اريد افضل ورشه لتربيط جيب ربع تويوتا

[متابع20009]

السلام عليكم ورحمة الله وبركاته
لاهنتو يالنشاما موتري جيب ربع تويوتا2009
ضيق صدري بقروعه البدي وخراب الجلب
وكرهت الموتر بعدها
ابيكم تدلوني على افضل ورشه تنفضه وتضبطه من الصدام
للصدام وترجعه وكاله طبعا بسعر مناسب مهب مبالغ فيه
<فيي الريااااض>

[اليامي قطر]

بالتوفيق ياااارب

[متابع20009]

ردو يالنشاما

[أصيل حجآ زي]

.

.

.

وعليكُم السلآم

.

.

فيه بالخُبر بصنآعية الفوآزية .

أذا لك طلة على منطقة الظهرآن .

فيه ورشة عُمر العُمآني { حضرمي } بس يسموه العُمآني .

...

في ورشتُة بالفوآزية .

شرق بوآبة مصلحة الميآة بالضبط .

.

ما في المملكة

أشطر منهُ في التربيط .

رجُل أمين وشآطر ونصوح .

.

.

[ابوراكان تبوك]

لو تشتغل بيدك الربع سهللللل جدا تربيطه

اكثر مايحل فيه وتقدر تسويها بنفسك
فصالات الكبوت اللي عند المساحات اذا راحت جلد الفصالات يبدأ مسلسل الازعاج
مسامير الرفرف العلوي الامامي ياتنكسر او تحل ( موقعها اذا فتحت الباب حق الراكب او السواق تكون مواجهه لفصال الباب العلوي )
فضاوة قفل الكبوت ( امسك الكبوت بيدك من عند القفل والكبوت مقفول وشده بقوة لاعلى ولاسفل اذا تحرك معك ارفع الميزانيات اللي تحت اطراف الكبوت )
المقاعد الخلفية اذا كانت بالعرض غالبا يكون فيها فضاوه وتقرقع المقعده بعض الناس يعالج هذه الفضاوة بفك مسامير المقعده وتلبيس المسامير قطعه من لي المكيف الصحراوي
كلبس عصى الكبوت اذا انكسر تقرقع العصى ومزعجة جدا وحلها بكلبس ابو 5ريال
جلد الصدام الجانبيه الخلفية مسساميرها من داخل ، اليسار فك عنها قاعدة العفريته وتلقاها على طول والجهه اليمين لازم تفك الديكور
هذا كل ما اتذكره بالنسبه للربع وحدثت معي كثيراً وفي اشياء اخرى لاتستطيع عملها الا في الورشة
جلد البودي ( سبب رئيسي للقرقعه الغير معروف مصدرها وتخرب وزنة الابواب ) لاحظ نهاية البودي من الخلف المنطقة المقابله للكفر الخلفي من الداخل اذا كان البودي مريح ع الشاص 100% جلود البودي رايحه اما اذا كان مرتفع فأمورها تمام
فيه اشياء كثير لكن كتبت لك المهم

[متابع20009]

الله يعافيك ياصيل حجازي ماقصرت

[متابع20009]

الله يعافيك يابوراكان صدقت قروعه كلها من اللي ذكرت ياليتك مبكر شوي بس
الله يجزاك خير لاني رحت لورشه النويصر في الصناعيه القديمه وخذ علي 1600شغل يد
وهو ماشتغل اللا اللي ذكرت وزاد عليها الصدام اللي قدام و2جلب التوازن و2البدي ومسمار الاستبنه
اشغلات بسيطه وصقعني بذا السعر

[ابوراكان تبوك]

الله يعافيك يابوراكان صدقت قروعه كلها من اللي ذكرت ياليتك مبكر شوي بس
الله يجزاك خير لاني رحت لورشه النويصر في الصناعيه القديمه وخذ علي 1600شغل يد
وهو ماشتغل اللا اللي ذكرت وزاد عليها الصدام اللي قدام و2جلب التوازن و2البدي ومسمار الاستبنه
اشغلات بسيطه وصقعني بذا السعر

ماعليه اهم شيء تعرف الاشياء اللي صلحها وراحت الاصوات وكلنا وانا اخوك لازم في البدايه ندفع لسياره مانعرف اماكن تربيطها