رجه الباترول تكفوووون مليت

[صاحب الفتك]

السلام عليكم ورحمه الله وبركاته
اخواني ادري الموضوع مكرر مرارا وتكرارا
لكن انا مليت وطفشت من الرجه فالباترول
يل موتري 2005 فتك
غيرت جميع الجلد الاماميه وذراع الدركسون جديد سيم سيم وكاله الحين
لكن مازالت الرجه موجوده من 80 وانت طالع مع العلم ان مساعد الدركسون ممتاز اولد مان اصفر
وش الحل وهل التدبيل مفيد لانه مابقي الا هالحل

[cadillac911]

شيكت على عمود الكردان او شيكت على الترصيص


اذكر الله تكسب حسنة

[جني صغير]

يمكن مركب جنوط تجاريه او الكفرات فيها تحبيل

[بندر ابوفهد]

شيك على كفراتك وجنوطك ثم شف رمانات الكفر الاماميه شد عليها او غيرها

[FJ3230]

كفراتك طيب ماذكرت وش علمها
هي بوالين هي ممسوحة
ان كانت بوالين رصص ترصيص ارضي وبيقى عندك رجة خفيفة من 100 لين 110
ان كانت عادية تأكدت من سلامتها ورصصها ترصيص ارضي وتنسى الرجة
والرمانات تأكد انها مشدودة لانها ترتخي من فترة لفترة

[هاوي بلادي]

كفراتك طيب ماذكرت وش علمها
هي بوالين هي ممسوحة
ان كانت بوالين رصص ترصيص ارضي وبيقى عندك رجة خفيفة من 100 لين 110
ان كانت عادية تأكدت من سلامتها ورصصها ترصيص ارضي وتنسى الرجة
والرمانات تأكد انها مشدودة لانها ترتخي من فترة لفترة


ازيد على كلام اخوي ركب مساعد دركسون الاسترالي وان شاء الله تروح الرجه

[ابوسند9]

وعليكم السلام
جرب بدل كفرات امام با الخلف بدون فك الجنوط ,,وحتى لو هي جديده
كذلك شيك على مساعد الدركسون ,لف الدركسون لليسار للاخر وشوف بيت المساعد هل فيه تهريب زيت ام لا ؟,وشيك بنفسك ,,واترك عنك كلام الورش
كذلك ها الرجة تجي مع الحفر الصغيره والمطبات ؟

[ابوسند9]

شيك على كفراتك وجنوطك ثم شف رمانات الكفر الاماميه شد عليها او غيرها
ابو فهد كلامك تمام
بس تغيير الرمانات ملها دخل بالرجة ابدااااا ,عمر الرمان ماكان سبب الرجة ,
ارتخاء نعم ,تغيير لا

[صاحب الفتك]

حياكم الله اخواني والله يجزاكم خير

بالنسبه للكفرات دنلوب 17 مرصصها مرتين عند العضيب وعند اليرموك
المساعد استرالي ولا نفع
الرجه يمين ويسار اتوقع الرمان ماله دخل لان الرمان مافيه فضاوه
الزبده الموتر طفشني

[صاحب الفتك]

حياكم الله اخواني والله يجزاكم خير

بالنسبه للكفرات دنلوب 17 مرصصها مرتين عند العضيب وعند اليرموك
المساعد استرالي ولا نفع
الرجه يمين ويسار اتوقع الرمان ماله دخل لان الرمان مافيه فضاوه
الزبده الموتر طفشني

[يالبى الهلا]

غٌيِرتٍ جُمٌيِع جُلّد آلّمٌوتٍر آلّ غٌيِرتٍ جُلّد آلّنقصِآتٍ آلّسفُلّيِـٍة آلّمٌشبوگٍـٍة بآلّبديِ ؟
آذٍآ نآغٌيِرتٍهًآ تٍسبب رجُـٍة مٌهًآ آلّسرعـٍة لّآن آغٌلّب آلّمٌيِگٍآنيِگٍيِن نآيِغٌرونهًآ لّآنهًآ مٌشبوگٍـٍة بآلّشآصِ ولّيِس بآلّمٌقصِـٍة وفُگٍهًآ صِعب ويِتٍگٍآسلّون غٌن ذٍلّگٍ ولّيِستٍ مٌحًسوبـٍة فُيِ شغٌلّ آلّمٌقصِآتٍ لّآنهًآ بآلّشآصِ

[كن متفائلا]

السلام عليكم ...

تأكد أن الجنوط مافيها طين أو أسفلت أو أسمنت غير مرئي لاصق على الجوانب من داخل

وأذا الموتر مرفوع بقوة أحتمال الرفعة سببت الرجة من العمود

[تميم2222]

رح لشايب السوري في الصناعيه اسم ورشته الباديه باذن الله تطلع وانت مبسوط

[وين الصيد]

مشكلتك قريبه من الكفر والجنوط وعمود الدوران والصليبات

[ابوسند9]

حياكم الله اخواني والله يجزاكم خير

بالنسبه للكفرات دنلوب 17 مرصصها مرتين عند العضيب وعند اليرموك
المساعد استرالي ولا نفع
الرجه يمين ويسار اتوقع الرمان ماله دخل لان الرمان مافيه فضاوه
الزبده الموتر طفشني
اخوي صاحب
العضيب والله ما عندهم ما عند جدتي ,انا امر عليهم اذا ركبت كفرات بالون وارصص وامشي
واذا الكفرات محبلة الترصيص ما ينفع لو ترصص بمستشفى الحبيب
لان التحبيل ما ينفع معك الترصيص
انت جرب بدل الكفرات .يعني فك جنوط امام بكفراتها وركبها خلف
واللى شف حد من اصداقاك معه اي با ترول وجرب بدل معاه الكفرات والجنوط
والمساعد الاسترالي نازل من السماء؟ شيك عليه وشوف ,
وشيك على ربلات المساعد لا تكون متأكله وفيها فضاوة
وحط في بالك وركز على هذه النقطة غالبا 80 % اذا الرجة تجي من 80 وطالع , هنا يا جنوط يا كفرات حتى لو الكفرات توك مركبها

[صاحب الفتك]

الموتر مركب عليه فرارات برازيليه قبل وبعد نفس الرجه

[مضارب سيارات]

مشكلتك في جلد مساعد الدركسون غيرها ولاتصدقهم لو قالوا سليمة

[الكدن1]

ممكن تكون من الرمان الي خلف الهوبات
او تشيل الوردات وريح راسك وفيه موضوع بالموقع يتكلم عن الوردات
واذا لك جيه لبريدة شف ابو عبدالله الصمعاني بالتشليح يحل لك الموضوع باذن الله

[ابو محمد 276]

السلام عليكم ...
اخوي انتبهلي كويس انا معي باترول شاص فتك موديل 12 ومركب فرارات برازيلية ومركب جنوط 2002 غير اصلي وكفرات بالون مالون وكانت عندي رجة خرافية اشتريت مساعد دركسون من الرماية وركبتة زادت الرجه وقوية شلته رجعت البلد وفحصنا المساعد الأصفر قالو سليم شوفة مرمي عندي بالمستودع , المهم سافرت على الموتر للأمارات لشراء بعض الأغراض ولقيت ميزان قلت خلني اعلمهم بالسالفة وجاني العامل هندي وقال ايش مشكلة قلت لة عن الرجه ونزل تحت وجاني وقال عندك عواميد اثنين يبيلها كبس بالمخرطة وبعدها ترصيص ارضي وان شاءالله يروح قلت اتوكل على الله .
اقسم بالله العظيم ما عاد دريت عن الرجة الي الأن لا مشي عادي ولا سرعة ولله الحمد .
هذي الصورة من النت جبتها لك وليست لسيارتي (ووضحت العواميد اللي فكها وكبس الأكواع اللي فيها بالمخرطة) .بالتوفيق
http://www.mekshat.com/pix/upload06/images/2015/04/mk43996_uoou.jpg

[عزوز 2000]

اخوي بدال لا تغير ولا فيه شي يضمنلك انه يضبط رح ل المحرك الافضل ميزتهم يعطونك ضمان على الشغل وكل شغلهم باترول

وهذا حسابهم بالانستقرام للفايده للاعضاء best_patrol

[سموو الروح]

ياحبيبي قبلك كان معي فتك 2012
من شريته والرجه فيه واعلمك بالحل إلى إنساني
الرجه كلها قبل اعلمك ماخليت ورشه مارحت لها
وديته للصمعاني وقالي دفرنس منعاج واخذله 1000 ريال
ولا سوا شي ومساعد دركسون و اذرعه وبلاوي متلتله
طلع روحي. الحل بسيط جدا
نزلت للمعااارض وقلعته لابوه لابو من صنعه فاااشل
كل يوم بالورش ولايسوا والله لايخسر 7 شهور بخسارة
8 آلاف والعوض عند الله

[سلطان 22]

اخوي هل قد انفصخ عليك الكفر بالبر
اذا كان قد انفصخ عليك الكفر بالبر تكون المشكله بسيطه وسببها هو انه عندك رمل داخل الكفر اللي انفصخ عليك
وحله بسيط رح لاقرب بنشري خله يفك الكفر من الجنط وينفخ الكفر من داخل بهوا لين يروح الرمل وبعدها ركب كفرك وجنطك وتوكل على الله

[جب هآت ود عط]

معي 2013 شاص نيسان قسم بالله رجة مو معقولة غير كذا اذا كنت ماسك خط ودعست على حفرة صغيرة يرج رجة لدرجة اتشهد ااقول بيقلب
ورحت ورش وبقالات وكل واحد يتفلسف رحت لورشة يماني قالي الرمانات الي ورا الهوب فيها فضاوة و عامود التوازن يبيلة كبس الي قدام الدفرنس وضبطها عطيتة 250 وضبط والله ما توقعت يضبط

[الحميضاني]

السلام عليكم
الرجه سببها ربل عمود التوازن اللي يركب فيه مساعد الدركسون ما فيه غيرها المفروض مساعد الدركسون من الذراع للشاصي مثل التويوتا بس مدري ليه حاطينه بعمود التوازن

[تميم2222]

056606559 حمد كلم هالرجال الحل عنده باذن الله

[بواسامه]

056606559 حمد كلم هالرجال الحل عنده باذن الله

ناقص رقمه ياتميم

[ALBDRANE]

السلام عبيكم
الرجة في الشيخ الباترول الفتك خصصنا لها موضوع فيه الحل والحمدلله كل الي معنا في الموضوع أستفادو وانتهت من سياراتهم مشكلة الرجة وهي أسهل مما تتوقع وخصوصاً الرجة الي تطلع عند سرعة 80 وحولها مع الدعس عل مكان متعرج او اغطية في الطريق .
يمكنك زيارة الرابط في التوقيع وللمعلومية نسينا شي اسمه رجة من سنوااات لكن الي جديد على الباترول تواجهه المشكلة ويبدا يلف الورش ويسمع كل واحد يقول صلح وصلح وبالاخير يخسر ويضيع وقته والحل مايكلف اكثر من 500 ريال كامل بالتوفيق .
اي مشكلة تواجهك في الباترول الفتك يمكنك مراسلتي وأبشر بما يسرك
باترول الا الابد ......

[بواسامه]

السلام عبيكم
الرجة في الشيخ الباترول الفتك خصصنا لها موضوع فيه الحل والحمدلله كل الي معنا في الموضوع أستفادو وانتهت من سياراتهم مشكلة الرجة وهي أسهل مما تتوقع وخصوصاً الرجة الي تطلع عند سرعة 80 وحولها مع الدعس عل مكان متعرج او اغطية في الطريق .
يمكنك زيارة الرابط في التوقيع وللمعلومية نسينا شي اسمه رجة من سنوااات لكن الي جديد على الباترول تواجهه المشكلة ويبدا يلف الورش ويسمع كل واحد يقول صلح وصلح وبالاخير يخسر ويضيع وقته والحل مايكلف اكثر من 500 ريال كامل بالتوفيق .
اي مشكلة تواجهك في الباترول الفتك يمكنك مراسلتي وأبشر بما يسرك
باترول الا الابد ......
عطنا رقمك على الخاص

[تميم2222]

0506606559

[Faristn]

شيك الدوده