الفزعة يانشاما في وزن غاز البيكال

[شمالي و الهوا غربي]

السلام عليكم

تعبت ونا ابحث عن وزن الغاز الفعلي مثل الوكالة
كل يجيب من راسه صوت .
اللي يقول شد عليه والثاني يقول ارخ عليه، والي يقول يحذف الفارغ علي مسافة مترين
وهذه احس انه ماهي عمليه !!!! والسوال للي جرب الغاز ايهم اخطر علي البندق الشد علئ الخفيف او الثقيل??
بغض النظر عن حذف الفاااااارغ?

والمهم عندي تكون المكينة مرتاحة، ويكون مو خطرعلئ حجرة الغاز.
واكون شاكرا ومقدر للي عنده بيكال مو ملعوب في غازها
(((يصوره لنا ،علي الطبيعه، .وابدعيله بالخير انا وغيري. من زوار هذا المنتدئ.))))
تحياتي

[قاع حضوضا]

حذف الفارغ مترين مهو دليل على الوزن الصحيح

[المضلي]

عندي نفس المشكله
اتمنى اللي عنده شوزل وماغير وزنة المصنع يفزعلنا بالصور

[أبوصالح9]

اتحداك تلقى وزن غاز للبيكال من الوكالة على درجة واحدة ونفس شدة السنة - السالفة وما فيها انت وش رميك 28 - 32 - 36 - 40 - 50 - لاتوسوس ولا يهمك وزن الغاز اذا رميك بدون ضغوط - انا كان عندي بيكال وكل رميي من 40 وتحت وازيدك من الشعر بيت ضاغط الغاز اكثر من وزن الوكالة بس بدرجة بسيطة ولا عمرها لكت او عوكست ولله الحمد - طبعا بتقول ليش حركت وزن الغاز وانا عارف ان وزن الغاز مهمته اخراج الفارغ وتلقيم الطلقة التالية بشكل صحيح - انا طبعي احب الحبرشه والاكتشاف وجربت اضغط الغاز زيادة واشوف وش يصير - لقيت ان الرمي احر بشكل واضح نسبيا بس مهب كثير - طبعا الرمي كان على جالون زيت 4 لتر من مسافة 35 متر وتشوك 680 ترولوك امريكي - طبعا لو انا عكست التجربة بواجه مشاكل بإخراج الفارغ وتلقيم الطلقة بحكم ان اغلب رميي بضغط خفيف ومتوسط الى حد ما -

زبدة الكلام اذا رميك بفشق خفيف عادي ممكن انك تضغط الغاز شي بسيط - واذ بترمي ضغوط افتح على الغاز على حسب قوة الفشق - 42 يختلف عن 66 - واذا ما اقتنعت بكلامي وبارودك مابها خلاف ولا فيها لكلكه او خلافه لاتحرك الميزانية وخلها على وضعها - ترا وزن الغاز مهب شي كايد ولا ازمه - هي شي نفسي بعض الناس لو يحرك شعره بالسنه ويرمي يقول اختلفت البندق وخربت وهي مابها الا العافية - كل البلا من الفشق التالي ولا البندق مابها شي - الفشق لاصار دمار هو اللي يلعب بعقلك ويحوسك حتى لو ان البندق ام وحده اللي ماتعرف لا غاز ولا غيره ماغير ابره وناتوش

باقي نقطة اخيرة وهي اهم من كل كلامي السابق والله لو ان البندق تعطيها للدب الروسي اللي صنعها وتقوله اوزن الغاز مثل ما زينته والبندق مليانه وصخ ان تلكلك وتعوكس وتحوم تسبدك

[شمالي و الهوا غربي]

اتحداك تلقى وزن غاز للبيكال من الوكالة على درجة واحدة ونفس شدة السنة - السالفة وما فيها انت وش رميك 28 - 32 - 36 - ك
انت قلت كل ابو الدعوئ ذب الفارغ
ولكن الكلام علئ المكينة وحجرة الغاز .هل اذا فريتها علئ الثقيل او الخفيف
احسن ??
شاكرا ومقدرا افادتك

[شمالي و الهوا غربي]

اخي ابو صالح انت تقول شديت علئ الغاز
ولكن باي جهة يم الثقيل او الخفيف???
ومايهمني في المقام الاول ،المحافظة علئ المكينة وحجرة الغاز
بغض النظر عن حذف الفارغ او التنظيم.
تحياتي

[أبوصالح9]

شديت يم الخفيف - لايت - لو شديت يم الثقيل راح تتوسع فتحات الغاز ولا ينفع بالضغط الخفيف للفشق- خل السنة مسح مع المربع الصغير يعني لاتشوف اي شي من السنة - بس انتبه ترا كلامي هذا على الضغوط الخفيفه - مهب ترمي ضغط 50 وتقول وش جاها البندق

[ابن كديميس]

وعليكم السلام
افادك ابو صالح
والطريقه هذي صحيحه 100% ومجربها
الله يجزاه خير حيث كان:l

http://www.mekshat.com/vb/showpost.php?p=6288742&postcount=257

[hadi.9]

تابع الصور هنا وزن الغاز شد بلد



هنـــــا (http://www.mekshat.com/vb/showthread.php?t=570644&page=2)

بتوفيق ياصاحبي

[شمالي و الهوا غربي]

بيض الله وجيكم جميعا
ياهل الفزعات
بس اللي خربطني حق الصيانة الي بالجردة
يقول خلها تتساوئ مع السنة الي فوق ،اجل يبي البندق تنفجر حسبنا الله عليه
ولكن اين الجواب ايهم احسن للبندق تكون اقرب الئ الخفيف او الثقيل?????

ودي وتقديري

[أبوصالح9]

ماراح تنفجر لانك لو فريت المنظم على فوق بتقفل على الغاز وهو يقول فره على تحت يعني بتفتح على الغاز وهذا للضغوط - اتوقع انه يقصد خلها متساويه مع الشفة او الثلم اللي على شكل حرف u - ولا تسأل ايهم احسن اقرب الى الثقيل او الخفيف - لأنك انت اللي بتستخدم البندق - يعني يمكن يجيك واحد ويقول خله اقرب للخفيف وانت بترمي ضغوط فكذا مايجي والعكس صحيح - انا قلت لك اذا رميك من 40 وتحت خله مسح لايطلع اي شي من السنه مع حرف u - فوق 40 لازم تفتح على الغاز وخله يطلع سنه وحده وشوي ايضا مع الثلم او حرف u

والله يستر عليك

[شمالي و الهوا غربي]

يابو صالح
من او الموضوع وانا اقول مايهمني ذب الفارغ
انا ابي المكينة تكون مرتاحه انشالله تكون مثل ام وحدة.
لاني اذا فتحت علئ الغاز احس ان البندق ترجف اكثر وهذ معناه ن له دخل في الاجزا،
مو فقط ذب الفارغ.
علي العموم ماقصرتوا. بيض الله وجيهكم