مشاهدة النسخة كاملة : تكفون الفزعه
السلام عليكم السالفه ومافيها ان الوالد الله يحفظه ناوي يشتري جمس غمار ونص انا عارضته في الفكره وقلت اشتر شاص غماره ونص ووريته الصور وجازله لاكن وين نحصل الشاص غمار ونص عاد قلت خل نشاور الشباب واسف على الاطاله
mr guzai
29/12/2006, 06:01 AM
جديد الوكاله الجميح , اما المعارض رح معارض النسيم وتري قليل اللي يعرضها
مشكور اخوي على الرد لاكن اقصد الشاص
راعي المقانيص
07/01/2007, 08:36 PM
الشاص وأنا أخوك الغمارة ونص تحصلة بدولة قطر ونسيت والله أسم المعرض لأن فيه أحد الأقارب أشتراه من هناك جديد موديل 2002
واذا تذكرت أسم المعرض أو قدرت أجيب عنوانة أبشر بعزك
وفيه نوع يجي منه قير توماتيك اذا الوالد يتعب من القير العادي الله يخليه لكم ويطول بعمرة في طاعتة
أو تطلبه طلبية من البازعي على حسب ماسمعت من بعض الشباب وماني متأكد
ولد عبدالله
08/01/2007, 01:52 AM
اخوي الغالي حسب علمي انه ترهيم
مايجي شد بلد
ومر عبداللطيف وتاكد هل يجيبون طلبيه او لا
مشكورررررررررررررر وماقصرت
اخوي راعي المقانيص وش اسم المعرض الله يبارك فيك
عيناوي
16/01/2007, 12:53 PM
يا بعدي
انا شفت في العيسى(الرياض) جمس جديد غماره ونص ومعدل تعديل امريكي (تعديل بالمظهر والا المكينه ما عندي علم)
والغماره النص زي الباب وتنتفح بيبانها متقابله مثل الرولز رويس وكشافات وصدام امامي قوي و ونش الكتروني و الشبك الامامي على هيئه لهب...
ومتوفر فيه كل شي..حتى السي دي
ما عندهم الا 3
ومكينته شديده وكايده ويشهد الله على كلامي اني اول مره اشوف مكينه جمس بالقوه والسناعه
والموتر عون و لون
يعني ينفع لابوك يطول الله بعمره وينفع لك لو تبي تكشخ
الحق على رزقـــــــــــــــــــــــــــــك
ترا الموتر دماااااااااااااااااااااااااااااااااااااااار
ابو عاذر
16/01/2007, 02:38 PM
السلام عليكم السالفه ومافيها ان الوالد الله يحفظه ناوي يشتري جمس غمار ونص انا عارضته في الفكره وقلت اشتر شاص غماره ونص ووريته الصور وجازله لاكن وين نحصل الشاص غمار ونص عاد قلت خل نشاور الشباب واسف على الاطاله
أخوي rpk تحية طيبة وبعد :-
الشاص الغمارة والنص والموجود عندنا وأكثر ما يستخدمه القنوص هو عبارة عن شاص غمارة تم ترهيمه إلى شاص غمارة ونص وهنالك ورشة بالصناعية القديمة بالرياض يقالها ورشة مركز السفريات ( ورشة بن مرضاح ) مختصصين في ترهيم سيارات البر وخاصة الشاص من غمارة إلى غمارة ونص شغل وكالة مع الضمان وقيمة الترهيم في حدود 20000 ريال .
ولو تطلب أخوي طلبية من الخارج عن طريق الوكالات فإنه يكلف مبالغ طائلة تصل ‘لى حدود 150000 ريال :confused: أشور عليك أخوي بشراء جيب شاص جديد في حدود 98000 ريال أو مستعمل 2006 في حدود 85000 ريال وترهيمه عند الورشة المذكورة أعلاه بـ20000 ريال فيطلع عليك أذا كان جديد 118000 ريال أو 105000 ريال أذا مستعمل وبذلك توفر في حدود 32000 ألى 45000 ريال لو أنك بتطلبه من الخارج ( وتسلم أخوي من أستغلل وجشع الوكالات الكبير في مثل هذه الظروف )
مع تحيات اخوك ابو عاذر
مسير عليهم
17/01/2007, 01:39 PM
وش هالمقارنة
حتى من الشكل مافيه اي مقارنة استخر وانا أخوك وارحم ابوك
انت ناوي تكسر ظهرة خله يشتري الجمس وصدقني بيدعيلك
تيتشر
18/01/2007, 11:29 AM
انا ارشح الجمس وبدون اي مقارنه ومو تعصب لكن اقل شي على قولة الاخ مسير عليهم ريح الوالد اللح يحفظه
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir