غازيات) :D

لكن اذا كنت فاتح العلبه وغير محكمه وجايه غبار ، فلا يمنع تغسله بماء عادي غسله وحده لشيل الاتربه او الغبار الي يصير عليه !!
Abu Khalaf
19/04/2015, 08:34 AM
عاد انتم يا شمر الكويت تستخدمون ابريقين :)

حنا يا شمر السعوديه ابريق واحد :D

انتم يا شمر الكويت تدوخون عند شاي الوزه :)

حنا يا شمر السعوديه ندوخ عند شاي ابو جبل :D

طريقتك حلوه للتخدير ولكن هناك ملاحظه !!

عدم غسل ورق الشاي ، والدليل شف كرتون اي نوع شاي مكتوب من ضمن التعليمات عدم غسل ورق الشاي !!

اغلب الي يغسلونه عذرهم يقولون علشان يشيل المراره بالشاي !!

طيب اذا راحت مرارة الشاي خلاص ماعاد هو شاي !!

يصير زي السنكولا مقارنة بالبيبسي (بدون غازيات) :D

لكن اذا كنت فاتح العلبه وغير محكمه وجايه غبار ، فلا يمنع تغسله بماء عادي غسله وحده لشيل الاتربه او الغبار الي يصير عليه !!


مفروض قبل لا ترد علي ضبط الطريقه الي قلته انا و رد علي
غسل الشاي ضروري لان شفت مقطع بالسيلان الشاي يدوسونه برجولهم
وغسله بماي قليل جدااا وبسرعه تنثره
ونسيت لا اقول ان الغوريين الي اقصدهم واحد حديد الي تفور به الما والثاني الي تخدر بوه غزاز يكون قوي وسميك لانه يعطي طعم ابدااااع
وانا جربت شاي الربيع وابو جبل والكبوس والوزه والصمان وكذا شاي الافضل بينهم كلهم درجة اوله هو الوزه بس عيب الوزه لازم اول ساعة انت مخلص الغوري لانه مايطول معك يخرب بسرعه بس شاي ماينوصف ابداااااااااااااااااع والحين بضبط شاي تحمست ههههههههه
اما اذا شغل شلاعي طلعت بر لا انا استخدم غوري واحد الي بالعزبه
وطريقتي احط الما بالغوري اول مايطبخ احط القياس المطلوب ويفضل عندي قريب من السواد واخليه على طرف النار يطبخ ثواني وعقبه ابعده لين يركد وعقبه اديلوو مع زقاره بارلمنت سلفر هههههه وتكون توك طارح من القمري حق غداك ههههههههههههه
تحياااااااااااااااتي لكم :D