بطارية اضافيه للاكسبديشن

[من الصفرات]

يااخوان ابي افضل طريقه لبطاريه اضافيه للاكسبديشن باشغل عليها ثلاجة السياره في البر
افيدونا يااهل الخبره هل اركبها ثابته ام متنقله وما افضل نوع

[الصيادالمليح]

الافضل للاكسبيديشن بما ان كهربتها حساسة انك تركب متنقلة

[من الصفرات]

الافضل للاكسبيديشن بما ان كهربتها حساسة انك تركب متنقلة

طيب وش افضل بطاريه متنقله ؟

[من الصفرات]

وين اهل الخبره

[الصيادالمليح]

فيه نوع عند محل رفيق الدرب بطارية متنقلة جيدة

[بن نويشر]

يا أخي مر أصحاب الورش المتخصصة في هذا المجال ، وخذ العلم منهم مباشرة .. وترى الأستشارة ببلاش .. والبطارية المتنقلة ما تزبن في بعض الأحيان ألا إذا كانت الثلاجة صغيرة لا تسحب كهرباء .. أما إذا كانت الحاجة للبر وما إلى ذلك ؟؟ فما لك ألا تسير عليهم أصحاب هالورش وبتلقى الإفادة الطيبة عندهم ...

شف عندك ذئاب الصحراء الأخ/ عمر الزمامي يفيدك إن شاء الله .. بصناعية الدائري .مخرج 18
وسوافي .
والصبي ..

وبالتوفيق ،،،

[من الصفرات]

جزاك الله خير ياابن نويشر

[wannan]

أنا سويتها عند سوافي في اكسبيدشن 2008 .. وما شفت منها خلاف إلييين بعيت السيارة العام الماضي

والله يدلك

[الذئب الاليف]

احسن شي ركب اوبتيما 75 امبير مكان الأساسية

وعلى قولت القائل حط ابطنك بطيخه صيفي

واذا كان فيه مساوي يعلموننا اهل الخبرة

[من الصفرات]

كم كلفتك اخوي ونان ؟

[من الصفرات]

كم سعر الاوبتيما

[من الصفرات]

بطارية رحال حقت رفيق الدرب تشغلها ؟

[(هزاع)]

السلام عليكم ورحمة الله

اتمنا ان يبداء أي موضوع بسلام المسلمين (سنه) وانتم اهل ذلك

بالنسبه لي مددت تمديد جديد للثلاجه وبطاريه احتياط (اضافيه 90 امبير) مع الكتاوت الخاص ب 800 ريال شامل

ولو تبي بدون بطاريه ب 500 ريال

البطاريه دايو او هنكوك كوري كوري

وذا بغيت الورشه راسلني خاص اعطيك اسمها واحداثيتها

طبعا بالرياض

موفق باذن الله

[من الصفرات]

شكرا لك اخي هزاع .. وجزاك الله خير

[هاوي الجكس]

عندك محل الصبي اشتغلت عنده وشغله نظيف ولا عليه خلاف

موقعه في الرياض خلف المزاد الدولي للسيارات طريق الدمام

ان بغيت رقمه راسلني وابشر

[علي العساف]

انصحك انك ما تركب بطارية اضافية لا تكن من المقلدين بطاريتك الاساسية تفي بالغرض فلا تدخل نفسك بمتاهات الكهرباء فلنا اصدقاء كل حياتهم بالبر ببطارية واحدة وبأجهزة متعددة وثلاجة

[من الصفرات]

شكرا لكم على تفاعلكم
ولكن اخي علي الثلاجه تحتاج انك تشغلها في الصيف ايام الطيور ويمكن تنسى السياره والاكسبديشن اذا فضت بطاريته مايشرك له ولا تريله اسأل مجرب هذا هو المقصد ان البطاريه تنسحب

[ابو حمد 2003]

السلام عليكم
اخوي هزاع اذا ممكن مكان الورشة

ما اقدر اراسلك عن طريق الخاص

[qasimy]

الله يعطيك العافية

[راعي عزوم]

السلام عليكم ورحمة الله وبركاته
اسعدالله مساكم جميعا يامكشاتيين
والله يااخوان اناصارلي زمان عن مكشات واليوم دخلت بعدغيبة طويلة وشفت الموضوع وحبيت اشارك وخصوصا انه يعنيني بحكم ان سيارتي اكسبديشن .. وخصوصا اني راعي بروطلعات وكشتاااات وبروبحر وسفر فالحمدلله جهزت سيارتي الاكسبديشن 2008 ليمتد ببطارية اضافية 100امبير وخزان ماءستيل 60 لتر ومحولات كهرباء 3 واحد بقوة 1500صيني درجةاولي 220 فولت فقط يشغل غلاية الماي ودريلات ومخيم كامل بفضل الله ومحول ثاني ياباني بقوة 1000امبير كهرباء 110/220فولت والثالث 1000امبير صيني درجة اولى هاي كوالتي ولله الحمد الامور طيبة وصارلي ثلاث سنوات بفضل الله وغيركذا السيارة جهزتها بثلاجة ويكو35لتر بين المرتبتين الامامية مكان الدرج والتكية وبفضل الله وكأنها شدالبلد من الوكالة وكذلك جهزتها بانارة ليد بغطاء المكينة ( الكبوت) وكذلك بباب الشنطة وكذلك بسويك مفتاح لتحويل السيارة الى البطارية الاضافية في حال تلف اوضعف البطارية الاصلية وايضا ريموت تشغيل عن بعد لايام الشتاءتسخنها وانت بالبيت قبل تطلع الدوام اولصلاة الفجرمن نوع جاكوار وهونوع مجرب وافضل نوع
ولله الحمدكل ماذكرت يشتغل عالبطارية الاضافية عدا الثلاجة شبكتها عالبطارية الاساسية على اني بنقلها للاضافية ولكن شفت الامور طيبة وخليتها
وبحاول ان شاءالله انزل صور للسيارة والتجهيزات اللي فيها ان تمكنت من تحميلها
فيه نقطة مهمة .. خزان الماي ستيل وملبس بنفس تلبيسة السيارة واللي يشوف السيارة يقول مافيها شي من فضل الله وكأنها سيارة عادية مثلها مثل اي اكسبديشن ..
عموما بعدذكر الله والصلاة والسلام على رسول الله اي استفسار عن التجهيزات انا حاضرللجميع اخدمكم
للاستفسار هذا جوالي 0558712221
تحياتي للجميع
بوعبدالله ..

[خالد5566]

صباح الخير يا شباب

افضل شي ركب بطارية 200 امبير بدل بطارية الاساسية وخل الثلاجة ترن 24 ساعة على السيارة بس نسم للقزاز علشا ن الثلاجة تا خذ الهواء الطبيعي وبها ذا تد عيلي إن شا ءالله :

تحياتي للجميع