ادق سلف مايشتغل مكينة 75 [الأرشيف]

ابو تركي2010

22/04/2015, 08:45 AM

عندي مشكلة جت معي مرتين اشغل المكينة تشتغل معي طبيعي اروح مشواري اول ماطفي المكينة وارجع اشغلها ماتشتغل لا لا صوت للسلف ولاي صوت يوضح المشكلة البطارية تمام سلك البطارية جديد الفيوز سليمه مافي صوت تكه حق التشغيل ولا صوت ضعف البطارية ارجع اليوم الثاني تشتغل طبيعي كائنه ماصار شي .
نبغى الحل .

م/عبدالله

22/04/2015, 10:32 AM

السلام عليكم ورحمة الله وبركاته

اخوي ... اذا حصلت معك المشكله

فك فيش الهرنس ... واقصد فيش الكيبل اللي جاي من الريموت
ومشبوك مع فيش المحرك ... ثم روح عند كتاوت السلف تحصل سلك بني
افصله وحط الطرف اللي طالع من الكتاوت في راس كيبل البطارية المشبوك
في الكتاوت .

واذا كانت صعبه عليك .. خلي كل شيء مثل ماهو .. وجيب لمبة فحص
اللي نفحص فيها الفيوزات ... وافصل السلك البني وحط طرف اللميه
في السلك البني اللي جاي من الظفيرة وطرف اللمبة السالب حطه في اي مسمار
في المحرك ... وخلي واحد يدق سلف من الريموت وشوف اللمبة تشتغل
ام لا ... اذا ما اشتغلت وقت ماحصل الخلل معك ... معناه خط الكهرباء الرئيسي
مايوصل الريموت .. لذلك اول شيء افحص فيش الهرنس يمكن ماهو مثبت تمام
او فيه مشكله اذا كان تمام افحص السلك الاحمر مابعد الفيوز او يكون قاعدة الفيوز
فيها فضاوه . .... اتوقع مشكلتك هي فصل لحظي للتيار اللي رايح الريموت
وانت تقول اذا رجعت يشتغل بعد فترة ويمكن مع انزال وطلوع المحرك يرجع التيار
وهذا يعطي فكرة ان عندك لوز اي فضاوة يشبك ويفصل

جرب واعطيني خبر .