المساعد الشخصي الرقمي

مشاهدة النسخة كاملة : كم يسوى جيب هدد 2007 قيرعادي ستاندر ماشي مية الف


الحربي حاتم
13/05/2015, 08:58 AM
السلام عليكم ورحمة الله وبركاته
جيب هدد 2007 ستاندر قير عادي قزاز عادي بيبان عادي ماهي كهربا الخلفية بيبان إستبنة أرضيه ماشي 96 الف على وصف راعيه بدون صدمات على وصف راعيه والسيارة مواصفات سعودية والله أعلم ، كم تسوى للمستخدم بارك الله فيكم جميعا .
الحربي حاتم
14/05/2015, 04:26 AM
ياهل الجيوب والسيارات ممكن إفاده .
هاوي شمال
22/05/2015, 01:07 PM
من ٦٠ الى ٧٣ والله واعلم
مخطط 2008
25/05/2015, 08:19 PM
فوق ال 80 الى 90
حبل الوريد
26/05/2015, 08:16 AM
85 الى 87 تقريبا
بومحيمل الخالدي
26/05/2015, 08:49 AM
عليكم السلام ورحمة الله

أنا أقول ل الجيوب تويوتا بصفه خاصه

وخاصة الموديلات من 2007 ونازل

مالهم تحكم بسعر معين

لامن نشدة لك واحد خبره بيعطيك العلم

لكن لو تدور السوق وذا الشوارع مانت معين نفس السعر

واللي بيدوخك زود الموديلات يعني لاتستبعد موديل قديم يتعدا أجدد منه

طبعا لابد على حسب النظافـة وال وال

لكن يتم الرغبـان هو اللي يحدد السعر ...

الموتر اللي حصلته

والموتر عسى نظرته طيبه ومن محركات ..

شف الرجال كم يحده عليك وأفحصه عليك حسبة

التكاليف أن كان له مثل تغيير الأرضيه بالمحرك وغيرها

وبعدها أنشد عن قيمته أذا هو يسوى ولا لأ وقارن قيمته

بالمواتر اللي تعيينها سواء كان بال 2007 ونازل أو طالع

قيمته أن شاء الله مايتعدا على ال72 ونازل


وأذا تبي النصيحه المكيف لامن جاك واحد بس قدام

ماهو ب اللي يسرك لامن كنت على خط ولا حتى بالديره

عسى الله يوفقك بالراي السديد
غريب من يوم
26/05/2015, 09:29 AM
80ألف اذا المششى حقيقي وزيد عليه ما عندك مشكله
اليامي قطر
26/05/2015, 09:36 AM
اللي لقيته جي اكس مهب استاندر

لانك تقول خلفيته لكزس والا ستاندر خلفيته ابواب
الكونترولCONTROL
27/05/2015, 07:48 AM
اذا الممشى حقيقي فالموتر تبارك الله بحكم شبه الجديد
الجيب يعتبر ماشي مشي طبيعي اذا تعدى 35000 كم بالسنة الواحدة
و المكروف يتعدى 50000 كم بالسنة
و هذا شبه واقف ما شاء الله .... 100 كم / 8 سنوات او قل / 7 =
اقل من 15000 بالسنة
من ناحية السعر .... ما ازيد على كلام اخينا الخالدي (( رد رقم 6 ))
انا قبل سنة و نصف مشتري باترول ربع 94 باكثر من 37000 و عملت له صيانة و تكميلات بحوالي 5000
مع انه في نظري لا يستحق اكثر من 25000 مع تكميلاته و صيانته
و كان في المعروضات وقتها باترول ربع 2002 ب 32000 و نظافته لا باس .. لكن عجزت اقتنع به !
الحربي حاتم
27/05/2015, 08:45 AM
بارك الله فيكم جميعا واحد والثاني عساكم للقوة والصحة والخير الوفير
هاوي شمال
مخطط 2008
حبل الوريد
بو محيمل الخالدي
غريب من يوم
اليامي قطر
والكونترول
الله يسعدكم بصلاح الأبناء والبنات والذرية وجميع المسلمين
الجيب خلفيته بيبان ماهي لكزس والرجال يقول مسيوم 90 ويبي زود وعلى كلامه مافيه ولا سمكره أو طقه ماعدا كبر الإصبع في محل ما ولكن عيبه مكيف واحد .
الكونترولCONTROL
27/05/2015, 08:53 AM
ما عليك الا من المكينة و القيور و الدفرنسات و المكيف و الدركسون

اما السعر فبصراحة ما اقدر افيدك و انا مبطي عن السيارات اللاندكروزر !
أبوصالح9
28/05/2015, 12:53 PM
90 - وصل حده اذا بتفرق البيعه ويبيعك ممكن اما اذا يبي زود 7 او 10 فانا اقول غالي - الا اذا انت لك رغبة بالموتر هذا شي ثاني ويقولون من بغى الدح ماقال اح

97 هدد انا واقف عليه يسام 102 وثاني يسام 104 وشوف عيني مهب احد يقولي - وفيه واحد 97 مخزن بعد انباع 120 الف بديرتنا - يعني اذا لك رغبة وهاوي القديم مايهمك السعر - اما اذا تقارنه بالسوق فهو واضح انه فيه زود دراهم

واستخر قبل كل شي والله يكتب لك مافيه الخير
ابوخلف..
29/05/2015, 11:04 PM
ممتاز اذا قريب من السومه والموتر مثل ماذكرت
ترى النظيف يستاهل وممشاه حلو كان حقيقي
عزالله مواتر للي يبي يستخدم واحسنت الاختيار
قريب لي اخذ 2004 جكس مكيفين فتحه ثلاجه ب88 الف قبل فترة لكن موتر نظيف
ماشاءالله
والله يقسم لك الي فيه خير
الحربي حاتم
29/05/2015, 11:38 PM
الكونترول الله يخلف لك تعبك وردك بخير ويجزيك الجنه والجميع
أبو صالح السيارة 2007 وليس 97 الله يجعل لك من كل هم فرج ومن كل ضيق مخرج والجميع
أبو خلف الله يخلف لك في كل أمر بخير والجميع
الإستخارة أنجع الحلول الله يخير لنا ولكم والجميع والمسلمين .
أبوصالح9
30/05/2015, 02:12 PM
الكونترول الله يخلف لك تعبك وردك بخير ويجزيك الجنه والجميع
أبو صالح السيارة 2007 وليس 97 الله يجعل لك من كل هم فرج ومن كل ضيق مخرج والجميع
أبو خلف الله يخلف لك في كل أمر بخير والجميع
الإستخارة أنجع الحلول الله يخير لنا ولكم والجميع والمسلمين .


يابن حرب مساك الله بالخير - انا عارف ان الموديل 2007 - ولكن ضربت لك مثل على 97 عشان نفس كلامي اللي قلته بالرد السابق - يعني اللي هاوي القديم مايهمه السعر - اتمنى وضحت الفكرة
الحربي حاتم
02/07/2015, 10:32 AM
الله يمسيك بالخير والرضا ويجنبك الشرور . صرفت النظر عنها راعيها مجنون يبي 105 وبعد السؤال من أهل السوق ولا يهونون اللي ردوا على الموضوع قيل لي بحالتها ماتتعظى 70 ألف .
hammoudi
09/07/2015, 03:01 PM
💮حراج اليوم 💮haraj102في الانستقرام.
لعرض اعلاناتكم بآنواعها
للتواصل عبر الواتس اب 0508656102