المساعد الشخصي الرقمي

مشاهدة النسخة كاملة : الديك الرومي وش رايكم يا جماعه ...


متولع بالقنص
29/04/2015, 08:10 PM
السلام عليكم ورحمة الله وبركاته

مساكم الله بالخير ..

كيف حالكم طيبين ان شاء الله. .

حبايبي هاك اليوم اعترض لي الديك الرومي بحدى الثلاجات وحجمه مغري :D

وقلت ابغا اخطط عليه بطبخه وطب فكري على الكاتم :)

وش رايكم بلحمه طيب :) يصلح نطلع عليه هالاسبوع :) >>>> ذبيحه ماهوديك :D

وطبعا من شركة دو اللي يمدحون تربيتها :D

عطونا انطباعكم وارئكم وطرق طبخ ليصبح لذيذ لا اخر لقمه:D

مشكوووورين مقدما ...
ابوفارس جده
29/04/2015, 08:22 PM
على فكره بعض محلات الشاورما تستخدمه
ابو نجود
30/04/2015, 08:07 AM
ممتاز جدا.. لكن بحاجة الى نار قوية بالكاتم حوالي 30 دقيقة.. وبعدها تحمير على الفحم.. او الفرن.
بن نويشر
30/04/2015, 08:23 AM
تمام وبيطلع الطعم بالراس .. ما شاء الله عليك .
متولع بالقنص
30/04/2015, 08:42 AM
تمام وبيطلع الطعم بالراس .. ما شاء الله عليك .


الله يعطيك العافيه ..

لاكن ماعندك طرق لطبخه بهارات معينه له تعطي نكهات ..

بالتوفيق وحفظ الرحمن ..

ممتاز جدا.. لكن بحاجة الى نار قوية بالكاتم حوالي 30 دقيقة.. وبعدها تحمير على الفحم.. او الفرن.

الله يعطيك العافيه ..

النار تبي تمسه لين يقول اح :D الله يكفينا شرها ..

التحمير ملزوم ولا مايضر توقعاتي يعطي نكهه..

واذا عندك بهارات معينه عطناها بارك الله فيك ..

بالتوفيق وحفظ الرحمن ..

على فكره بعض محلات الشاورما تستخدمه

الله يعطيك العافيه ..

المحلات لو تسختدم صقور اكلناها :D ونمدح لحمها بعد :D ..

بالتوفيق وحفظ الرحمن ..
طالب المعرفه
30/04/2015, 09:07 AM
شف يا الحبيب ها الذبيحه يبيها مندي ثم يضبط على كيف كيفك
واذا بتحشيه رز وبرغر وبيض بلدي وحمام يطلع في الراس صح
خالد تميم
30/04/2015, 11:16 AM
من سابق تجربه غيرمقبول طعمه
ماهي المشكله باالناراو مدة طبخه المشكله بنوعية لحمه قاسي وخشن مهماطبخته يظل ناشف .
لو مصمم علي التجربه افظل انك تقطعه احسن من طبخه كامل .
وبنتظار نتائج تجربتك وعززها باالصور .!
وموفق سلفا ،،،
mrayman
30/04/2015, 11:41 AM
خبري فيه يطبخ فرن وله طريقة وتطول
اول شيء ياخذ وقت ممكن ساعتين او اقل في الفرن لين تطلع مرقته
بعدها تطلعه من الفرن شوي يبرد حق ابو ربع ساعه وبعدين ترجعه
في الفرن وكل شوي تصب من مرقته عليه عشان لا ينشف
ان شاء الله اكون افدتك
amashmawi
30/04/2015, 11:57 AM
الديك الرومي ممتاز لكن يبغالك تتبله من قبلها ب 12 ساعة بالقليل وخليه في الثلاجة بتتبيلته اقترح تحض في التتبيلة خل ولبن زبادي والبهارات زي ماتحب . وبالعافية
صحن قلابة
30/04/2015, 12:26 PM
شف يالغالي
أنا جربت الديك الرومي المثلج مره في برميل المندي ومره في الكاتم
طعمه أقل من المتوسط ولن أعود له
وجربت ديك رومي خذيته حي من سوق الحمام (مره وحده) وطبخته في الكاتم طعمه عادي
استقريت على صاحب مزرعه في احدى القرى القريبه من الرياض هو اللي يعلفها ويبيع لي ديك عمره صغير وحجمه متوسط الصراحه خذت منه مرات كثيره
الطعم ممتاز وطبخته مره في الفرن وخذ ثلاث ساعات على نار هاديه ( اللي تحت ) واذا استوا اشيل القصدير واشب شواية الفرن العلوية فقط واحمره
ومره شويته في شواية على الفحم (مثل شواية السنيدي) وخذ ساعتين ونصف الطعم ممتاز
الخلاصه:
خذ ديك رومي عمر صغير وتعليف جيد
وفي الغالب تجده في المزارع
خليل909
30/04/2015, 02:18 PM
من واقع تجربه المجمد المستورد طعمه لك عليه ماهو ذاك الزود تبي الطعم صح عليك بالطازج خذلك واحد صغير عمر والي انت ذكرت من شركة دو انا جربته يالله لك الحمد على النعمه ماجازلي ابداً وأفضل شي الطازج تصلح عليه تشريب مرقته بالدماغ
رٍسِـــلآنٍ ٱلدُفُــٱع
30/04/2015, 11:25 PM
افضل طريقه لطبخ الديك الرومي هي سلقه في الماء اقل شيء نص ساعه مع دارسين وملح
ثم يتم تتبيله ببهارات الدجاج والكركم وحشوة حسب الرغبه وانا افضل المكرونه المسلوقه والبيض مع نفس التتبيله زيادها عليها بقسماط ثم يوضع في صينيه مع خضار مسلوقه بطاطس وجزر ويسكب عليه مرق من ماء السلق ويدخل الفرن لين يتحمر

المجمد انواع كثيره و دوكس طعمه متوسط , يوجد انواع امريكيه في التميمي طيبه

ولا يغرك حجمه فا الصغير منه كنه ذبيحه فلا تتورط وتاخذ لك كبير لن الرومي مليان لحم , وطعمه نفس الدجاج سواء بلدي او مجمد وكل شخص وطريقه طبخه لدجاج بتعطيك نفس النتيجه
صدمة الأيام
01/05/2015, 10:13 PM
عني ماذقته ياخوي بس يقولون طبخه يبطي لحمه متين عدك تطبخ لك سكاريب


لكن يقولون على ذمة شركة يقولون انه مفيد ومقوي للشيبان والله اعلم
الحربي حاتم
02/07/2015, 11:50 AM
خذ الفروخ منه