الكرسيدا ماتدق سلف ، المسجل والانوار شغاله ..

[فـخـآمـه]

السلام عليكم


مسائكم الله بالخير ياربع :D عندكم قهوه زاهبه ، بودنا نتقاوها :D

عندي كرسيدا ، عادي جدا اطربكم بقصيده :D

كانت مثل اللوز تشتغل مع اول دقه سلف ، بس امس الصبح شغلتها واشتغلت ، ومع التشغيل سمعت صوت طقه ، اشغل تفكيري وقلت طنش يارجال :D


ورجعت البيت وطفيت السياره وجيت ابطلع قلت ياولد الوضع غير مطمئن السياره لاتختلبك في ابعد مكان وماتشتغلك تورطك ، وماني مطنش كافيه رجعت شغلت السياره وما اشتغلت ، ومعاد اسمع صوت السلف نهائيا بتاتا البته

اعيد واحاول من هنا وهناك ، مافيش ياعم الحق اي صوت ، ولافات الفوت معاد ينفع الصوت ياصاحبي :(

فكيت الكبوت شفت اصابع البطاريه كل سليم هزيت السلف بيدي رجعت اشغل سمعت صوت سلف كضربه وبعدها اختفى ، ضربت السلف بخشب وحجر لمده يوم كامل وكني اشحده يشتغل :eek: ولا في فائده جديره بالذكر

شديت اصابع البطاريه
وبعدها رحت محل البطاريات فحصها قال البطاريه سليمه لان مالها الا شهرين ..
ولو ان لون العين السحريه ( اسود ) هناكوك

السلف ركبت قبل سنتين تجاري
والبطاريه وديتها البنشر يشحنها وابروح شوي اشيلها ..

بس مثل ماقلت لكم قبل الخراب سمعت صوت في اخر التشغيله طقه وبعدها تشتغل السياره ، هالصوت ناتج من السلف ؟

وقاعد افكر لو غيرت السلف تنتهي المشكله ..

[cadillac911]

طبعا تنتهي المشكلة شكله والله اعلم انه ترس السلف انكسر


اذكر الله تكسب حسنة

[اليامي قطر]

اخوي الغالي نسبه 90% من السلف التجاري وماعمر التجاري مشى تمام

مثل الاصلي وسنتين وقف عمره الافتراضي

عموما دور سلف اصلي من التشاليح كود تلقا لك نظيف وسعره مناسب

[الوقيدي]

السلام عليكم : أنتعها أذا اشتغلت فالعطل من السلف او السوتش .

[فـخـآمـه]

cadillac911
اليامي قطر
الوقيدي


اسعدكم الله ووفقكم ربي .. كثر الله خيركم والله يعطيكم العافية ..
الحمدلله السياره اشتغلت ، والسبب كان في السلف ( محجر ) تعطل نهائيا ويستوجب تغيره ،

بعدما اخذت البطارية من البنشر ، ركبت البطارية نفس الحكاية ماصار شي ، ما اقول الا ياخساره الـ 5 ريال حق الشحن / راحت فلوسك ياصابر:D


لو اني تبرعت فيها او اني اعطيتها عامل نظافة آحسن احسن لي وافضل كمان .. بس الحمدلله الخساره ماهي في الفلوس الخساره الحقيقه في النفوس / الحين اقدر اوقف سيارتي باي مكان واعرف انها راح تشتغل :) الحين اوقف عند اي مسجد واصلي وانا مرتاح .. اللهم لك الحمد ..

شكرا جزيلا لكم