ستوقر ،،، ارتمس ،،، شادن ...استفسار ؟

[4fun]

السلام عليكم ومساكم الله بالخير

بعد طول غياب عن الموقع رجعت ومالي غنى عنه والموقع بدون الاعضاء مايسوى لاعدمتكم


استفساري بسيط وهو ان فلوسي محدوده وانا في راسي شوزل تركية ولكن احترت بين هالثلاث

ستوقر 2000 اوارتمس او شادن

وانا ابي وحده اكدها لين يطيب خاطري

وابي رأيكم وش الافضل وليه واذا فيه عيوب ياليت تكتبونها مع العلم ان خياراتي محدوده

لحد يجي يكتب شف البيكال او او البراندلي او غيرها

والله لا يهينكم

[الشمروخي]

وعليكم السلام
خذ شادن ولاتشاور من بين هالثلاث
اولاً كل شي به امتن من الثنتين اللي قبل

[الخزيمkzeem]

خذ استوقر ولاتشاور وتسك 660

[ارثمس]

والله ونا خوك نصيحتي خذ الشادن والله ما تندم عيبها ان مخزنها مقفل يعني فقط تشيل خمس و عقبها يرتخي امره سهل فك المسمار وحطله ورده مقصوصه وانساه اما مميزاتها اولا خفيفة ثانيا حديدها امتن واجود من الستوقر والارتمس ثالثا والله ياهي تسوق ما شاء الله تبارك الله اهم شي تشك ١ وسعرها معقول

[4fun]

الله لا يهينكم يالربع والارتمس مالها نصيب في الموضوع ولا لا ؟

وننظر باقي الاعضاء

[4fun]

وانا سمعت يجي في الشادن حذفه مدري صحيح هالكلام ولا لا

[الشمروخي]

الشادن اخت الريفاليو ونفس القطع ماتبلش هي والارثمتس لاكن ستوقر نفس الفرانشي قطعه اقل وناتوش الستوقر داخلي مهب بالفلنجه يعني ضعيف
اما من ناحيت شادن وارتمس نفس بعض بس مخزن الارتمس مفتوح والشادن مغلق بس ميزه الشادن عن ارتمس وستوقر مجموعه الزناد اقوى بواجد وهذا اهم شي لانه اكثر عله بالتركي مجموعه الزناد ضعيف شادن اقواهن
السوق شادن وارتمس اسوق ولا بهن حذفه زي الستوقر ورجف الستوقر قوي تقل ام حبه
والله يرزقك الصالح

[الشمروخي]

مابه حذفه الا ان رهمت مخزنه وفتحته ولاضبطه المرهم يمكن تحذف اما ستوقر يحذفن بنسبه 90%

[4fun]

مابه حذفه الا ان رهمت مخزنه وفتحته ولاضبطه المرهم يمكن تحذف اما ستوقر يحذفن بنسبه 90%

بيض الله وجهك
من ناحية المخزن مقفل انا ما احتاج الا 5 طلقات بالمخزن يعني ماهي فارقه معي

والله يسهل ويزين الامور

[asar1414]

حياك الله يالذيب خابرن لك وحده باكياسها مخزن مفتوح ان بغيتها ارسل رقمك خاص
مساعده فقط

[خليل909]

دام الموضوع عن الشوازن التركيه ابي اسئلكم عن ام بطه يقولون ماتتحمل كرف هل فيه ترهيمات لها تخليها تتحمل الكرف ارجو من لديه شي يفيدنا اعتذر من صاحب الموضوع عن الشطحه

[عبيد بن خلف]

ياذيبان انا معي استوقر لها سنتين رميتها سم ولله الحمد مافيه اي مشاكل التشكات اذا تبي واقع وطيار بعيد ركب تشك ظ£ واذا صيدك طيار قريب ركب ظ¤ اما تشك ظ، وظ¢ الصراحه اقشر مايفرش زين يقطع الصيده لك يصلح للبط اذا كان منجم بالسماء يعني بعيد
مره واكبر دليل شف القوانيص الشيبان يمتلكون استوقر في النهايه مايقتنع احد الين يشوف بعينه انصحك تشوف احد معه احد البنادق الثلاث وتجربها واللي يصلحلك خذه

[sh6ooo6]

انصحك اخوي بالاستوقر رمي حااار وسوق بحكم تجربتي لها ولازالت معي