غيرت زيت المكينه وخلطت ماء وزيت !!

[M.305]

سلام عليكم ..


يالربع غيرت زيت المكينه البارح وانا مسافر

المحطات اللي قبل نقطة تفتيش صلبوخ وليتني ماغيرته

غيرت زيت مع سيفون سوبر جيتي فوكس اللي يجيك علبته اسود

مشيت من عنده باتجاه القصيم .. وصلت حوطه سددير الحراره قامت ترتفع فوق الربع وتوصل النص على سرعه 120 !

ووقفت في محطه وخليته يبرد شوي تقريبا ساعه كامله ولقيته ناقص .. عبيته مويا عايديه جركل ابو 3 ريال من بقاله كامل

ومشيت تقريبا 30 كيلو وارتفعت على سرعه 140 على النص وقفت وعبيته مويا

وتعديت مجمعه وصلت محطة سما قبل نزلة الغااط وقفت فيها واقلب موتر مافيه لاتنسيم من خرطوش ولاشيء !

وجيت دقيت سلف مايدق اصابع بطاريه قلبتهن مامن فود دقيت سلف بخشب ولافاد

مادري وش خلاني اسحب عيار زيت مكينه !

والقى لونه حليبي .. بغيت اغير زيت وسيفون مره ثانيه لكن جاني واحد وقال حمله سطحه :(

ورجعته للرياض ولادري وش اسوي
السياره باترول 99 بخاخ
علمونا يالربع والله اني احترت !:(

[ateeq7]

لا تحتار لا شي ما دام الماء دخل المحرك الشغلة واضحة السيارة خلطت بس لازم تشيك على المكينة باسرع وقت اضعف التوقعات انخرام البيسة او قطع دائريه نفس العملة تيجي اكثر من مكان او جازكيت الهد مضروب
اما بخصوص تغير الزيت ما اعتقد انه السبب
و اعتقد سيارتك محرك الاصلي و لا مغير بمحرك فتك اذا محرك الاصلي هل كنت تعاني في عز الصيف من رفعة الحرار و خصوصا في النهار لما تكون واقف على العموم الله يعوضك خير ممكن المحرك يريدلة سيرفس او توضيب او تشوفلك محرك فتك مستعمل تغيرها

[محمد_حسن]

الله يعينك

ممكن يكون في شرخ في راس المكينة مثل الشعرة.

[مضارب سيارات]

احتمال كبير عندك كسر في صدر المكينة الداخلي وخلط الماء والزيت ولكن انت يفترض يوم ارتفعت الحرارة شيكت على الزيت وقفت الموتر ...

الان شف ان اشتغلت المكينة مضبوط وان جيمت الله يعينك

[هاوي بلادي]

في كسر في صدر المكينة

والله يعوض عليك

[وين الصيد]

الله يعوضك
الراس مشعور
ولا له علاقة في تغيير الزيت

[فـخـآمـه]

وعليكم السلام ورحمه الله وبركاته

المشكله كلها من الحراره ، والحراره هي من تنهي حياه راس مكينه السياره او المكينه بالكامل ..

لكن مثل ماقلت انك توقف وتعبى ، واضح ان عندك مشكله في الارديتر ،
بس لو ان السياره اشتغلت علشان تشوف كيف وضع المكينه فيها تفتفه .. حتى لو قدر الله راس المكينه انشعر ، عادي تشتغل .. وتقدر تروح وتجي عليها بس يبقى هناك تنتيع بالسياره وتفتفه وضعف عزم :( ،


حاول انك تشغلها وفقتها تعرف اكثر :good:
إذا انها ما اشتغلت فهذه شغله كهربائي ، وان شاء الله العواقب كانت سليمه وابدا بالسهل :good2:..

[M.305]

وديتها ورشه وقالي راس المكينه ..

ويبيله 1600 ريال الراس :(