استفسار : ما اهمية الابرة في الشوزن ام خمس

[نمر شهبة]

السلام عليكم

اخواني ما اهمية الابرة في ام خمس

وهل تتعلق في ان الشوزن تلك في الطلقة الثانيه او الثالثه

ارجو المشاركة

[بينلي]

الابره مالها دخل باللك او التعليق

اذا انكسرت الابره ماترمي الشوزن او اي اسلاح اخر نهائي

[نمر شهبة]

وديت الشوزن وهي تركية نوع بارديوس وكانت تلك في الطلقة الثانيه او الثالثه

وديتها للصيانه المهم الشوزن ما فيها اي مشكله في الرمي لكن تلك

قال حق الصيانه بعد ما جلست عنده يوم ان الابره مكسوره وهي السبب وبعد التصليح راح تروح اللكه

المهم طلب مني 250 حق ترهيم ابره وتركيبها مع تنظيف الشوزن

واليوم رحت له قال الشوزن جاهزه طبعا جربها لي وطلعت ما زالت فيها لكه

الكلام هنا هل الابره كانت مكسوره او انه غشني وقال انها مكسوره

وما هو سبب اللكه في الطلقه يعني الطلقه ما تطلع بيت النار تلك مع العلم بانها تحذف الفشق ما فيها مشكله

غير انها تلك

وقد تم تنظيفها عدة مرات دون فائدة

[أبوصالح9]

اتوقع والعلم عند الله ان المشكلة عندك بالناتوش ضعيف احيانا يمسك واحيانا يفلت

[بينلي]

الابره اذا خربانه ماترمي او ترمي طلقه والثانيه تطق بس ماتثور
اذا بندقك ترمي لاكن تردف الفشق او تلك ماتنتش الفشق الابره مالها علاقه

وجرب فشق ثاني

[طرقشون]

اذا اللكه بدت معك بعد مافيك البندق فالسبب يكون ركبتها غلط

سوال هل مشكلتك لما ترمي لازم تعشقها يدوي؟

لانها صارت مع واحد من الربع فكها ينضفها ورمب قطعه غلط او نسا يركبها الظاهر القطعه سودا اذا ماخانتي الذاكره

[نمر شهبة]

اتوقع والعلم عند الله ان المشكلة عندك بالناتوش ضعيف احيانا يمسك واحيانا يفلت

هلا اخوي ممكن وانا فكرت في كذه لكن قلت له شوف الناتوش ما عرف يحسبه اللسان

والسؤال هل للناتوش سسته ياليت صوره للناتوش وصوره للسسته تبعه عشان يشوفه

يمكن هم يسمونه اسم اخر

[نمر شهبة]

اذا اللكه بدت معك بعد مافيك البندق فالسبب يكون ركبتها غلط

سوال هل مشكلتك لما ترمي لازم تعشقها يدوي؟

لانها صارت مع واحد من الربع فكها ينضفها ورمب قطعه غلط او نسا يركبها الظاهر القطعه سودا اذا ماخانتي الذاكره

ياليت اسم القطعه او صوره لها

[نمر شهبة]

اخواني ياليت واحد يحط لنا

صوره للناتوش وصوره للسسته تبعه اذا تجي معه سسته عشان يشوفه حق الصيانه

يمكن هم يسمونه اسم اخر

[طرقشون]

والله ونا اخوك انت ماوضحت هل مشكلة بندقك انها تلك او تكذب؟
اذا تكذب فالمشكله من الابره وملحقاتها

اما اذا تلك فما للابره دخل

اذا تلك تأكد من منضم الغاز هل هو راكب صحيح او لا او غير راكب
تراه قطعه سودا لو ماركبت كل رميه لازم تعشق البندق يدوي وتصير ترجف البندق

وفيه احتمال ان فيه قطعه داخل المكينه منكسره بسبب خلل مصنعي جا في الدفعات الاوله من هالبندق وعدلو عليها بتلحيمه

[تزبطي]

اول مره اسمع ان اﻻبره لها دخل في لك

الفشقه...؟

يمكن عندك مجموعة الزناد ماترجع كويس

اوالنواتيش
مع اني استبعد هذا الشئ

وبالتوفيق

[نمر شهبة]

شباب في احد عنده رقم الفايز للصيانة الاسلحه بالقصيم

جزاكم الله خيررررر

[نمر شهبة]

اخواني ياليت واحد يحط لنا

صوره للناتوش وصوره للسسته تبعه اذا تجي معه سسته عشان يشوفه حق الصيانه

يمكن هم يسمونه اسم اخر

باذن الله ناوي اصلح اللكه وافيد الجميع

[شمالي و الهوا غربي]

هذه شغلة اهل الصيانة اللي مايخافون الله
اذا نقص عليهم قطعة او لاحد اصدقاهم شلح من البنادق الاخرئ
اصلا واضع تجي عندهم تبي تصلح شي في بندقك، حتئ لو كان خراب بسيط
يوقول لك خل البندق عندنا ، اكثر وقت ممكن. . وهي ماتحتمل وقت اكثر من ساعة.وزودا علئ هذا السعر دبل..
وتبقئ البندق اكثر خراب من السابق،
علئ العموم مو الكل يسوي الحركات ولكن الاغلب. ،،

[راعي-gx97]

سالفة ان البندق تلك بسبب اﻻبرة انسها .
اﻻبرة اذا فيها شي تكذب الطلقة (تدقس) يعني ضعيفه تطق الفشقة وماتثورها
ومحل الصيانة اللي يقول لك سبب الكه باﻻبرة شل بندقك من عنده .
السبب اخي من السان المنظر او النتاش او قطة مكسورة او اناقصة او التركيب غلط .
ركز وﻻ تستعجل وبتصلح ان شاء الله.

[براونغ]

صحيح الابره احيان تلك بالطلقه لان راس الابره ينط من قدام ويدقر للطلقه ماتركب في مكانها بين الناتوش والعده ,,وكسر الابره خطير احيان تثور الطلقه قبل تركب في بيت النار وتثور من حالها عند ماتاخذ الفشقه وتكون اللابره بارزه وناشبه في مجراها وتجي الابره على قمعة الفشقه اثناء دخولها بيت النار فانتبهو ياجماعة الخير لاجيت تنحش البندق ارفع الماصوره فالسما وفالسياره عود نفسك لا تجي على خويك او على وجهك عند سحب السلاح وتعتمد على الضامن الله يحمينا ويميكم من كل مكروه

[0صقرالجنوب0]

هل بيك اخوى فية موظوع للاخ ابوشجاع ارجو ان تجد فيه ماتريد اليك الرابط

http://www.mekshat.com/vb/showthread.php?t=310621

[ابو سلطانه]

اخوي الفاضل بالنسبه للبردوس فيها مشكلةاللكه من المصنع لازم يتم تعديلها من قبل لان هي سبب اللكه في اللسان والمكينه
وبالنسبه للابره فعلا تكون سبب اختلال ف يالبندق لان النوع هذي المكينه مجزئه جزئين والابره هي التي تمسك الجزئين ولوفيها كسر او خلل تخلف شغل البندق

الكلام من واقع تجربه بكميه كثيره في البردوس بالذات مشكله المكينه

[نمر شهبة]

اخوي الفاضل بالنسبه للبردوس فيها مشكلةاللكه من المصنع لازم يتم تعديلها من قبل لان هي سبب اللكه في اللسان والمكينه
وبالنسبه للابره فعلا تكون سبب اختلال ف يالبندق لان النوع هذي المكينه مجزئه جزئين والابره هي التي تمسك الجزئين ولوفيها كسر او خلل تخلف شغل البندق

الكلام من واقع تجربه بكميه كثيره في البردوس بالذات مشكله المكينه

هلا اخوي

ياليت تشرح لنا الجزء الاول بالتفصيل والصور اذا امكن

وايش الحل للمشكله

[نمر شهبة]

يا اخوان يرحم والديكم خلاص انسوا الابره

اعطونا حل للكه من واقع تجربة اذا في حل اكيد

[بينلي]

الحل بعها

وخذ لك ستوقر ٢٠٠٠
او ارمس شادن
وذا تقدر ع الايطالي افضل وافضل

البردوس اعطالها كثيره بعها وبتعد عن وجع الراس

[الشمروخي]

الحل توديه للصيانه مشكلته سهله تكلف ميتين وتضبط من احر المواصير تبارك الله

[نمر شهبة]

طيب هل تركب ماصورتها على ام بطة