المشورة قبل اوضب مكينة الباثفندر

[الطا مس]

السلام عليكم ورحمة الله وبركاته
قبل انزل الموضوع قريت تقريبا كل المواضيع الي تخص توضيب مكينة الباثفندر وكلن يعطي راي ومواضيع قديمة
الحين عندي الباثفندر 2004 قير عايدي مكينته فيها صوت ضرب حديد وعزم ثقيل وحرارة ترتفع
وش رايكم اوضب او اغير المكينة طبعا ما ادري اذا عمود الكرنك سليم او لا
فيه تركي في صناعية السلي وضبنا عنده باثفندر 2005 قبل سنه والى الان توضيبة ممتاز
كلمته عن موتري يقول توظيب كامل ويكلف حول سبعه الاف
وش رايكم

[عبدالرحمن.1]

السلام عليكم
اذا العمود سليم وظب واذا معدوم غير

[الطا مس]

طيب وش السبب اذا معدوم اغير

[الطا مس]

انتظر ارائكم بكرة الصباح بدخل الموتر الورشة

[وجعين]

كان عندي مكسيما وهي نفس مكينة الباث فندر خبطت علي وقالوا لي عدة مكنكيه توضيبه يكلف اكثر من قيمته يعني فوق السته الالف ولا احد يضبط توضيبه صح لانه اغلبه اللمنيوم مع الحراره ينعاج يعنى لا توضب دورلك استعمال ياباني بس لايصير ٢:٢ تراه يجي بستم صغير ضعيف عزمه

[جني صغير]

انصحك تشتري مكينه يابانية افضل من التوضيب وأوفر بس اهم شي الضمان

وقبل ما تركب شيك على الطبات المكينه

[الطا مس]

الله يعطيكم العافية
كم اسعار المكاين الياباني ومن الي جربها يفيدنا

[ateeq7]

مكاين الباثفندر نوعين تيجي حساسين و ثلاثة ولم سألة محلات بيع المحركات الوارد قالولي 2 حساس سعر اغلى
في متوسط الاسعار المحركات 2300 بدون التركيب في الامارات صناعية العين ضمان 15 يوم المحركات وارد اليابان
اهم شي في الوارد عموما لازم تفك الكرنج كيس التي يتجمع فيها الزيت و تنظف تنظيف كامل حيث مرات يصادف تجمع اوساخ او بقايا ترسبات الزيت وقبل التركيب شيك على ضغط البساتم بجهاز قياس الضغط و تخبر الميكانيكي انه يرش بترول داخل البساتم عشان اذا في زيت ينظف و يدور المحرك بالبطاريه لين يخرج الوسخ اذا كان هناك وسخ و بعدين يقيس الضغط اذا جميع البساتم ضغطها متساوي او متقارب يكون مبدئيا صالح لتركيب

[وجعين]

انا ركبت استعمال ياباني مكاينهم وكاله بحكم قله استعمال السيارة عندهم لفترة قصيرة وكذلك ماعندهم السرعه الي عندنا لذلك تجد مكاينهم نظيفة جدا