يا اخوان ياهل التاهو واليوكن واهل الخبره واللي مرت عليه المشكله لايبخل علينا

[ضيف الله 44]

السلام عليكم وبعد عندي سوبربان 2007 احس القير مايريح النمره الاخيره لانه بعد 120 الضغط يرتفع كلما زدت السرعه وشايف مواتر ثانيه تريح باستمرار يعني كلما زادت السرعه يريح القير لدرجه حتي سرعه 180 تلقى الضغط 2/25 اما موتري بعد120 يزيد الضغط ولايريح وبعدين القير حقه كم نمره تكفون ياخوان افيدونا افادكم الله

[وين الصيد]

يالغالي عندي سؤال
متى غيرت الزيت والفلتر وكم مدة الزيت وكيف وضع الزيت اخر تغيير

[جني صغير]

انا اللي اعرف انا موديلات ٢٠٠٧ يجي المبرد صغير

اما الموديلات 2012 يجي المبرد كبير

[جيب ربع]

القير عندك اربع سرعات أمامية لليوكن العادي ( ليس دينالي )

[1824]

اذا هو امريكي معناته الدفرنس الي عليه حق سحب ويجيك الضغط عالي عشان القوة تكون موجودة طول الوقت حقين اهل السحب والبر في امريكا بالتوفيق لك

[ابونايف2010]

موترك مافيه الا العافية
موديل ٢٠٠٧ قيره ٤ نمر وغيروه في موديل ٢٠٠٨ او ٢٠٠٩ بتقنية المانية خمس نمر

[ضيف الله 44]

على فكره يا اخوان الموتر امريكي ودبل

[1824]

على فكره يا اخوان الموتر امريكي ودبل

وصلت خير اذا تبي تتاكد مرة صور الاستكر الي في صندوق القفازات الي عند الراكب واشوف الدفرنس لك واتاكد كم المستوى حق الدفرنس حق سحب او خط او وسط واقولك اذا في مشكلة ولالا بالتوفيق لك

[مخ سعودي]

اخي الفاضل افيدك بالنسبة للتاهو واليوكن والسوبربان من موديلات 2000 الى 2008 القير يجي 4 نمر وفيه تريحيه تحسها بعد الرابع اذا مشيت 180 يكون الضغط قبل الثلاثه بشوي اما بعدها يكون 3 ويرتفع اذا زدت السرعه
اما من موديلات 2009 وفوق يجي 6 نمر لكن في موديل 2009 يكون القير مبرمج صح اما من 2010 وفوق يجي فيه طقه بعض الاحيان ويكون الموتر مريح طبعا اذا كان البنزين 95 اما 91 وفيه هواء يجلس الموتر يرد نمره ويريح ويرد نمره ويريح الين تهدي السرعه

[ضيف الله 44]

الاخ /1824 هذي صورة الاستيكر الي في درج او في صندوق القفازات file:///C:/Users/Guest/Desktop/IMG_2435.JPG

[الباسلي]

100% كلتشات القير بدت تضعف في النمره اللي يتأخر فيها

6000 توضيب القير كامل والله يعينك

[1824]

الاخ /1824 هذي صورة الاستيكر الي في درج او في صندوق القفازات file:///C:/Users/Guest/Desktop/IMG_2435.JPG

وين الصورة الله يصلحك ارفعها

بانتظارك

[ضيف الله 44]

الاخ1824 هذا رابط الصوره للاستيكر اللي طلبته وانتظر ردك والله يوفق الجميع http://store1.up-00.com/2015-04/142885415651.jpg

[1824]

الاخ1824 هذا رابط الصوره للاستيكر اللي طلبته وانتظر ردك والله يوفق الجميع http://store1.up-00.com/2015-04/142885415651.jpg

عندي لك بشارتين

اولا موترك مافيه شيء لان مستوى الدفرنس الي عندك عالي وهو GT4 : AXLE REAR, 3.73 RATIO وهو مخصص للسحب والاحمال والبر لانه يولد قوة عالية طوال الوقت ولكن عيبة يصرف بنزين كونه ما يريح على الخط بعد سرعة 140 يفضل ما تمشية فيه سرعات عالية لانه مصمم للعكس بالظبط للقومة القوية لان في البر والسحب تحتاج قومة قوية وليس سرعة خط تحتاج عزم بسرعة منخفضة وهذا ما يوفره هذا الدفرنس

الجموس السعودية تجي بدفرنس ثابت وهو 3.42 انما انت 3.73 فما عندك مشكلة

البشارة الثانية دفرنسك من نوع G80 وهو دف لوك يقفل اتوماتيكيا في حاله انزلاق احد الكفرات الخلفية اكثر من الاخر وهذي تنفع كثيرا في البر والاماكن التي هي خارج الاسفلت التي في ضعف تماسك الكفرات بالارض بالتوفيق لك

[ضيف الله 44]

اول شي الله يبشرك ومن يسمع بالجنه ثاني شي شاكرلك اهتمامك وبيض الله وجهك دنيا واخره ورحم الله والدينا و والديك والمسلمين على هالمعلومات المفيده واللي قليل من الناس يعرفها و الله يقضي حوايجك ويكفيك شر عباده واعتذر لك اتعبتك معاي من القلب الف شكر لك اخوك/ضيف الله