جاتك يابو فالح على الساح تختال ....الحل....اللقاح...حله...النبهاني...كفو [الأرشيف]

ابو ماجد 2

12/04/2015, 12:43 AM

بسم الله الرحمن الرحيم

السلام عليكم ورحمة الله وبركاته

لغز بمناسبة المسمى الجديد لشاعرنا المتمكن ( ابو فالح )
واللغز ايضا مجدد من يذكره فضلاً يؤجل رمعته شوي

صدرٍ يابو فالح قفيته على تال= وعجزٍ يابو فالح به القاف للها
من ماضي غطواتي لها اليوم شتَّال=ياعلها تزهى بزاهي حللها
ريانةٍ جاها من الو سم هتال=ون مانزل هتال يكفي طللها
جاتك يابو فالح على الساح تختال =وبعض الحجا لو عيد ماحد مللها
جاتك بغطو بالتماويه تحتال=يافارزٍ در الحجا من هللها
كني اخيلك بجادة الغطو تجتال=تمشي ولا يزلقك زايد بللها
رجلٍ على ثنتين ساطي وقتال=موتٍ بطي لا ماشكينا جللها
لا هو من اللي للطريدات ختال= ولا وصف دكتور يشخص عللها
ولا هو من اللي للاشانيب فتال= ولا حكم قاضي طاعنٍ في مللها
بسباب شيٍ منه ياشيخ تهتال=من شان لا أُخرى تكابد خللها

مع تحيات ابو ماجد

منتديات مكشات . خيمة الالغاز

ف ف

12/04/2015, 12:54 AM

صح لسانك ملايييييين ...غالي ومسند على غالي ويستاهل ابو فالح

واللغز اول مره يمر علي

ابو ماجد 2

12/04/2015, 01:07 AM

صح لسانك ملايييييين ...غالي ومسند على غالي ويستاهل ابو فالح

واللغز اول مره يمر عليصح بدنك يالغالي

واسعد الله جميع اوقاتك
وانت غالي وغالي وليتك تعطينا ابو ؟؟؟؟
سواء الحقيقي او مستعار ليتم التعامل معه هذا ان حبيت يالغالي
اللغز قائم على فكرة لغز قديم لي وانا عارف ولا يلحقني شك فيك بل وقتها لم يبدا فيها شرف التواصل معك
انتظر محاولتك

ف ف

12/04/2015, 01:09 AM

لا بالله الا خذ الحقيقي غالي والطلب رخيص ... ابو ثامر طال عمرك

خذ هالسماويه وش رايك بالنوم

ابو ماجد 2

12/04/2015, 01:13 AM

لا بالله الا خذ الحقيقي ابو ثامر طال عمرك

خذ هالسماويه وش رايك بالنوم

هلا بك يابو ثامر
والله يخلي لك ثامر واخوته
شرفتنا يالغالي
واسم مميز بهالخيمه
حقيقي وغير مكرر
النوم مالك لوى
انتظر مرماعك القادم

ف ف

12/04/2015, 01:17 AM

اسمحلي بهالرمعه اللي تقرقع

وش رايك بالدخان وشره ع الرئتين حمانا الله واياكم من الامراض

ف ف

12/04/2015, 01:20 AM

هلا بك يابو ثامر
والله يخلي لك ثامر واخوته
شرفتنا يالغالي
واسم مميز بهالخيمه
حقيقي وغير مكرر
النوم مالك لوى
انتظر مرماعك القادم

جزاك الله الف ع هالدعوه ..ويحفظ لك الله عيالك وجميع من تحب والشرف لي بتواجدي بينكم

وان كان بالامكان اضافة ابو ثامر
تحت اسم المعرف اكون من الشاكرين ..

ابو ماجد 2

12/04/2015, 01:27 AM

اسمحلي بهالرمعه اللي تقرقع

وش رايك بالدخان وشره ع الرئتين حمانا الله واياكم من الامراض

اللي يقرقع بالصدر افتك منه ارمعه وان مافلحت فكر بغيره
لايزال طليق يالغالي

ابو ماجد 2

12/04/2015, 01:33 AM

جزاك الله الف ع هالدعوه ..ويحفظ لك الله عيالك وجميع من تحب والشرف لي بتواجدي بينكم

وان كان بالامكان اضافة ابو ثامر
تحت اسم المعرف اكون من الشاكرين ..

ياهلا ومليون
نحن من يتشرف بوجود شرواك معنا
يالغالي انا لااملك صلاحيات التدخل بالتوقيع
لكن بامكانك الدخول الى لوحة التحكم
وستفتح لك خيارات من بينها التوقيع
اضغط عليه واكتب بداخل المربع ابو ثامر
او انسخ هذه وضعها فيه
ابـــوثامــر
بالحجم اللي تريده واللون اللي تريده ليبقى مرافقا لمشاركاتك

يمكن شاعر

12/04/2015, 03:00 AM

عليكم السلام وصباح الخير ي الغالي
صح لسانك ملايين لاهنت لاهنت يابوماجد
بيض الله وجهك عطيتني فوق حقي
وهذا من طيبك يالغالي
والله انحرجت منك يابوماجد انت ماشالله عليك بحر وانا يالله اخط البيت نوب يضبط ونوب لا ومن عرفتك في اللغاز وانا تلميذ يتعلم منك ولازلت اتعلم الله يعطيك الصحه والعافيه ويخليك ويسعدك يابوماجد

محاوله
التنميل بالرجلين

يمكن شاعر

12/04/2015, 03:58 AM

ممكن ياالغالي
النعاس

النبهاني

12/04/2015, 05:22 AM

وعليكم السلام والرحمه
صح لسانك زعيمنا وغالينا
والله يصبحك بالخير
غالي ومسند على غالي
رمعت قلت بمكن ساريه ولقيت رمعة ابوفالح ماهنا بعايد بلحيل
المهم هي
الراعي ونعاله
اعزك الله ومن يقرا

ذيب الفقارة

12/04/2015, 07:56 AM

وعليكم السلام ورحمة الله وبركاته

غالي ومسند على غالي

...............

ما ودنا نبعد عن أبو سالم

الدينمو والفحمات أو قصاص الأثر

تحياتي

عيد القضيب

12/04/2015, 06:05 PM

صح لسانك ملايين زعيمنا وتاج روسنا وسلمت يمينك
يستاهل شاعرنا ابوفالح الاسناد غالي ومسند على غالي
ورمعة ابوعدنان قصاص الاثر راقت لي
الف تحية ومليون وردة للجميع

يمكن شاعر

13/04/2015, 08:36 AM

صباح الخير يابوماجد
لاتنساء اللغز يالغالي
هي صابته المراميع او ندور غيرها

ابو ماجد 2

13/04/2015, 08:53 AM

صباح الخير يابوماجد
لاتنساء اللغز يالغالي
هي صابته المراميع او ندور غيرها
المعذرة يابو فالح
شويبكم يالغالي عرض ثلاث الغاز والذهن مشغول
لغزنا لايزال طليق
والمعذره للرد الجماعي لعدم تواجدي عند الجهاز

يمكن شاعر

14/04/2015, 02:43 AM

لاهنت يالغالي والمعذره منك
ممكن النسيان
والثنتين الذاكره القصيره والذاكره الطويله
قريت عن ذاكرات الانسان منها القصيره اللي تجي محدوده في وقت قريبه ومنها الطويله لسترجاع شي قديم والنسيان ماله علاج ولا في دكتور يعالجه حسب اللي فهمته من اللغز انه المطلوب شي موته بطئ على بنتين ولا نشكي ألم او جروح علشان يعالجها الدكتور

ابو ماجد 2

14/04/2015, 07:28 AM

يالربع
صبحكم الله بالخير
والله ان ودي ارد لكل واحد على رمعته وهو حقكم علي لامعروف لي فيه
لكن اعذروني الوقت لايسمح
واللغز لايزال طليق

ناصر العلي

15/04/2015, 02:53 PM

ابو ماجد 2

15/04/2015, 06:15 PM

وعليكم السلام ورحمة الله وبركاته

سلمت يالغالي

وصح لسانك

وأبوفالح غالي ويستاهل كل خير

محاولة

ترميل أنوار السيارة الأمامية

http://img02.arabsh.com/uploads/image/2013/11/28/0c32474b60fb06.jpg

صح لسانك وسلمت من الشر
لايزال طليق يالغالي
وهاللغز حاولت ازيد كيله من شانكم يالهوامير
ولكن لامانع من تخفيف حدته اذا كان طوَّل

يمكن شاعر

15/04/2015, 08:22 PM

محاوله يالغالي لها يومين تقرقع بالصدر
الدسك والسفايف للكفر
والدسك يقعد ياكل بالسفايف لين تتواكل

ابو ماجد 2

15/04/2015, 08:37 PM

محاوله يالغالي لها يومين تقرقع بالصدر
الدسك والسفايف للكفر
والدسك يقعد ياكل بالسفايف لين تتواكل

هلا بك يابو فالح
تفكير حلو
ولكن لاتنس انه ينهي هالثنتين من شان وحده

يمكن شاعر

15/04/2015, 09:07 PM

ممكن مقصدك يالغالي
الماء والصابون
الشي اللي فيه اهوال البكتريا
والوحده اللي تقصدها النضافه
ان كان ماهي سماويه

صقر السديرات

15/04/2015, 09:25 PM

صح لسانك ملايين ابو ماجد
ابداع وتوهج فلله درك والله لايضرك
ماهوب الدخيخين
دمت بخير

عابر الجوف

15/04/2015, 10:02 PM

صح السانك ضرر الكمبوتر على العينين

ف ف

15/04/2015, 10:19 PM

ابوماجد خذ هاللي تقرقع

الافلاس والاندماج بين شركتين ومن هالقبيل

عيد القضيب

15/04/2015, 10:38 PM

طيب يالغالي
نرمع : البياض على العينين
الف تحية ومليون وردة

ابو ماجد 2

15/04/2015, 10:40 PM

ممكن مقصدك يالغالي
الماء والصابون
الشي اللي فيه اهوال البكتريا
والوحده اللي تقصدها النضافه
ان كان ماهي سماويه

هلا بشاعرنا المتمكن
هلا بك يابو فالح
مالك لوى يالغالي
وانا قصدت بتهتال اي تندهش ولم ارمي الى معنى الاهوال

ابو ماجد 2

15/04/2015, 10:42 PM

صح لسانك ملايين ابو ماجد
ابداع وتوهج فلله درك والله لايضرك
ماهوب الدخيخين
دمت بخير

هلا بمشرفنا ومبدعنا ومحافظنا وشاعرنا
صح بدنك والابداع هوماتطرحونه هنا يالغالي
الرمعه لم تصب الهدف
انتظرك في مرماع قادم

ابو ماجد 2

15/04/2015, 10:44 PM

صح السانك ضرر الكمبوتر على العينين

صح بدنك يابو عويد
شرفتنا
مالك لوى
ولا تنس يقتل الثنتين او ينهيهن من شان ثالثه

ابو ماجد 2

15/04/2015, 10:46 PM

ابوماجد خذ هاللي تقرقع

الافلاس والاندماج بين شركتين ومن هالقبيل

هلا بك يابو ثامر
اشوى وضعت ابو ثامر تحت ولكن ليتها تاخذ لون اوضح فثامر وابو ثامر يستحقون ان يتوهج ويتلألأ مسماهم
الرمعه مالك لوى يالغالي

ابو ماجد 2

15/04/2015, 10:48 PM

طيب يالغالي
نرمع : البياض على العينين
الف تحية ومليون وردة

طبت وطاب فالك يابو سلامه
مالك لوى يالغالي
والف تحيه ومليار ورده لشخصك الكريم

عيد القضيب

15/04/2015, 11:19 PM

طيب يالغالي رايح الضلع لامحالة
نرمع: الضجيج يقضي على السمع
الف تحية ومليون وردة

عابر الجوف

15/04/2015, 11:23 PM

التعادل يذبح نقطتين ويكسب وحده

ف ف

15/04/2015, 11:37 PM

هلا بك يابو ثامر
اشوى وضعت ابو ثامر تحت ولكن ليتها تاخذ لون اوضح فثامر وابو ثامر يستحقون ان يتوهج ويتلألأ مسماهم
الرمعه مالك لوى يالغالي

الله يحرم وجهك عن النار انت ومن تحب ومن يقرأ ...شاكرا لك حرصك يالغالي

وحاضر حاضر حاضر تم التعديل يالغالي

ابو ماجد 2

16/04/2015, 12:40 AM

طيب يالغالي رايح الضلع لامحالة
نرمع: الضجيج يقضي على السمع
الف تحية ومليون وردة

هلا بك يابو سلامه
طاب فالك
مالك لوى يالغالي

ابو ماجد 2

16/04/2015, 12:43 AM

التعادل يذبح نقطتين ويكسب وحده

هلا بك يابو عويد
مالك لوى يالغالي
ولكن جميل منك ان تفكر في واحد من الفريقين فهو بدل ان ينال ثلاث نقاط نال نقطه
ولكن مااقصده من شان لااخرى تكابد خللها
اي تختل بوجود هالثنتين

ابو ماجد 2

16/04/2015, 12:45 AM

الله يحرم وجهك عن النار انت ومن تحب ومن يقرأ ...شاكرا لك حرصك يالغالي

وحاضر حاضر حاضر تم التعديل يالغالي

واياك يالغالي
وحرصي لانني بدون مجامله احس انكم اخواني الذين لم اشاهدهم

يمكن شاعر

16/04/2015, 08:53 PM

طيب ي الغالي
محاوله
ممكن اللي يستخدمونه لتصليح الزجاج اذا انشعر (انخدش) البعض يسوي دايره
والحين يضعون ماده في اول الخدش وفي اخره والبنت الاخيره الزجاجه علشان لايمتد الكسر

النبهاني

16/04/2015, 09:03 PM

ابوماجد الله يمسيك بالخير
زعيمنا هذه محاوله تقرقع ابي افتك منه
الجنط او السلك حق الفرامل
والبنات الفحمات حقت الفرامل والثالثه العجله بتاعت البسكلته

ف ف

16/04/2015, 11:44 PM

ابوماجد حبيبنا خذ هالسماويه
وش رايك بالبنج وتاثيره على العيون ...النوم لا جراء العمليات كفانا الله واياكم شرها

ف ف

17/04/2015, 02:18 AM

كثرت السماويات الله يعينك علينا
ومدري حنا حول اللغز ولا الطريق خطأ

وش رايك الروماتيزم والركب مدري مدري

عابر الجوف

17/04/2015, 07:44 AM

قضاب الغواص على فتحتين الانف لجل مايدخل الماء الرئه ويخل فيها

عابر الجوف

17/04/2015, 02:30 PM

يسمونه 1
الفطام: وهو يوضع على أنف الغواص كي لا يدخل ماء البحر إليه،

ابو ماجد 2

19/04/2015, 10:20 AM

طيب ي الغالي
محاوله
ممكن اللي يستخدمونه لتصليح الزجاج اذا انشعر (انخدش) البعض يسوي دايره
والحين يضعون ماده في اول الخدش وفي اخره والبنت الاخيره الزجاجه علشان لايمتد الكسر

هلا بك يابو فالح
صباح الخير يالغالي
مالك لوى هذا معروف عند اهل الكار قبل السيارات

ابو ماجد 2

19/04/2015, 10:22 AM

ابوماجد الله يمسيك بالخير
زعيمنا هذه محاوله تقرقع ابي افتك منه
الجنط او السلك حق الفرامل
والبنات الفحمات حقت الفرامل والثالثه العجله بتاعت البسكلته

هلا بالغالي
اسعد الله جميع اوقاتك
عادهذا يمكن ابو فالح مايعرفه لكن انت اكيد تعرفه
انتظر مرماعك القادم

ابو ماجد 2

19/04/2015, 10:24 AM

ابوماجد حبيبنا خذ هالسماويه
وش رايك بالبنج وتاثيره على العيون ...النوم لا جراء العمليات كفانا الله واياكم شرها

هلا بك يابو ثامر
وصبحك الله بالخير
مالك لوى
وابعد عن جسم الانسان

ابو ماجد 2

19/04/2015, 10:25 AM

كثرت السماويات الله يعينك علينا
ومدري حنا حول اللغز ولا الطريق خطأ

وش رايك الروماتيزم والركب مدري مدري

الله يحييك يابو ثامر ماعرضنا اللغز الا لنتشرف بالتواصل معكم
مالك لوى يالغالي

ابو ماجد 2

19/04/2015, 10:27 AM

قضاب الغواص على فتحتين الانف لجل مايدخل الماء الرئه ويخل فيها

يسمونه 1
الفطام: وهو يوضع على أنف الغواص كي لا يدخل ماء البحر إليه،

هلا بك يابو عويد
لايزال طليق
انتظر مرماعك القادم

النبهاني

19/04/2015, 12:22 PM

الله يمسيك بالخير زعيمنا
انا جاي ابي اقول دوك هالشاطحه
ويوم شفت ردك تبوهنت والعرف واجد منين ابلقاه
لكن نزت هالشاطحه ويصير خير
اللعب
الثنتين لعبة الصن والحكم
والاخرى لعبه البلوت ككل
عاد ندور هالحين بالواجد

عابر الجوف

19/04/2015, 01:29 PM

ممكن النوم والعينان

ابو ماجد 2

19/04/2015, 02:00 PM

ابو ماجد 2

19/04/2015, 02:01 PM

ممكن النوم والعينان

هلا بك يابو عويد
ماهو بجسم الانسان يالغالي
انتظر مرماعك القادم

عابر الجوف

19/04/2015, 02:14 PM

ممكن المسن والسكين

مريسان

19/04/2015, 02:52 PM

الله يمسيك بالخير يابوماجد
صح لسانك
غالي ومسند على غالي
محاوله الدفلك بسيارات الدفع الرباعي

ابو ماجد 2

19/04/2015, 05:38 PM

ممكن المسن والسكين

لايزال طليق يابو عويد
انتظر مرماعك القادم

ابو ماجد 2

19/04/2015, 05:41 PM

الله يمسيك بالخير يابوماجد
صح لسانك
غالي ومسند على غالي
محاوله الدفلك بسيارات الدفع الرباعي

يامساء النور
صح بدنك يالغالي
هلا بالمتختل
ابرد عليك بكلمه الظاهر نادر اقولها لك ماشاء الله عليك
لذلك لاتلومني ابتواسا واتلذذ بالرد
مالك لوى يالغالي
هههههههههههههههههههههههههه
مزوح والا تراي افرح اذا انحل اللغز خاصة اذا طوَّل واتت رمعته من عملاق مثلك

ناصر العلي

20/04/2015, 12:54 AM

نعاود المحاولة ياأبوماجد

مايصير

خصي التيوس للسمنة

راحت الثنتين علشان الثالثة اللي هي السمنة

يمكن شاعر

20/04/2015, 08:22 AM

لاهنت ي بوماجد
الكار تقصد عربات الجر ولا معنى اخر

ابو ماجد 2

20/04/2015, 08:44 AM

نعاود المحاولة ياأبوماجد

مايصير

خصي التيوس للسمنة

راحت الثنتين علشان الثالثة اللي هي السمنة

هلا بدكتورنا
الثلاث كلهن من صنف واحد
يالله قولوا به

ابو ماجد 2

20/04/2015, 08:46 AM

لاهنت ي بوماجد
الكار تقصد عربات الجر ولا معنى اخر

الكار يالغالي المقصد اهل الصنف
فكار اهل الغطو البنت لكل مؤنث الرجل لكل مذكر العود للقديم او الكبير الورع للصغير او حديث الولاده ...........الخ

عطري

20/04/2015, 09:00 AM

و عليكم السلام و رحمة الله و بركاته

صح لسانك أبا ماجد ، و لله درك على ما تقدم .

يستاهل أبو فالح كل خير و هو عزيز و غالي.

اعتذر عن الغياب الأيام الماضية بسبب:

تعطل النت عندي أربعة أيام ، و يوم رجع تعطلت أنا بالشغل.

تسجيل حضور و سلام على الإخوة الكرام،،،

يمكن شاعر

20/04/2015, 10:18 AM

الله يسلمك ويعز غاليك اخوي الغالي عطري والحمدالله على السلامه
وتستاهل الطيب يالغالي انت والاخوان جميع

ناصر العلي

20/04/2015, 04:34 PM

نعاود المحاولة يالغالي

ويش قولك باللي ينهي نعلة الجلد أول عشان جلدة النباطة

http://www.mekshat.com/pix/upload05/images205/mk74573_111111.jpg

عابر الجوف

20/04/2015, 05:28 PM

مايكون النبات يطلع مع نبات القمح ويتم وضع مبيد يقتل النبات الغير صالح لجل شجرة القمح

ف ف

20/04/2015, 10:06 PM

ابوماجد ... والله مدري مدري

بس وشرايك بالهدف الذهبي اول كان ينهي الاشواط الاضافيه حين تسجيله

ف ف

20/04/2015, 10:11 PM

وخذ السماويه الثاني

خلاط الماء على الحار والبارد

هاللغز بالبدايه طلبت تأجيل الرمعه امن يعرفه....وشكل الرهايمر مؤدي دوره بالشيبان
هو اللغز الوحيد الي بقى

النبهاني

22/04/2015, 03:06 AM

ابو ماجد 2

22/04/2015, 10:45 AM

اللغز انتهى
لكن ابي ارد بوقت اطول
من شان الرامع يستاهل من يتواسا له
ويفصفص مرماعه لله دره

ابو ماجد 2

22/04/2015, 09:59 PM

ابو ماجد 2

22/04/2015, 10:02 PM

نعاود المحاولة يالغالي

ويش قولك باللي ينهي نعلة الجلد أول عشان جلدة النباطة

http://www.mekshat.com/pix/upload05/images205/mk74573_111111.jpg

لايزال طليق دكتورنا
والحل اتى به دكتورنا الثاني الغير متفرغ

ابو ماجد 2

22/04/2015, 10:04 PM

مايكون النبات يطلع مع نبات القمح ويتم وضع مبيد يقتل النبات الغير صالح لجل شجرة القمح

الرمعه الاقرب من الرمعات السالفه واللغز انهته رمعة ابو سالم

ابو ماجد 2

22/04/2015, 10:05 PM

ابوماجد ... والله مدري مدري

بس وشرايك بالهدف الذهبي اول كان ينهي الاشواط الاضافيه حين تسجيله

هلا بالغالي
اللغزانهاه النبهاني

ابو ماجد 2

22/04/2015, 10:07 PM

وخذ السماويه الثاني

خلاط الماء على الحار والبارد

هاللغز بالبدايه طلبت تأجيل الرمعه امن يعرفه....وشكل الرهايمر مؤدي دوره بالشيبان
هو اللغز الوحيد الي بقى

هلا بك يابو ثامر
اللغزمن شايب وحله الشايب ابو سالم
والزهايمر يوحش اللي بعمرنا

ابو ماجد 2

22/04/2015, 10:52 PM

زعيمنا القدوه الله يصبحك بالخير
اسم الله يابو ماجد هذا وش هالرسم ايه الاصل رسام فنان ماشاء الله
بس اقول عز الله انك داهية الدواهي تدهوي اللي مايتدهوى
الحل طال عمرك اللقاح
والبنات الشيص ثنتين يموتن والثالثه تصير تمره
ماشاء الله عليك بهالوصف

دكتورنا غير المتفرغ
كفوووووووووووووووووووووووووو كفوووووووووووووووووووووووووووووووووو كفووووووووووووووو
كفووووووووووووووووووووووووووووو كفوووووووووووووووووووووووووووووووووووووووووووووو
كفووووووووووووووووووووووو
كفوووووووووووووووووووو
ان كان اللغزداهيه فالادهى رمعتك

والله ياهاللغزجائني تراخي حياله وكرهته وفي نفس الوقت ماحبيت اغير فيه
كنت ناوي اقول مامعناه يقلط على جمع وينهي ثلثين ويبقي على ثلث وذلك اذا تعاملنا مع القنا او الثمره جميعا
نعم
اللقاح والطلع
فقمع التمرة يحوي على ثلاث فاذا مالقح ونجح لقاحه تموت ثنتين وتبقى واحده وان لم ينجح تبقى الثلاث وهو عيب بالثمره يسمى شيص

http://eroshen.com/upload/download.php?img=1642

ف ف

22/04/2015, 11:02 PM

ماشاء الله تبارك

عز الله انهاه الدكتور

وبالفعل يبيلها شايب هالرمعه
كفوو بل مليوون كفووووو

ابو ماجد 2

23/04/2015, 12:54 AM

ماشاء الله تبارك

عز الله انهاه الدكتور

وبالفعل يبيلها شايب هالرمعه
كفوو بل مليوون كفووووو

هلا بك يابو ثامر
معلومه استفدتها من الالغاز
وبالفعل راقبتها بالنخل عندي بعد فترة تقارب الشهر تبدا تموت وتتلاشى ثنتين وتبقى بالقمع واحده
ودكتورنا الغير متفرغ يستاهل الكفو وهو من دهاة الغطاوي اليا تفضى للغز

يمكن شاعر

23/04/2015, 07:05 AM

صح لسااانك ملاييين يابوسالم على الحل
وبيض الله وجهك يالغالي
وكفوووووووووو مليوووون
وصح لسان الغالي ابوماجد ملايين على اللغز

ذيب الفقارة

23/04/2015, 10:40 AM

كفوووووووووووو كفووووووووووو كفوووووووووووووو

دكتورنا الغالي

د / ناصر العلي

الحل هو كما ذكرت :

اللقاح والطلع

وصح لسانك زعيمنا وفارسنا

أبو ماجد

تحياتي

النبهاني

24/04/2015, 12:20 AM

ياحبي لك يابو ماجد كل هذا والله لو اني ناصر على اني مسبوق عليه يوم الرجال يقول انا عندهم ناصر العلي الله يزيد دكتورنا وتورنا
وتراي صادق كفو وحده ثنتين ثلاث يكفني ويخبن علي بعد فمابالك بهذولن
كفوك الطيب يامنبع الطيب يالعديم ورسم بهاللغز غير واستغرب انك كرهته وجاك تراخي على كل هالجمال الموجود والملموس وتنويع اسلوب الوصف لا بالله لخذت ماخذت انقش لنا مثله زادك الله وحفظك

النبهاني

24/04/2015, 12:25 AM

اخوي ف ف الغالي
سلمت ولاهنت وما انا الا تلميذ عند هالكوكبه لا خلا ولا عدم
كفوك الطيب وهذا ماتعلمناه منكم

النبهاني

24/04/2015, 12:29 AM

اخوي الشاعر المتمكن الله يسعد اوقاتك بالمسرات
وكفوك الطيب ياراعي الطيب
وصح كلك وبياض الوجه كاسيك
وهذا بعض ماعندكم يالغالي
سلمت ولا هنت

النبهاني

24/04/2015, 12:35 AM

الذيب كفوك الطيب وسلمت
وزودت الزين زين وملح وتوهج بهالمشاركه
حيث احتوت على ما اتشرف واطرب بطاره
وياحلوه وهذي حلاوة النسيان وحقي عليكم لا يجي لها اي هالمشارك اي حرف
سلمت ولاهنت وعطرت الموضوع يابوعدنان