المساعد الشخصي الرقمي

مشاهدة النسخة كاملة : مشكلة الدوده وعلبة الدركسون في الباترول 91


نسيم سدير
27/04/2015, 01:59 PM
السلام عليكم

عندي تهريب في الدوده والكبوت كله ززييت والعلبه اشوف فيها زيت
والدركسون كل ماله يثقل مع الوقت وله صوت وصار فيه فضاوه

عاد حبيت اسأل اهل الخبره وش السوات ؟
ووش افضل الورش في الرياض ؟
واللي عنده فايده يكتبها

الله يجزاكم خير ولا يحرمكم الاجر
.. PATROL ..
27/04/2015, 04:25 PM
مبدئياً فك سير الدركسون عشان الزيوت والاصوات وخل الدركسون ثقيل الين تدبر عمرك :) :)

في محل بالرياض اسمه مصنع الطائر للهيدروليك يبيعك علبه دركسون مجدده بـ450 ضمان 4 شهور جربتها ممتازة جداً

لان سعرها فوق الف ريال الجديدة والياباني في حدود 800 والصيني ب 450 تقريباً
salih100
28/04/2015, 10:24 AM
مثل ما قالك اخونا PATROL محل توضيب واصلاح الهيدروليك يفييدك كثير

وانت جاي من طريق الخرج ووجهك شمال رايح للصناعيه القديمه (صناعية العنوز-شارع العنوز) بتيجك اشارة السالم للزجاج خذ من عندها يمين يصير وجهك شرق امش حتى تجيك اشارة تعدها حتى يجيك تي شف ع حجاجك الايسر في الزاويه ورشه للهيدروليك وجنبها الطاير .
انشالله اني وضحتلك
نسيم سدير
29/04/2015, 11:19 AM
الله يجزاكم خير
طيب وش وضع توضيب الدوده
كم بياخذ علي تقريبا والقطع هو يجيبها ؟؟؟؟
فهد فرحان
29/04/2015, 01:45 PM
انصحكم نصيحة اخ
اهرب عن الطائر
اكثر من سياره ابدل علبه
ولاتضبط اخرها موتري باترول
شف لك مستعمل من الموقع
او التشليح اضمن لك
نسيم سدير
01/05/2015, 04:42 AM
رحت للطاير وقال ابصلح الدوده وبيغير لي العلبه مجدده +تغير الليات كامله

بيكلفني ١١٠٠ وفيه فضاوه قال تحتاج جلبه تجيبها من قطع الغيار ب ١٥٠
والضمان ٣ شهور

بس احس السعر مبالغ فيه بالحيل !!؟
نسيم سدير
01/06/2015, 05:55 PM
ياأهل الخبره أفيدونا
احمد النزهه
02/06/2015, 05:14 AM
شف اشر علبه دركسون يبانيه شركه بارود كرتونه اصفر ممتازه بالحيل
600الى 550جديده وريح راسك يخف الدركسون عليك يصير ريشه تدعيلي
مجربه ثلاث سنوات والدوده ركب له اصلاح ربل قيمته 140ريال ويضبط ان شاء الله
موفق
الفريح1
02/06/2015, 07:40 AM
ورشة الهيدروليك انت وحضك .ياتصيب ياتخيب ..اخوي مل وهو رايح جاي لمهم
الوسم
02/06/2015, 01:43 PM
بشرنا !!!!

وش صار معك يا نسيم سدير ؟؟

أو سموم إلى هالحين .. اهههه