معلومه مهمه للسيارات الاندكروزر (تشغيل البصمه)

[moath2700]

السلام عليكم مساء الخير للجميع

معلومه مهمه لاصحاب السيارات الاندكروزر نضام تشغيل البصمه
قبل يومين واجهت واحد في محطة خط سريع وقف يعبي بنزين يوم جاء يشغل مااشتغل الموتر وموتره لاندكروزر موديله من 2008 وطالع وبحكم ان معي مثل موتره ومديل سيارتي 2012جي اكس وقفني وسالني عن السبب رحت للموتر ضغطت الفرامل لكي اشغل الموتر حصلت اللمبه الخضراء اللي بالبصمه ماتشتغل اتصلت على كهربائي اعرفه من زمان واخبرني ان حساس الفرامل اللي لتشغيل عطلان واخبرني بطريقه مهمه وهي لتشغيل الموتر بدون لمس الفرامل ابد

وهي اول شي تضغط البصمه لمره واحده فقط (تشتغل الساعه ) ومن ثم تضغطه مره اخرى ضغطه مطوله وتعد اربع وعشرين بعدين يشتغل الموتر مباشره بدون لمس الفرامل وفعلا جربته بموتر الرجال واشتغل

اتمنى الشرح واضح والله من وراء القصد لكم من الود اعذبه

[الماجد1]

شرح واضح ووافي جعل والديك والمسلمين اجمعين للجنه

[جني صغير]

بيض الله وجهك بالرغم ماعندي بصمه

بس أكيد في أشخاص تورطوا مثل اللي ساعدته

وجعلها بميزان حسناتك

[ابوراكان تبوك]

جزاك الله خير وسوف اجربها ع سياره اخرى واطرح التجربه هنا اضافة لموضوعك الجميل
الضغطه الاولى فهمت من كلامك هي لتشغيل الساعه + السويتش

قد تنقذ شخص او عائله بمعلوماتك وجعله الله في ميزان حسناتك

[ateeq7]

جزاك الله خير على هذه المعلومه بس ليش حساس الشغيل مع البريك يعطل وهل هي متشره كثير في السيارات الذي تعمل بالبصمه
مرة قالي شخص عشان المفتاح الذي موجود داخل الرموت يستخدم في فتح السيارة في حال فضة بطارية الرموت و ما ادري اذا المعلومه صحيحة قالي البصمه يوجد عليها الغطاء الدائري الذي مكتوب عليه استارت قالي تشيلة و في مكان للمفتاح يدخل فيه و تشغل عادي بس انا ما جربت هذا الموضوع حد يقدر يأكد هذه المعلومه

[يعرب بن قحطان]

جزاك الله خير على هذه المعلومه بس ليش حساس الشغيل مع البريك يعطل وهل هي متشره كثير في السيارات الذي تعمل بالبصمه
مرة قالي شخص عشان المفتاح الذي موجود داخل الرموت يستخدم في فتح السيارة في حال فضة بطارية الرموت و ما ادري اذا المعلومه صحيحة قالي البصمه يوجد عليها الغطاء الدائري الذي مكتوب عليه استارت قالي تشيلة و في مكان للمفتاح يدخل فيه و تشغل عادي بس انا ما جربت هذا الموضوع حد يقدر يأكد هذه المعلومه


لا يا أخوي المعلومه الي عندك غلط
في حالة فضت بطارية الريموت تمسك الريموت وتخله قريب من بصمة التشغيل وانته داعس على البريك وبيولع عند الضوء الي فالبصمه وشغلها كالعاده

[ateeq7]

لا يا أخوي المعلومه الي عندك غلط
في حالة فضت بطارية الريموت تمسك الريموت وتخله قريب من بصمة التشغيل وانته داعس على البريك وبيولع عند الضوء الي فالبصمه وشغلها كالعاده
جزاك الله خير
هل يوجد فتحة للمفتاح تحت زر البصمة ولا الشخص كان يتكلم عن سيارة ثانية غير لاند كروزر

[يعرب بن قحطان]

جزاك الله خير
هل يوجد فتحة للمفتاح تحت زر البصمة ولا الشخص كان يتكلم عن سيارة ثانية غير لاند كروزر


لا أخوي ماشي فتحه للمفتاح تحت الزر.
المفتاح فقط لفتح باب السياره في حالة البطارية فضت من الريموت ولقفل الدرج الي فالسياره.

[راعي-gx97]

الله يجزيك خير على هالمعلومه
الخطوة الثانية اللي هي العد 24 يعني اعد 24 وانا باقي ضاغط على البصمة واﻻ 24 ضغطة مكررة؟؟
نرجو التوضيح .

[اليامي قطر]

معلووومه مهمه واشوف ان الصفاق افضل وتشغيله سويك

موتر صح الله يرزقني بواحد مثله

[moath2700]

الماجد١ ؛؛؛؛؛وياك ياالغالي تشرفت بردك ومرورك
جني صغير ؛؛؛؛؛ووجهك ابيض يالغالي تشرفت بك
ابوراكان تبوك؛؛؛؛؛ وياك يالغالي والطريقه هي تفتح الموتر بعدين تركب وتضغط ضغطه واحده للبصمه تشتغل الساعه بعد ذلك تضغط ضغطه مطوله تعد اربع وعشرين وانت ضاغط ولاتبعد يدك ابد لين يشتغل مجربه واشتغل الموتر ..

[moath2700]

ateeq7. الحساس يخرب ولاهو كثير بعض المواتر يخرب وهو عادي جدا ونادر لكن هالطريقه حتى لو ماخرب وانت ودك تشغل الموتر وانت بمكان الراكب تستيطع وانت بمحلك بدون الجلوس على مرتبة السائق تشغل السياره وانت بمحلة ..ومعلومتك غير صحيحه بوجود سيويش تحت الغطاء انا اتكلم عن الاندكروزر فقط ولاعندي علم عن المواتر الاخرى ..تشرفت بك

[moath2700]

واعي جكس ٩٧ وياك يالغالي
الطريقه هي اذا ركبت الموتر والموتر طافي تضغط ضغطه واحده فقط وتبعد يدك (( تشتغل الساعه)) بعدين تضغط ضغطه مطوله وتعد اربع وعشرين يشتغل الموتر بدون ماتفك يدك يعني تعد وانت باقي ضاغط..


وليس تضغط اربع وعشرين ضغطه ((تخرب البصمه ))

[abady1]

شكرا جزيلا

[مجاهد معاهد]

تشغيل لاندكروزر 2012 بدون ضغط على البريك - YouTube - https://m.youtube.com/watch?v=ToegcwgkzW4

[ateeq7]

الحمدلله جربتها أمس على لاندكروزر 2012 و اشتغلة السيارة زي الحلاوة:D