تكفون يالنشاما محتار وابي شوركم

[براونغ]

السﻻم عليكم ورحمة الله
يالربع انا ودي اشري شوزن ولكن محتار بين اﻻربع شوازن ذي
1-سوبر ومرهم عليها ماصورة بلجيك او ريفاليو فل تشوك
2-برتا اكستريمA400
3-ريفاليو 30انش فول تشوك يعني من دون تشكات
4-بريدا 32انش فول تشوك
ابي رايكم من ناحيه السوق وخفه الوزن طبعآ انا اهم شي عندي السوق (النوز) ....تكفون عطوني مميزات وعيوب كل نوع طبعا ابي راي من جرب وسﻻمتكم

[بينلي]

رايي
الافضل
١-سوبر بلاك ايقل تو ماصورة بلجيك

خفيفة اللوزن مكينتها قويه وقطعها قليل عكس البرتا تنظيفها وفكها سهل بدون نظام غازشكلها جميل جدا

الرفالير نفس المكينه مخزنها مقفل

البريدا نفس المكينه مخزنها مقفل

[براونغ]

بيض الله وجهك اخوي بانيلي ماقصرت وننتضر مشاركة البوارديه مثلك وشرواك

[الشمروخي]

مايحتاج شور فيه استفتاء بالمنتدي واكثر المستفتين اختاروا بنلي

طبعاً خذ بنلي مخزن مفتوح

[براونغ]

حياك يالشمروخي ...انت تقول بانيلي لكن مابينت مزاياها وعيوبها واي نوع من البانيلي تقصد
مااشوف احد يعيب فالسوبر رغم ان كل سﻻح فيه ميزه وفيه عيب .وانا مرت علي اربع سوابر كلها تلك وﻻتنضم الفشق ..مدري انت محرب وﻻ معلوماتك من المنتديات ومايقال فيها...شاكرلك مرورك ومشاركتك

[قناص الوعول]

الان الاسعار نار والله يعينك البريتا ممتازه ولا تحتاج ترهيم ولا غيره وتحمل المكده ورمي ممتاز

[بينلي]

حياك يالشمروخي ...انت تقول بانيلي لكن مابينت مزاياها وعيوبها واي نوع من البانيلي تقصد
مااشوف احد يعيب فالسوبر رغم ان كل سﻻح فيه ميزه وفيه عيب .وانا مرت علي اربع سوابر كلها تلك وﻻتنضم الفشق ..مدري انت محرب وﻻ معلوماتك من المنتديات ومايقال فيها...شاكرلك مرورك ومشاركتك

اخوي براونغ
الشمروخي غني عن التعريف وشهادتي فيه مجروحه وهو رمز بهذا المنتدى الشامخ

اكثر شخص جرب الشوازن هو الشمروخي وله خبره كبيره بهذا المجال


انت كاتب موضوعك تبي الراي السديد ولا لك قصد ثاني المعنى من موضوعك وردك تبي يمدح بندقيتك التي معك عاد الله اعلم ممكن بريدا او برتا
والاعضاء بيعطونك راي وكل شخص له رغبه وانت تحدد رغبتك
ولولى اختلاف الاراء لبارت السلع

بقولك لو السوبر تللك ورديئه لماذا وصل سعرها 30 الف
بقولك بدون تحيز لايوجد شوزن تفوقة ع السوبر بلاك ايقل تو
لاتقول برتا
البرتا ثقيله طويله غاز الاصبع ينقز مع الرمي خاصه كستريم 400 والاكستريما تو افضل منها رمي


وزي مقال لك الشمروخي بعد رمي 5 الى نص صندوق معاد تلك تسلك اجزائها وتخف
واي شوزن جديده من البدايه ترجف وتللك وبعدالاستخدام تخف 50 بالميه

السوبر بلاك من 2004 ماحد اشتكى منها

لاكن فيها برود بالرمي ولاهو ذاك الفرق بينها وبينا الشوازن الثانيه وذا بتنطرب وتبي شوزن كامله من جميع النواحي ركب ماصورة بلجيك

واسف اذا فيه اخطأ املائيه اكتب من جهاز الجوال

والله يكتب لك الي به الخير

[براونغ]

حياك الله يابنيلي وبالنسبه ﻻخونا الشمروخي مانحتاج شهاده فيه اخ عزيز وغالي بس حبيت احمسه بردي عشان يعطينا رد شتفي ووافي ماهو بكلمتين كتبها ونحش ههههههههه
اما مقصدي فالموضوع واضح وانا اخوك ﻻيروح بالك بعيد وﻻ تحط شي فالنوايا ويشهد الله لو عندي شوزن مثل ماتقول ماطلبت راي الرجال وانت ارجع للعنوان وتمعن في الكﻻم المكتوب
بالنسبه للسوبر وانا اخوك انا ودي فيها رغم اني شاري ثنتين للشباب قبل 8سنين ﻻبدتلك فالدسته طلقه او طلقتين وماتنفل ال32 قراام وهاذي مشكلتي معها وﻻ هي شوزن طيبه ومن اقوى الشوازن جوده وتحمل بس ﻻتقولي ماتعلق بالفشق

[براونغ]

وين البوارديه ماشفت اﻻ اثنين منهم

[الشمروخي]

بيض الله وجهيكم ورفع الله قدركم

السبب اللي خلان اجدع كلمتين وامشي والكلمتين على الاستفتاء لاني عارف اخوي براونغ من النوع اللي يدور الرجال اللي يحيره يبي يحتار عطاك الراي اخوي بنلي ولازلت تبي راي البواردديه فقلت شف الاستفتاء لايحيرونك وتحتار انت اخترت انواع طيبه تحير الواحد اذا تبي راي البوارديه شف الاستفتاء كله بنلي


اما رايي الشخصي لو عندي دراهم ملكتهن كلهن لاكن انا استقريت على سوبر ايقل 2 ورهمته ونمت ولا تلك وارمي بضغط 28 ولله الحمد وعندي كذا ماصوره يعني لو برهم ماصوره براونق جدد، بلجيك، تركي، برتا كلهن يترهمن وبسهوله يعني ملكت بندق تقدر تخليه اي نوع بمجرد شراء ماصوره
لاكن اذا مالك بالترهيم خذ برتا اكستريم جوده الايطالي غير
اما من ناحيت اللك البنلي العاديه ريفال ام تو المقنم مايعرفن اللك من ناحيت السوبر ماقنوم ايقل تو لاصارت جديده تلك بالضغط الخفيف زي 28 وقليل تبي تمرين والحل تعشقه وتخليه كم يوم يلين السبرنق وتصير ماتعرف اللك واطيب من الام2واخواته الماقنوم اما ايقل ون ماجربته

[براونغ]

سلمت يالشمروخي ...الحين يشهد الله كفيت ووفيت ومااقول الى بيض الله وجهك

[الشمروخي]

ووجهك
الله يرزقك ويسهل لك الزين اللي يرضيك ومن يقراء