باترول فتك والحل

[VTC2008]

السلام عليكم شباب

أنا معي باترول فتك صالون 2002 أول ما اشغله الصبح وهو بارد يقطع شوي ثم يصفى ولا وقفت بأي مكان الموتر موب صافي .. علما انه تم وزن الديلكو وتركيب صفاي بنزين مانفع . وكذلك عندي رجه بعد 130 يبدا يصير فيه مثل النفاضة المراتب يرجن وكل شي يرج .. عطونا الحل وشكرا لكم

[الساهر40]

السلام عليكم
أخواني ملاك الفتك ( كانت عندي نفس المشكلة اذا شغلت السيارة وكانت باردة تقطع وعلى وشك تنطفي ولاتقبل بنزين حتى تسخن)
وغيرت أشياء كثيرة ولكن دون فائدة حتى أحد فروع الحمراني سابقا لم أجد عندهم حل ، كنت اسمع تنسيم من القزوز وكل مرة يزيد توكلت على الله وفتحت القزوز الراكب في المكينة وجدت الوجه الراكب في راس المكينة تالف وأيضا أحد شعاب القزوز مكسور غيرتها كلها والحمدلله زالت المشكلة الآن لاتقطيع حتى لو درجة الحرارة صفر كذلك تحسن عزم الموتر
لذا تأكدووووا من القزوز والوجيه قبل ماتغير أي قطع ثانية والله يوفق الجميع

[ابوسند9]

وعليكم السلام
التقطيع شيك على خرطوش فلتر الهواء فكة وشيك عليه تمام لا يكون منخرم من اسفل
كذلك فلتر الهواء لايكون قديم
اخيا ر ربما عندك ضعف في طرمبة البنزين
اما الرجة اتوقع عندك تحبيل في احد الكفرات , جرب بدل امام بخلف