للبيع نوفي 3597 LMT من دار موجة

[الفارس787]

الجهاز شبه جديد بكرتونه وأغراضه

سبب البيع عدم الحاجة له

مواصفات دار موجه واعتقد معروفة

خرائط أوربا والشرق الأوسط + ذاكرة خارجية بها خريطة شرق آسيا + خريطة ترحال للبر

حركة المرور + مفضلة بأبرز الأماكن السياحية في أوروبا ودول الخليج

تحديث الخرائط والجهاز مجان مدى الحياة

الجهاز على السوم

[المعتصم بالله555]

كم سعرة جديد
والله يرزقك

[الفارس787]

مشتراه ب ٢٢٤٥ ريال
الأن عليه خصم ب١٨٩٩ ريال

[aboriyadh]

الله يرزقك البيعة الطيبة و يبارك لك

[المعتصم بالله555]

السلام عليكم
وين موقعك وكم حدك في الجهاز
والخرائط اللي علية ٢٠١٥

[الفارس787]

موقعي الرياض
الخرائط تحديث رسمي مفتوح مدى الحياة

[QW11]

نفتح السوم ب1000 ريال ياراعية

[zaher2]

1100 لك رسالة على الخاص

[zaher2]

لا يمكنني ارسال رسالة على الخاص بسبب قلة المشاركات

[الفارس787]

سومة طيبة من رجال طيب

[الفارس787]

الحد 1500 ريال
لمن أراده

[بحيرية]

ياليت نتواصل ب0555121805

[zaher2]

ياليت ترسل لي رقمك على الخاص ما اقدر ارسل لك

[ZONE]

اخوي الفارس
هل الجهاز لا يزال متاح للبيع .. ارجوا التواصل معي انا جاد بالشراء وموقعي الرياض ..
وهذا جوالي 0554594495
تحياتي

[الفارس787]

مازال موجووود

[mushari-saud]

السلام عليكم
اذا الجهاز موجود ياليت تتواصل معي على 0505400622
وان شاء الله ما نختلف

[ZONE]

يا اخوان
اتصلت علي الاخ الفارس صاحب القارمن .. واتفقت انا واياه على سعر 1400 ريال على ان الجهاز خالي من العيوب
جيته من شرق الرياض الساعة 2 ونصف الظهر تقريبا واخذت الجهاز ثقتا في كلامه وقال الجهاز جديد واذا به شيء جوالي معك
عندما وصلت البيت فتحت الجهاز لاشيك لقيت الجهاز فيه كسر بالمغناطيس من الداخل وعندما اثبته او احاول افصل عن القاعدة يطلع صوت كان فيه شيء مكسور ولو كان الصوت في القاعدة كان يمكن اتقبل الامر لكن كان بالجهاز .. المهم اتصلت عليه بعد حوالي ساعه وشوي بناءا على كلامه لي اذا في الجهاز شيء كلمني .. وقلت جهازك فيه صوت عند فك وتركيب القاعدة اثناء مسك المغناطيس في القاعدة قال ما خبرت فيه شيء .. واتفقت اني اقابه واضح له العيب .. ورجعت من شرق الرياض لمخرج 29 في الدائري الجنوبي وانتظرت الرجال ويوم وضحت له زعل وقال في ذمتك اذا كان الكسر منك وشكك فيني وقال انا رايح جاي ومتعطل رغم اني جيته لين حده يوم شريت الجهاز ويوم اني رجعته لا اوضح العيب..

حبيت اذكر هالكلام من باب النصيحه لكم انكم تشيكون على اللي تشترونه وان البائع المفروض يوضح للمشتري العيب
والصراحه انها حزت بنفسي كلمته وشكه فيني رغم ان الجهاز ما بقي معي اكثر من ساعتين لكن الله وحده يعلم اني تعبت وتعطلت اكثر منه

حبيت اوضح ما جرى .. والله على ما اقول شهيد ..

[بحيرية]

ﻻ حول ولا قوة الا بالله

[الفارس787]

للتوضيح والمصداقية :
الرجال اشترى الجهاز وقال بجيك الأن الساعة ٢.٣٠ ظهراً وهو اللي حدد الوقت قلت حياك
واعطيته الجهاز بأغراضه وفواتيره وشغلته قدامه والجهاز ما اخبر فيه شي وقلت له ارقمي عندك اذا بغيت اي شي بعدها بساعتين اتصل يقول اذا جيت الصق الجهاز في القاعدة يطلع صوت ويعلم الله اني لااعلم ماهذا الصوت بحكم اني الصق القاعدة في الزجاج الامامي والصق الجهاز قال بقابلك الان وارجع الجهاز قلت ابشر تعال مع العلم اني طالع لوسط الرياض ولكن للمصداقية ماحبيت اواعده وقت ثاني وشي طبيعي اذا رجعت لك فلوسك اقولك في ذمتك انه نظيف والمشكلة فيه من قبل تاخذه وماطاح وخرب من سوء استخدامك
العيب عو تشويه السمعة وتعييب السلعة بأنها مكسورة مع العلم بان الجهاز لايوجد فيه اثر مخش او فك وبالامكان كشف الجهاز لدى المختصين
وللمصداقية اكثر اتصل العضو اللي جواله فوق اخره٦٢٢ بعده بيوم وقبل رده هذا وتم ذكر السالفة له وبامكانكم التواصل معه

[الفارس787]

عموماً الجهاز مكلفني حول 2500 بخرائط اضافية وجراب وسبب البيع مذكور في اول الموضوع وبما ان الموصوع اخذ منحنى اخر تم صرف النظر عن البيع يجي يوم نحتاجه
ارجوا من ادارة المنتدى حذف الموضوع
ومقبلين على شهر كريم الله يسامح من اتهمنا في صدقنا ونزاهتنا