يااخواني اهل الخبرة ممكن تعلموني

[اللهم اغفر لي]

السلام عليكم ورحمة الله وبركاتةً
يااخواني عندي جيب شاص جنوطة شنبر
يااخوان ممكن فديو او صور توضيح
كيف فك الشنبر من الجنط وتغيير الكفر او اللستك

[ابوسند9]

وعليكم السلام
والله يا الغالي وقت الستك والشنبر والى
ركب جنوط بدون شنبر وبدون لستك ,منها اخف للسيارة وتسلم من الرجة ,ولو بنشرت ترقعه تويبلس بدقيقه وبدون فك وبهذله
لكن اللستك مشكلته مشكله , ان دخلت شوكة نسم ,وان جاه مسمار نسم ,وان احتمى ضرب, وان نسمت الهواء بالبر ,الشنبر قرص اللستك وبنشر
واذا مصر على جنوط الشنبر , وقف عند محل بنشر ويفكه لك ب 10 ريال وتشوف قدامك افضل من الصور او الفديو
والشغله تبغى ,عدد 2 ليور وتفوير الكفر سواء بمطرقه او تدعس عليه با السيارة حتى يفسخ

[اللهم اغفر لي]

ابو سند الله يبيض وجهك يالغالي
والله يجزاك بالخير ولا يحرمك الاجر
يالغالي انا قصدي الفائدة للكل عرفت الله يوفقك
ولا والله ماراحت عن بالي أروح اقرب بنشر
واخلية يفك لي كفرة وحدة ولا خمسة ريال بعد
لأكن القصد الفكرة مجهولة لدى الشباب
يعتقدون ان الجنط الشنبر سيئ وهو أقوى جنط وافضل


هذا رد احد الإخوان الله يجزاة بالخير

الشاص والربع هي للطرق الوعره طبيعي تجي جنوط شنابر وهي افضل
تقولي ليش؟؟؟
لان جنوط الشنبر لو بنشر عليك كفر وانت بصحراء تقدر تغير الكفر بنفسك بدون ماتروح للبناشر
يلزمك مطرقه فقط...لفك الكفر عن الجنط

بعكس الكفرات الآخرى عشان تفك الكفر لازم بنشر ويحطها بالآله لفسخه عن الجنط

عموما الجنوط فيه خيارات كثيره وتكون تيوبلس
جنوط هلل مع كفرات حجريه او كما يسمى ابو لبنه او مضلع

[اليامي قطر]

الشنبر ممتاز لموتر البر وسهل التركيب

لكن ثقيل على الموتر ويسبب الرجه للموتر اللي فيه دفرنشين

وطريقته نزله من السياره فالارض واسحب هواه كله

واخذ ليور واقشع الشنبر فووق ومن ثم طلع الكفر وهكذا

المسأله بسيطه جدا ويكون فالسياره مطرقه وليور الحديده اللي تقشع

الشنبر

[اللهم اغفر لي]

الله يجزاك بالخير اخوي الغالي اليامي قطر
على هالمعلومة القيمة الطيبة
لأكن وش الافضل للشاص من ناحية الجنوط الأصلية