تسجيل الدخول

مشاهدة النسخة كاملة : استفسار عن ياسو 2900


قليقلان
14/04/2015, 06:48 PM
السلام عليكم ورحمة الله وبركاته

المهم انا شريت ياسو 2900 وارد امريكا صناعة اليابان وشبكته على قاعدة جانبيه اريل tran max 150-b بعد ان مدحه احد الاخوان هنا بالمنتدى والكيبل لونه نحاسي شفاف صيني

المهم انا اول مره استخدم جهاز مراسله وشغلته يطلع لي بالشاشه busy على كل القنوات وبعضها عليه + او - ولافيه اي برج الا على قناة 145000 تجي الابراج فل وصوت مثل صوت اعادة الاتصال ط ط ط ط

المهم هل الجهاز مشفر والا فيه مشكله بالتشبيك
مجنن الوبران
15/04/2015, 08:12 AM
امورك تمام يا قليقلان

الجهاز مابه الا العافية ان شاء الله ولا هو مشفر

بالنسبة لكمة busy اذا كنت تسمع صوت تشويش بجميع القنوات روح لم الفرار حق الهواء واقفل به شوي شوي الين تختفي هالكلمة ويقفل التشويش

الصوت الي تسمعه على قناة 145.000 هذا واحد مشفر على القناة

اما بخصوص الـ ( + / _ ) هذي لتشفير المكاتب وماعليك منها مامنها ضرر ولها برمجة تشيلها اذا ماتبيها نهائي


تقبل مروري
قليقلان
15/04/2015, 10:08 AM
بيض الله وجهك اخوي مجنن الوبران

والله ان لي سنين نطلع انا ومجموعه ولابنا اللي معه جهاز مراسله حتى طفرة التسعينات ما اهتمينا به

بحكم ان معي جوال الثريا لكن الجهاز له عوزته

نرجع للياسو والله يعينكم علينا السؤال طالة اعماركم

--مايرسل الا من ١٤٤-١٤٨ تحت او فوق المدى المذكور يطلع error
فيه موضوع لاخ هنا يقول التعديل على الصفحات الكلام من وين ادخل للصفحات وكيف التعديل عليها
مجنن الوبران
15/04/2015, 01:39 PM
ووجهك يالغالي

الجهاز من 144 الى 148 هذا مدى ارسال واستقبال الجهاز

اما الترددات الي يطلع يها error هذي كلها ترددات استقبال ولفتح هذه الترددات لا بد من فك الجهاز والغاء وتلحيم قطع بداخله وانا اشوف يبقى الجهاز على حاله ازين لك

الترددات الموجوده كافيه وهي المتعارف عليها عندنا من ناحية المراسلات والترددات الباقية ماظن بتلقى فيها احد

الدخول على الصفحات فيه زر مكتوب عليه SEET MHz ومكانة رابع زر من اليسار بجانب الزر الاحمر

هذا سلمك الله تضغط عليه ضغطه طويلة بيدخلك على المكاتب راح تحصل كل مكتب ورقمة بجانب الشاشة يمين معك من مكتب رقم 1 الى مكتب رقم 59

وكل مكتب له خصائصه لحاله

وان بغيت تدخل على احد المكاتب تضغط زر SEET MHz ضغطة طويلة بعد ظهور المكاتب تروح للفرار اليمين وتلف الين توصل المكتب الي تبي وان بغيت تدخل على مكتب معين ارجع واضغط نفس الزر SEET MHz لاكن هالمره ضغطه سريعه بيدخلك على نفسك المكتب بعد ماتعدل الي تبي
للخروج من المكتب بعد التعديل فيه طريقتين الاولى عن طريق نفس الزر SEET MHz ضغطه طويلة
والثانيه عن طريقة ضغط الريشة


والمكاتب الي اشوفها مهمه عندك مكتب رقم 50 وهو خاص بالطلوع والنزول بالمكاتب مثلا طلوع 25 فوق العامه او نزول 25 تحت العامة بعد ماتدخل على المكتب حرك الارقام بالفرار اليمين وحدد الي تبي ويناسبك

وهذي ايضاً طريقة النغمات للياسو 2900
https://www.youtube.com/watch?v=2oGhNh3qtLE


طريقة فرمتت الجهاز وارجاع كل المكاتب كما كانت من المصنع

تطفي الجهاز وتضغط على زر MW D/MR + A/N LOW + DW REV
وانت ضاغط هالثلاث ازارير شغل الجهاز بعد مايشتغل شيل يدك عن الازرار راح تشوف كلام يمشي بالشاشه مجرد تشوف الكلام اضغط على زر MW D/MR لتأكيد الفرمته

اتمنى اني افتدك

تحياتي
قليقلان
15/04/2015, 08:07 PM
بيض الله وجهك اخوي مجنن الوبران

وجزاك الله خير عن كل حرف كتبته

وان شالله نطبق الطريقه باقرب وقت بس يزول عنا هالغبار دفنا دفن الله يعوضنا خير
مجنن الوبران
16/04/2015, 08:03 AM
ووجهك

اللهم آمين وياك ان شاء الله