طريق الرياض خميس مشيط عن طريق بيشه بالتفصيل

[ناصر2222]

المسافه لابها عن طرق الرين بيشه
البدايه من كبري المعلق تصفر العداد

كبري المزاحميه 30 كم
كبري جو 43كم
كبري الرين 51 كم تلف يسار من فوق الكبري المتجه للرين
مفرق الرين170كم
محطة بنزين 175 كم
محطه 2 197كم
محطه تحت الانشاء شبه خالصه ( ماسجلت المسافه مع الاسف )
محطه يسار صغيره جدا 230كم
محطتين متقابلتين 262كم
محطتين متقابلتين 278كم
برودان محطتين متقابلتين كبار فيها جميع الخدمات 295 كم ( يفضل التعبأه منها لان قدامك حوالي 400كم لاتوجد بها محطات يعتمد عليها )
يوجد تحويله ترابيه بطول 1،5 كم لم اسجل المسافه ( ماسجلت تلمسافه مع الاسف )
تحويله ترابيه 340كم بطول 7،5 كم
( يوجد في التحويله الترابيه وبعدها تانكيات كبيره يبوعون بانزين )
تحويله ترابيه قصيره 441كم بطول 1،5كم.
هجره بها محطه يسار داخله شوي تشوفها وانت على الخط 453كم
مفرق رنيه وادي الدواسر 525كم
مفرق بيشه وتثليث كبري690 كم تمشي من تحته
نهاية الطريق يلتقي مع طريق الخميس بيشه كبري تحت الانشاء يسار الخميس ويمين بيشه 700كم
فيه محطه يمين التقاطع باتجاه بيشه
مصنع سمنت بيشه 703 كم يجي يمين
صمخ بها محطات 748كم
كبري تلف يمين للخميس ووادي بن هشبل 833كم
وادي بن هشبل 858كم
الخميس سوق الخضار 893كم خميس مشيط
ملاحظه عند الرجوع
الاتجاه من الخميس لوادي بن هشبل
بعد بن هشبل تلف مع الكبري المتجه لبيشه 60 كم من سوق الخضار
مصنع الاسمنت الجنوب 190كم يجيك كبري تحت الانشاء بعده تلف يمين مع الخط الجديد والباقي مستقبم بدون لفات حتى تصل طريق الرياض الطايف بعد رنيه تلف يمين للرياض

[احمد زنقوطي]

اخي ناصر لو تم تزويدنا بالصور سيضفي على التقرير بعد اخر

[ناصر2222]

فكره ممتازه مع الاسف ماصورت

[رمال النفود]

يعطيك العافية اخوي ناصر معلومات قيمة ومرجع لمن يحتاج السير بهذا الطريق.

[حسين السبيعي]

مشكور يا ناصر الله يعطيك العافيه ويرحم والدينك

[ناصر2222]

الله يعافيكم وييسر اموركم

[كــحــيــلان]

:s ملاحظة :s

طريق بيشة ليس أفضل من ناحية الخدمات و سلامة الطريق من طريق وادي الدواسر لعدة أسباب:
1 - الطريق مسار واحد.
2 - الخدمات قليلة جداً (سكن ، أسعاف ، أمن طرق ، مطاعم ، .......ألخ).
3 - يختصر 100كم تقريباً لكن الوصلة من بيشة إلى الخميس عن 1000كم:eek:.

يصلح لتمشية شباب :good2:
العوايل ما ينفع نهائي بوضعة الحالي :no2:

كلام مجرب مرات عديده :good:

تحياتي للجميع ،،، :heart:

[ناصر2222]

صحيح يا كحلان
الله ييسر الامر واروح مع وادي الدواسر وانزل المسافه مع وادي الدواسر من المعلق وكم يفرق من كيلو
في المجمل مع وادي الدواسر هو الافضل والاريح والآمن والفرق اتوقع مايجي ٦٠ -٧٠ كم

[ناصر2222]

اخوي مشى قبل يومين مع وادي الدواسر من بيته الى ابها يقول ١٠١٠كم
من بيته للمعلق حوالي ٢٥ ومن بداية والخميس لابها حوالي ٣٠ كم
١٠١٠ - ٥٥= ٩٥٥ من المعلق الى الخميس
الفرق حوالي ٦٠ كم ماتستاهل مع خط سيد واحد وتحويلات ولا فيه امان ولا محطات

[العودالازرق]

جربت هذا الطريق اكثر من مره الطريق يفرق 200 كم لكن الاهم هو الوقت الطريق القديم وادي الدواسر يستهلك من وقت لأنك تدخل مدن وقرى وهجر ومطبات ونقاط تفتيش تريلات ومنعطفات الخ من الغثا اما هذا الطريق مسطرة في النهار روعه لكن الحذر من الجمال في الليل ما انصج بها الطريق مزحوم في ايام الاجازات فيه خاصة الجمعه والسبت

[الاسعدي]

رحت مع الطريق هذا في شهر 3 نهاراً مع الاهل
بصراحة أريح لي من طريق الوادي ومطباته والديار
والبنزين ما دققت لان عبيت من مفرق بيشة إلى الرياض سحبة وحدة وقفت للصلاة فقط

[ناصر2222]

جربت هذا الطريق اكثر من مره الطريق يفرق 200 كم لكن الاهم هو الوقت الطريق القديم وادي الدواسر يستهلك من وقت لأنك تدخل مدن وقرى وهجر ومطبات ونقاط تفتيش تريلات ومنعطفات الخ من الغثا اما هذا الطريق مسطرة في النهار روعه لكن الحذر من الجمال في الليل ما انصج بها الطريق مزحوم في ايام الاجازات فيه خاصة الجمعه والسبت

هل قست الطريقين او توقعات
انامشيت مع طريق بيشه واخوي مع وادي الدواسر الفرق حوالي 50 كم

[ناصر2222]

رحت مع الطريق هذا في شهر 3 نهاراً مع الاهل
بصراحة أريح لي من طريق الوادي ومطباته والديار
والبنزين ما دققت لان عبيت من مفرق بيشة إلى الرياض سحبة وحدة وقفت للصلاة فقط

كل واحد له وجهة نظر محترمه
انا مشيت معه فكرته على قولة الناس 200 كم صار 50 ماتستاهل سيد واحد ومقطعه وتحويلات
وطريق بيشه بن هشبل خطير كله ملفات خاصه في الليل