صوت مراروح التاهو 2012

[abo ruba]

السلام عليكم
ياشباب عندي تاهو 2012 اذا شغلت المكيف اخذ دقيقة وتشغل المرواح بسرعه قويه وصوت مرتفع وحتى لو كانت بارده وتخف السرعه بعد دقايق ؟؟مع العلم ان الحرارة السيارة طبيعيه وثابته نص مالمشكله ؟
هل المروحة لها سرعات مختلفه ؟

[ابو فهد...]

طبيعي المراوح سرعتين عالي واطيه

[abo ruba]

طبيعي المراوح سرعتين عالي واطيه

اخ ابوفهد طول الله عمرك
السياره اشغل المكيف تشتغل المرواح بالسرعه العاليه اطفي السياره وارجع اشغلها تصير المروحه هاديه

[m900]

موترك طبيعي جدا وماجاك علي لاتخاف كل الجموس كذا المراوح لها سرعات ومع المكيف تشتغل السرعة العالية واذا انت ناوي تتاكد دور لك جمس مشغل المكيف واسمع مراوحه

[الحربي 591]

اخوي عاديه ذي فقط للتبريد لا اكثر وموجوده في اغلب السيارات
واذا تبي مقطع نزلتع عن الصوت وجبت لك كذا سياره :)

[محمد_حسن]

اخي اذا كانت في بداية تشغيل المكيف والجو حار فتشتغل السرعه العاليه للمروحة لتعطي التبريد المطلوب بسرعة ولفتره بسيطة.

[1824]

يا قلبي حرارة السيارة ليست لها دخل في الموضوع الكمبيوتر شافك شغلت المكيف يعطي امر للمراوح سرعة عالية الى ان تصل تبريد المكيف للدرجة المطلوبة ولا ودك تخيس داخل السيارة عادي تعال عندي وابرمجها لك ما تشتغل مع المكيف وشوف حر ددسن 90 امزح معك

لا تشيل هم شيء دام ما تطلع علامة مكينة ولا مكتوب شيء في الطبلون السيارة مافيها شيء الجموس من 2007 وفوق الكمبيوتر يراقب كل شيء منذ لحظة تشغيل السيارة ويشوف اذا في مشكلة بيقولك واذا مافي شيء خلاص والكلام موجه للجميع يكفي مواضيع على أشياء مافي مشاكل بالتوفيق للجميع

[abo ruba]

بس يااخوان ان المشكله لها فتره قريبه يعني اول اشغل المكيف تصير المروحه على السرعه العاديه الهاديه بس من اسبوعين من اشغل السيارة واشغل المكيف تشتغل المرواح بسرعة القويه وصراحه مزعجه مع ان الجو ماهو حر والسيارة توها ماحترت وش اسوي !! قمت اطفي السيارة واشغل مرة ثانيه و تصير المروحه على السرعه الاولى الهاديه يعني حسيت ان علاجها اطفي واعيد تشغيل السياره من جديد تضبط الامور

[1824]

بس يااخوان ان المشكله لها فتره قريبه يعني اول اشغل المكيف تصير المروحه على السرعه العاديه الهاديه بس من اسبوعين من اشغل السيارة واشغل المكيف تشتغل المرواح بسرعة القويه وصراحه مزعجه مع ان الجو ماهو حر والسيارة توها ماحترت وش اسوي !! قمت اطفي السيارة واشغل مرة ثانيه و تصير المروحه على السرعه الاولى الهاديه يعني حسيت ان علاجها اطفي واعيد تشغيل السياره من جديد تضبط الامور

انت تبي تخرب سيارتك لا تطفي وتشغل بتخربها ترا وهي مافيها شيء الله يثيبك سق ولا تفكر

[وطن العزة]

بس يااخوان ان المشكله لها فتره قريبه يعني اول اشغل المكيف تصير المروحه على السرعه العاديه الهاديه بس من اسبوعين من اشغل السيارة واشغل المكيف تشتغل المرواح بسرعة القويه وصراحه مزعجه مع ان الجو ماهو حر والسيارة توها ماحترت وش اسوي !! قمت اطفي السيارة واشغل مرة ثانيه و تصير المروحه على السرعه الاولى الهاديه يعني حسيت ان علاجها اطفي واعيد تشغيل السياره من جديد تضبط الامور

من أسبوعين لأن حرارة الجو زادت

معي جمس 2006 مراوحه كهرب ويصير نفس اللي وصفت

حتى لو درجة الحرارة على الربع اول ما تشغل المكيف أحيانا تشتغل بأعلى سرعه حتى يبرد المكيف. .. ولا تنسى المراوح مرتبطه بالكمبيوتر يعني لو قلت برودة المكيف أو احتر زيت القير بتشتغل على أعلى سرعه حتى لو حرارة المكينه أقل من النص
موترك طبيعي لا تعبث به

[الحربي 591]

بس يااخوان ان المشكله لها فتره قريبه يعني اول اشغل المكيف تصير المروحه على السرعه العاديه الهاديه بس من اسبوعين من اشغل السيارة واشغل المكيف تشتغل المرواح بسرعة القويه وصراحه مزعجه مع ان الجو ماهو حر والسيارة توها ماحترت وش اسوي !! قمت اطفي السيارة واشغل مرة ثانيه و تصير المروحه على السرعه الاولى الهاديه يعني حسيت ان علاجها اطفي واعيد تشغيل السياره من جديد تضبط الامور


اخوي المراوح ما تشتغل خصوصا في البرد
اما في الحر الحر شغاله
وقلنا لك يا اخوي المراوح هذي طيبعتها
اعتقد اول مره تملك سياره :)
واذا تبي مقطع انزله لك بكره ان شاء الله

[abo ruba]

1824- وطن العزه- الحربي591 والاخوان الباقيين
بيض الله وجيهكم طمنتوني ..ومثل ماقال الحربي فعلن اول مره املك سيارة امريكيه :):)

[الحربي 591]

1824- وطن العزه- الحربي591 والاخوان الباقيين
بيض الله وجيهكم طمنتوني ..ومثل ماقال الحربي فعلن اول مره املك سيارة امريكيه :):)

طيب اذا انت فاضي :p
قارن بين سيارتك الاوله و التاهو ووش رايك بشكل عام هل ندمت ؟:D

[cadillac911]

دام انه صوت المروحة تشوفه عالي شكلك راعي لاندكروزر موديل 1993 الى 2006 vxr


اذكر الله تكسب حسنة