الشعير وخطورته علي الاغنام والابل

[مراوز الخير]

السلام عليكم ورحمة الله وبركاته
بخصوص الشعير المستورد نرجو من الاخوة اصحاب الحلال ان ينتبهو الي شئ مهم وهو ان الشعير ياتي مرشوش بمادة سمية تحميه من التلف والسوس وعند اطعام الانعام منها يظهر عليها الامراض والخراج والوهن وقد يقتلها بعد فترة لهاذا تجد في مراح مربي الاغنام اغنام نافقة كثيرة وهو بسبب الشعير .. وكذلك الانتقال الي البشر عن طريق الحليب واللحم حيث لايوجد له طعم ..
الحل
يتم غسل الشعير قبل اعطائه للاغنام والابل للتخلص من المبيدات الحشرية فيه
الحل الثاني وهو الافظل
الاهتمام بعملية استنبات الشعير والطريقة يوجد لها بيوت محمية سهلة الانتقال مع المواشي ( اكتب بقوقل الشعير النابت ) وهو يتم غسل الشعير واستنباته بقترة 5 ايام واعطائه للانعام وسوف تري الفرق واظح وكبير في صحة الاغنام وحليبها وسمنها وكذلك بطعم اللحم ..( للاهمية الرجاء اعتماده والله من وراء القصد)

[أبوعبود وحمود]

السلام عليكم
انا منتج حلال
والشعير المستورد لابديل عنه
والبديل صعب جدا
ويقابله عقبات ليست كلام يقال فقط

[مراوز الخير]

الله يزيدك يابو عبود وحمود من فظله اكتب استنبات الشعير وتري الفرق واضح انا نصيحة لكم والله ليس كلام ولكن والمنتج للحلال يتحري افظل الانتاج له وسوف تري الفرق بكل شئ حتي بالسعر الذي يشتري منك يرجع لك ويوصي عليك ربعه
لك شكري واخترامي

[الليبيري]

السلام عليكم ورحمه الله وبركاته
من بعد تجربه تنقيع الشعير بالماء لفتره ٦ ساعات لو حظ ان الماء يتحول ألي اللون الأسود وأتوقع انه شي طبيعي ولكن فعلا لوحظ ان لحم الغنم تغيير وصار أطيب وسمنت أكثر لان الشعير لين سهل الامتصاص

[مراوز الخير]

الليبيري والله انك صادق اغسل الشعير بس غسل وشوف الماء كأنه بنزين
تبي حلالك يزيد ..عليك بالشعير النابت تعرفون الكيس يطلع من 6 الي 9 اكياس وتشبع الحلال
ترا هو تجارة بس والله محبة في نشر الخير اعتمدت كتابة الموضوع لكم والله يرزق الجميع

[قنا النفود]

الشعير مره ظعيف الحبه. طويل ماينفع ماله غير الغسل

[رجبشعبان]

السلام عليكم كنت مربي اغنام واعلف مع البرسم شعير لاغنامي ولله االحمد كانت في صحة جيده والسبب انني انقع الشعير 24 ساعه اعبي برميل البويه نصه شعير واصب عليه من الماء الى قبل راس البرميل بمقدارشبر ونص وذا جاء من بكرا والى البرميل مليان شعير لان الشعير انتفخ واصبح لين تاكله الغنم وتطحنه بسنونها لكن اليابس تلهمه الغنم لهم ويطلع مع الدمن عدل كل الذي اخذنه من الشعير السموم اللي راشينه المنتجين لحمايته من التسوس وهذ يضر الغنم ويموتها .
عليكم بربيص الشعير 24 ساعه وتشفون الفرق ان شاء الله

[الصــرح]

السلام عليكم كنت مربي اغنام واعلف مع البرسم شعير لاغنامي ولله االحمد كانت في صحة جيده والسبب انني انقع الشعير 24 ساعه اعبي برميل البويه نصه شعير واصب عليه من الماء الى قبل راس البرميل بمقدارشبر ونص وذا جاء من بكرا والى البرميل مليان شعير لان الشعير انتفخ واصبح لين تاكله الغنم وتطحنه بسنونها لكن اليابس تلهمه الغنم لهم ويطلع مع الدمن عدل كل الذي اخذنه من الشعير السموم اللي راشينه المنتجين لحمايته من التسوس وهذ يضر الغنم ويموتها .
عليكم بربيص الشعير 24 ساعه وتشفون الفرق ان شاء الله




أعتقد والعلم عند الله أن الست ساعات كافية


لأن الأربع وعشرين ساعة قد يدخل الشعير في مرحلة التخمر


خاصةً مع الحرارة والرطوبة

[ياعمار يانجد]

السنوات الأخيرة الاحظ الشعير غير نظيف ويحتاج تنظيف أو غسل.
استبدلناه بالمكعب ولقينا الفرق الواضح في الحلال.
والسوق الآن يوجد به أنواع كثيرة من الاعلاف المركبة دليل على الاقبال عليها.
تحياتي،،،

[ابومالك500]

ينقع الشعير في الصيف لمدة 6 ساعات
وفي الشتاء 12 ساعة

اخوكم مالك خيل و هذه طريقنا للشعير