حنه وثقل بعزم السيرا 6 لتر تماتيك

[RW7..ALBDAWA]

السلام عليكم ورحمـة الله وبركاته صباح الخير ومساء الخير لاخواني المكشاتييييـه جميــع نبتدي بالمشكلة الموجوده عندي انا عندي جمس سييرا 6 لتر 2003. تماتيك حوض فيه ضعف بالعزم بشكل غير طبيعي يعني بالقومـه السياره جدا ضعيفه صوت حنـــــه شديده مزعجه ومافي تسارع لسيارة أبداً أبداً غيرت كالتالي بواجي أسلاك طرمبة صفايه جميع مايفخطر عبالكم من الأشياء الأستهلاكيـه بدلتها انا اللي أعرفه عزم السييرا قوي جداً الا هذا اللي معي فيه حنه وضعف شديد حتى بالخط بالياله يجيب 130 أو 140 اخر الدعسه كفرات بالون ياخوان ودي بورشه تدلوني عليها يسوق موتري ويقولي المشكله انا بديت أشك بكلتشات القير وانتم وش تقولون واللي مرت عليه المشكله يقولي

[RW7..ALBDAWA]

وين التفاعل ياخواني وينك ياستاذ أصيل وأهل الخبره بالسييرا

[salih100]

غيرت زيت قير وفلتر القير ؟

[الدوسري2010]

شيك على القير

[RW7..ALBDAWA]

ابشرو بس أخاف ابدل زيت القير ثم اطيح بمشكلة توضيب وش رأيكم اغامر وابدل

[1824]

اذا خبط القير بعد التغير المشكلة من القير واذا ما خبط تكمل تدور عن المشكلة غير الزيت بزيت دكسرون 6 DEXRON VI ضرروري هذا النوع يكون بالتوفيق لك ولا تنسى الفلتر

وش نوع زيت المكينة الي تستعمله انت

فلتر الهواء غيرته جربت تنظف الحساسات جربت تنظف الثروتل بدي وغيرها الكثير بالتوفيق لك

[RW7..ALBDAWA]

اذا خبط القير بعد التغير المشكلة من القير واذا ما خبط تكمل تدور عن المشكلة غير الزيت بزيت دكسرون 6 DEXRON VI ضرروري هذا النوع يكون بالتوفيق لك ولا تنسى الفلتر

وش نوع زيت المكينة الي تستعمله انت

فلتر الهواء غيرته جربت تنظف الحساسات جربت تنظف الثروتل بدي وغيرها الكثير بالتوفيق لك
مو شرط اخوي اذا غيرت زيت القير وخبط معناته أن القير كان خربان لأن أغلب السيارات الا مو أغلب الا 90% من السيارات اذا غيرت الزيت خرب القير حتى الوكالات مثل الرنج والبي أم لاني امتلكت هذي السيارات يقولون لو مشيت على السياره أكثر من 90 الف ولا بدلت الزيت معناته خلاص لاعاد تبدل نهائي لو بدلت ماحنا مسؤوليين لأن يحصل فيها تخبيط للقير

[1824]

الوكالة تحاول تتجنب الدخول في متاهات مع العميل عشان كذا يقولك ما نغير لك اذا ما غيرته قبل انا مغير زيت قير موتري وهو ماشي 190 الف والحين ماشي 270 الف بدون مشكلة فهم يحاولون تجنب المشكلة اذا غيرت زيت القير بالنوع الموصى به من المصنع وصارت مشكلة فالمشكلة كانت موجودة مسبقاً ولكن ثقل الزيت كان مغطي عليها ولا يعني تغير الزيت هو سبب المشكلة بالتوفيق لك

[ك و ح]

افحص دبة التلوث تحصلها متسدده فقم بتغييرها او الغائها

[1824]

افحص دبة التلوث تحصلها متسدده فقم بتغييرها او الغائها

go a head and check it man i think that is the problem

[أبو الوليد 14]

قد تكون المشكلة من حساس الهواء !!

[MSAN]

نصيحة..

لاتتعب نفسك وتحوس

رح لورشة الرشيد في الرياض خله يبرمجه.. وأثناء البرمجة بيقول لك البلا من وين هل هي شكامين والا بخاخات والا مكينة والا قير.. الخ

اسم ورشته SLR
بالتوفيق

[1824]

تذكرت اذا دبة التلوث ما راكبة احتمال كبير منها بالتوفيق لك