أفضل رواق للبر يمنع بقاء دخان النار مدعوم بالصور [الأرشيف]

ابوعزيزm

30/12/2006, 09:28 PM

بسم الله الرحمن الرحيم

السلام عليكم ورحمة الله وبركاته

هذا رواق رااائع جداً للبر خاصة إذا كانت هناك شبة ناااار

طبعاً الرواق ممتاز وقد يكون قديماً بعض الشئ لبعضكم لكن من باب الفائدة وضعته

فائدة هذا الرواق أنه يمنع بقاء الدخان لأنه فيه فتحات تدخل نسمات هواء وتساعد على تحريك الهواء

صراااحة أنصح الكشّات أنهم يستخدمونه لأنه راح تنتهي مسألة الدخان وأخف من الرواق المعروف

*ملاحظة تم تصويرها آخر شتاء العام الماضي طبعاً ما لقيت ربيع زين . . و لقيت مكان رعي :D قلت أهم شئ يكون خضار بالصور :)

الصورة الأولى

http://mmm1420.jeeran.com/rwaq1.jpg

الصورة الثانية

http://mmm1420.jeeran.com/rwaq2.jpg

الصورة الثالثة :

http://mmm1420.jeeran.com/rwaq3.jpg

الصورة الرابعة :

http://mmm1420.jeeran.com/rwaq4.jpg

الصورة الخامسة

http://mmm1420.jeeran.com/rwaq5.jpg

الصورة السادسة . . أنصح بعمل ثوب للرواق علشان مايأثر داخل السيارة

http://mmm1420.jeeran.com/rwaq6.jpg

وفي الختام أتمنى لكم رحلات سعيدة

محبكم في الله ابوعزيزm

قاضي

30/12/2006, 09:50 PM

مشكور اخوي

كم سعره

طبيب بيطري

30/12/2006, 10:50 PM

المقصود من الرواق يابعدي انه يرد الهواء

ولكن اللي بالصورة مثل المشخال يدخل معه الهواء

وبذلك تنعدم الفائدة

سرهيد

30/12/2006, 11:46 PM

اذا كان يدخل الهواء

اجل وشوله حطينه

الرواق وضع من اجل منع الهواء

استغرب ان يكون فيه فتحات مثل المنخل كما لاحظتها

هذا ليس رواق اذن وما الهدف منه

الجيب الريو

31/12/2006, 02:44 AM

مشكلة الرواق انة لايرد هواء ولا يستر ولا له ظلال
بس ميزتة للشباب مايمنع المناظر الخارجية
مشكور ابو عزيز على الموضوع

ابوعزيزm

01/01/2007, 07:33 PM

أشكر الجميع على المرور

الأخ قاضي . .
سعرة من 70 ريال إلى 120 على حسب الطول و الإرتفاع

طبيب بيطري
السرهيد
الجيب ريو

من خلال تجربة الرواق وطبعاً الآن تقريباً أنتهى وقت الرواق المعروف (الأبيض) لأنه غطى عليه تماماً من حيث الخفّه ومنع بقاء دخان النار لكن بقي أنتشار هذا الرواق وجميع مستلزمات الرحلات يفصلون هالنوع يمكن تشاهد هذا بزيارتك إلى أحد المحلات مثال : السنيدي

هو يمنع الهواء لكن يكون هناك تنسيم خفيف لا تشعر به :eek: . . ما ينفع إلا التجربة . .

طبعاً أنا نصحني واااحد وقالي إذا ما أعجبك راح أشتريه منك ولي الآن سنه نااااسي الرواق (الأبيض) :confused:

طبعاً كل ما طلعت مع ناس أول مرة يشوفونه يضحكون علي :( لكن بعد التجربة وشبّة النار يختلف الوضع معهم تماماً :good:

لوت تكلمت عنه يمكن ما تصدقون لكن التجربة خير برهان

من ناحية العوائل طبعاً ما ينفع لأنه يكشف المستور :D

أخوكم ابوعزيزm :)

ناصح

01/01/2007, 08:01 PM

شكرا على هذا التوضيح

والتجربة خير برهان

riyadh m

02/01/2007, 04:51 PM

أخوي
السلام عليكم ورحمة الله
وش الفايده أذا يسمح بدخول الهواء

ابوعزيزm

02/01/2007, 08:55 PM

ناصح >>>>>أشكرك على مرورك

riyadh m >>>> نوعية هالشرااع غييييير تنسيم هواء لا يمكن أن تشعر به بتاتاً

كشتنا أكثر من مرة وكان الهواء شديد ما شعرنا به أبداً

راعي ساموده

05/01/2007, 07:24 PM

السلام عليكم ورحمة الله

تسلم اخوي أبو عزيز على هالرواق الزين وكلامك سليم الرواق الابيض التقليدي يعدمك بالدخان وأقول للاخوان التجربه خير برهان وكلها 70 ريال ولله الحمد .

سيد النشاما..

05/01/2007, 07:29 PM

شكرا لك

لاكن النار بدون دخان مالها طعم (( بايخة ))

بريد5

05/01/2007, 08:11 PM

هو صراحة جيد من ناحية الشبة ومثل هالامور

لاكنه ماينفع اذا صار معك عوايل :p :no2:

شكرا لك

لاكن النار بدون دخان مالها طعم (( بايخة ))

اممممممم

والله لادمعت عيونك وانكتم صدرك وعفزت الدنيا

عرفت الدخان هو زين ولا لا :D

ابـ معزي ـو

05/01/2007, 10:46 PM

الله يعطيك العافيه يابو عزيز

بس احس انه يحمي من الغبار بس مايحمي من البرد

وانت على حسب تجربتك له

كيف وضعه هل هو للغبار والا للبرد والغبار ؟؟؟

ابو معزي

همّام

05/01/2007, 11:00 PM

السلام عليكم

الحقيقة شغل نظيف

شكرا لكاتب الموضوع ولكل من شارك فيه ..

وفي ظني أن القماش المستخدم يجي منه درجات 30% و 50% و 70% حتى 100%

فإذا كان يخفف الهواء ولا يمنعه فهذا مطلوب .. زد على هذا خفه في النقل والحمل .. أيضا قلة التكلفة ..

ومن يريد زيادة ستر ليناسب العوايل يختار قماش أثقل شوي وعلى ما قال (( كل على كيفه .. وكيفه يدلّه ))

ولكم تحيتي

همّام ..

طــــويـــق

06/01/2007, 12:40 AM

يشبة الناموسية

الدرندس

06/01/2007, 08:04 PM

كنك يا ابوزيد ما غزيت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عاشق صقر

06/01/2007, 08:37 PM

مشكور على الصور والموضوع.

7محمود7

06/01/2007, 09:25 PM

السلام عليكم
اعجبتني الفكره وهي جديده علي
وان كنت افضل نص الروق من اسفل الرواق الابيض لمنع الهواء البارد
ومن النصف الاعلى النوعية الخفيفه ذات الفتحات (قد تطرد الدخانه)
وشكرا لكم جميعا

جذاب2005

06/01/2007, 10:31 PM

كلام الشباب صحيح اذا كان زي المشخال وش فايدته

ابوعزيزm

13/01/2007, 01:23 AM

كنت أتمنى من الأعضاء قرآءة الردود بتمعّن قبل الرد على الموضوع

هو يمنع الهواء لكن يكون هناك تنسيم خفيف لا تشعر به :eek: . . ما ينفع إلا التجربة . .

طبعاً أنا نصحني واااحد وقالي إذا ما أعجبك راح أشتريه منك ولي الآن سنه نااااسي الرواق (الأبيض) :confused:

طبعاً كل ما طلعت مع ناس أول مرة يشوفونه يضحكون علي :( لكن بعد التجربة وشبّة النار يختلف الوضع معهم تماماً :good:

لوت تكلمت عنه يمكن ما تصدقون لكن التجربة خير برهان

riyadh m >>>> نوعية هالشرااع غييييير تنسيم هواء لا يمكن أن تشعر به بتاتاً

كشتنا أكثر من مرة وكان الهواء شديد ما شعرنا به أبداً

أشكر الجميع على تفاعلهم :)

ابوعزيزm

15/01/2007, 07:12 PM

7محمود7
السلام عليكم
اعجبتني الفكره وهي جديده علي
وان كنت افضل نص الروق من اسفل الرواق الابيض لمنع الهواء البارد
ومن النصف الاعلى النوعية الخفيفه ذات الفتحات (قد تطرد الدخانه)
وشكرا لكم جميعا

والله الطريقة هذي حلوة أيضاً لكن الرواق هذا يغنيك عنها لأنه مانع للهواء

راح أنزل صورة مقرّبة من الشراع حتى تتّضح الصورة لديكم :)

ذيب ساقان

15/01/2007, 07:28 PM

والله ماظنتي إن ذا الشلحة بترد الهواء ، إلابتصير شاخوف اللهم ياكافي .

خلك على المثل القديم إللي يقول (دخانها ولاهبوب شمالها) . ياطايع الشور وصدقني إنها بزه فتره وتنطل هالشلحه ويرجعون لعطي الله الشراع العادي .

خيال نجد

16/01/2007, 05:00 AM

تسلم يالذيب على هالصور وهالأبدع

موضوع جيد وشرح وافي ورد على المشاركات والردود سريع جداً

دائماً متميز يابو عزيز

لك مني كل الأحترام والتقدير يالغالي

ودمت سالم

.............................

bedon

17/01/2007, 06:19 PM

صراحة أنه ممتاز

أنا جربته وعندي الآن

و مثل ما قال أبو عزيز ما تشعر بالهواء أبد

ابوعبدالله 32

18/01/2007, 12:43 AM

الله لا يهينك

عاشق VXR

18/01/2007, 12:56 AM

جزاك الله خير ..

المسلول

18/01/2007, 07:30 AM

يا جماعة ارفقوا على الرجال.:mad:

باختصار شديد أن هذا الرواق مثل شجرة السدر:confused: ، تحميك من الهواء الشديد، ويدخل من خلالها بعض التنسيم، وهو ما يمنع دوران الدخان في المكان, بل تمكنه من أن يسير مع اتجاه الريح.:good:
عموما فكرة رائعة، خاصة لهواة شب الحطب، أما الذين يستخدمونه فقط لصد الهواء أو الستر، فالأبيض أفضل ولاشك.

ابوعزيزm

20/01/2007, 03:14 AM

بن دخيل . . التجربة خير برهان
خيال نجد . . حياك الله شرفتنى . . شكراً لك :)
bedon . . مشكور لك بدون
ابو عبد الله . . جزاك الله خيرا
vxr . . بارك الله فيك
المسلول . . مشكور وما قصرت . . أنت ولد فاهم بارك الله فيك :)

قلق

21/01/2007, 02:41 PM

يالربع خفوا على ابوعزيز

والله لو إنه الوكيل ماسوى له دعاية كذا

...

تسلم يابوعزيز ... بس العين بصيره واليد قصيره

احنا بقطر والرواق بالرياض .. يعني لين تطلبه ويوصل انتهى الشتاء

....

لك الود

abu mshari

22/01/2007, 04:37 PM

مشكور يا يابو عزيزm

ابوعزيزm

28/01/2007, 01:33 AM

قلق جزاك الله خيرا :)

abu mshari الله يسلمك وشكراً لمرورك

عاشق سدير

28/01/2007, 10:40 PM

ممتاز جداً بارك الله فيك

ابوعزيزm

18/02/2007, 02:07 AM

عاشق سدير شكراً لمرورك أخي الكريم

نجم حفرالباطن

18/02/2007, 05:17 PM

الله يعطيك العافيه اخوي بس الهواء يدخل معه ولا لا

asdzx

20/02/2007, 03:38 PM

اخوي ابوعزيز m :good2:
فكرة ممتازه والله يعطيك العافيه ومشكور على هذه المشاركه
بس بغيت اسئل وين يباع فيه في الرياض
وبالنسبه للعوائل هل يناسب
مع الشكر مقدم .:)

ابو شكاع

20/02/2007, 04:17 PM

بالنسبة للي يشتكون من انه شفاف وغير ساتر ...ممكن يخيطون معه رواق ثاني من العادي

<< وش صارت الفايدة أجل :D

الحقيقة ... فكرة ممتازة ...واللي ماجرب الدخنة بالرواق العادي يقول الحمد لله ....لأنه فعلا أكبر مشاكل الرواق هالدخنة
ومع الرواق هذا اعتقد ان المشكلة انحلت بنسبة كبيرة بوجود مناسم للهواء بسيطة وماراح تسمح بنفاذ هواء قوي
وفكرة الأخ محمود ممتازة
ممكن يكون نصف الرواق العلوي من النوع هذا
ويكون النصف السفلي من الرواق العادي
وشكرا لك
يبقى عيبه إنه غير ساتر ...للعوائل ...
ولكن ألا يمكن تركيب آخر يكون بعيد عنه بتقريبا مترين أو ثلاثة أو حتى أربعة ويكون ساتر ؟

المطنوخ 222

22/02/2007, 11:45 AM

بارك الله فيك اخوي

ونفع بك

كشته 111

22/02/2007, 11:59 AM

ابو عزيز شغلك سنع ورائع , وتصدق اخر طلعة لي با الثمامة عقب ما شبيت السمر داخل الراواق بدت الحرب مع الدخان ,, وبا الصدفة القي هاك برميل البوية المحلي المقاس الكبير وافتح الصاج اللي تحت با الفاس واحطة زي ولاعة علبة حليب النيدو قسما با الله انه ريحنا من الدخان بشكل عجيب , عاد ابجيب برميل بوية نظيف واروح لاحد محلات التوانك اللي جنب عتيقة واخليه يشيل الصاج اللي تحت ويعفط الحواف عشان ما تكون حادة واتوقع ياخذ 10 ريال ,, وسلامتكم ,,,

الحزين

26/02/2007, 11:57 AM

التجربة خير برهان

ارتست

27/02/2007, 03:12 PM

:good2: والله اشوف انه حلو خاصة في اوقات البرد الخفيف والهوا .... يعني يهدي اللعبة عليك ويحفظ اغراضك لاتتطاير
مشكور

لاكن ماقلت لنا من وين شريته:)

ابوفهد5599

27/02/2007, 03:28 PM

اتمنى يكون كلامك صحيح :j

عجمي

27/02/2007, 11:02 PM

وعليكم السلام ورحمة الله وبركاتة

لاهنت على الموضوع الجميل ويعطيك الف عافية

اخوك عجمي

القناص

27/02/2007, 11:48 PM

جميل جدا وخفيف سهل الحمل ووذف

شكرا على اتاحتك الفرصه لنا للاطلاع على هذا المنتج

بارك الله في جهودك

ابوعزيزm

01/03/2007, 12:35 PM

نجم حفر الباطن بالنسبة للرواق . . الخيوط ليست مربعات مثل الناموسية (مربعات)بل منسوجة بطريقة مختلفة تماماً إذا أمكن وضعت لها صورة
asdzx جرب برق الحيا يمكن يكون عندة . .بالنسبة للعوائل ما يصلح لأنه يكون مكشوف نوعاً ما
أبو شكاع إذا كان هنا أكثر من سيارة تحيط بهم وتضع الرواق
المطنوخ 222 الله يسلمك وشكراً لمرورك
كشتة 111 هذه الفكرة جميلة لكنها تستهلك الحطب أكثر ((قوطي النيدو يقوم بنفس المهمة))
الحزين شكراً لمرورك
ارتست يباع عند عروق الشمال . . السنيدي. . غنّام
أبو فهد5599 التجربة خير برهان
عجمي شكراً لمرورك أخي الكريم
القناص شرفتنا أخي العزيز شكراً لك

أخوكم ابوعزيزm :)

طير شلوا

04/03/2007, 11:09 AM

فكره جيده ومشكور على هالفكره والله يعطيك العافيه

نف نف

14/03/2007, 02:04 AM

التجربه خير برهان لكن انا اعتقد انه قمه في الروعه

لان جرب نفسك لو جربت تجلس حول اشجار ما يدخل لك الا مجرد نسيم وعليل رائع

انا نصيحتي ان الواحد يشتري الاثنين ان كان طلعت شباب ياخذ الرواق حق ابو عزيز

واذا كان عائيله يفضل الثاني ولو انه وشوله مطلع اهلك على شان تحبس هم وبذا الرواق

والظاهر الي يطلع مع عايله انا اعتقد انه يدور مكان شوي بعيد عن الناس فا انا اقول

بكل بساطه بيض الله وجهك على هاذا الرواق ولو تعلمني وين يتواجد اكون شكور ومقدر لك ياغالي

هاوي القميري

14/03/2007, 01:25 PM

الله يعطيك العافيه اخوي ابو عزيز
السراحه الرواق ممتاز انا مجربه ماتحس لا بدخان ولا برد واذا طلعت انا والأهل اخذه معي واذا طقيته احط السياره ساتر اذا كان فيه احد ....
وانا مشتريه من عند غنام بتسعين ريال وفيه مخابي لأغراضك ويوجد منه مقاسات ...

باب هداج

16/03/2007, 03:26 PM

بارك الله فيك اخوي ابو عزيز وماقصرت على موضوعك الرائع والمفيد والجديد

googl11

24/04/2007, 04:31 AM

تبي الصراحة انا قصمنجي سكان جدة لك علي اعرف بالبر والبحر بس الظاهر المفروض يصلح للبحر أفضل من البر وسلامت القايلين السابقين

googl11

24/04/2007, 04:33 AM

على قولة اهل البحر يصلح محياء على الكساره طرف الخور ( حلن اذا فهمت وش اقول الظاهر يبيلك مترجم )

googl11

24/04/2007, 04:38 AM

google11@maktoob.com

رعد النجدي

24/04/2007, 10:39 AM

بالعكس ممتاز واعتقد انه في الاساس مخصص لحماية الزرع من الشمس
والمناسب من من يمرر الشمس بنسبة70%
عيب الشراع الابيض ان الدخان يكور عندك في الجلسه وينكد على الجميع
نويت اطق واحد ومشكور يا بو عزيز

ابوعزيزm

29/04/2007, 02:44 PM

طير شلو شكراً لمرورك أخي الكريم
نف نف صدقت فمن ناحية التجربة أثبت فعاليتة ويوجد عند محل عروق الشمال ومحل السنيدي ومحل غنام
هاوي القمري شكراً لمرورك وتعقيبك على الموضوع
باب هداج سلمت أخي العزيز
قوقل 11 ما فهمت وش تقصد :)
رعد نجدي سلمت على التعقيب

abufahad2008

29/04/2007, 02:46 PM

مشكور اخوي

دحوش

29/04/2007, 11:21 PM

بس ابي اعرف مبين ان الرواق بينشق بصرعه صح ولا لا ومن وين شاريه احتاج رواق لان عندي رواقين ماتكفيني

ابوالجازي

29/04/2007, 11:39 PM

السلام عليكم
بيض الله وجهك يا ابوعزيزm شكله رهيب لشبة النار وايضا مايكور الهواء عليك ويجمع التربات وتحوس العزبه
(وقت العج)

راعي الروضة

21/08/2007, 07:17 AM

زلز ماش ماهضمت الموضوع 000 شكلي لو شريته ابروح للفالح اطق لي كورة طائرة 00000000عموما تبقى التجربة خير برهان

النديم2007

22/08/2007, 10:18 AM

مشكور ابو عزيز m
لكن مايستر اللي جالس وراءه

قروي الأول

17/10/2007, 03:18 AM

حبيبي تقول أنه يباع عند عروق الشمال . . السنيدي. . غنّام

عروق الشمال وغنام هذي المحلات في الرياض ولا في القصيم ؟

قناص الوعول

17/10/2007, 03:48 AM

فعلا انه ممتاز للكشتات الشتاء ولا عيفني الرواق القديم الا كثرة دخنة النار لأن الشراع القديم يمسك في ذراه الدخنه . وجزاك الله خير على المعلومة الجديده

ذيب المواجع

17/10/2007, 08:46 AM

بيض الله وجهك
وما قصرت توضيح طيب
أخوك ذيب

جو الصمان

13/11/2007, 10:21 AM

بارك الله فيك000000000000000

ابوعزيزm

13/11/2007, 03:30 PM

مشكور اخوي

حياك الله وشكراً لمرورك

بس ابي اعرف مبين ان الرواق بينشق بصرعه صح ولا لا ومن وين شاريه احتاج رواق لان عندي رواقين ماتكفيني

نوعيتة مماتزة وقوي وما يتأثر بالضربات

السلام عليكم
بيض الله وجهك يا ابوعزيزm شكله رهيب لشبة النار وايضا مايكور الهواء عليك ويجمع التربات وتحوس العزبه
(وقت العج)

حياك الله وشكراً لمرورك . . .

زلز ماش ماهضمت الموضوع 000 شكلي لو شريته ابروح للفالح اطق لي كورة طائرة 00000000عموما تبقى التجربة خير برهان

حياك الله أخوي راعي الروض

وإيضاً هذه فائدة تسجل لصالح الرواق :)

مشكور ابو عزيز m
لكن مايستر اللي جالس وراءه

حياك الله أخوي النديم

مايستر شئ كثير لكن يمكن تعوضها بالسيارة . . . يعني الزين ما يكمل :)

حبيبي تقول أنه يباع عند عروق الشمال . . السنيدي. . غنّام

عروق الشمال وغنام هذي المحلات في الرياض ولا في القصيم ؟

هذي محلات في القصيم وأيضاً تلقاه عند برق اليحياء بالرياض مخرج 15

فعلا انه ممتاز للكشتات الشتاء ولا عيفني الرواق القديم الا كثرة دخنة النار لأن الشراع القديم يمسك في ذراه الدخنه . وجزاك الله خير على المعلومة الجديده

حياك الله أخوي قناص الوعول

وأنا كذلك وبعد تجربتة أثبت نجاحة وفاعليته

وإنشاء الله إنك ما راح تندم

ابوعزيزm

13/11/2007, 03:34 PM

بارك الله فيك000000000000000

حياك الله وأنت كذلك

بيض الله وجهك
وما قصرت توضيح طيب
أخوك ذيب

الله يحييك أخوي الذيب وأنا تحت الخدمة . .

al mohajr

15/11/2007, 03:20 PM

يعطيك العافية

كرستال

02/12/2007, 10:23 AM

بسم الله الرحمن الرحيم

السلام عليكم ورحمة الله وبركاته

مشكور أخوي ( أبو عزيز m ) على الموضوع

أخوك ( كرستال )

مقلع الرمث

02/12/2007, 10:32 AM

وين نحصله ياخوي ابيلي واحد

رحال عمان

22/12/2007, 10:18 AM

أخي بوعزيز شكرا على المواضيع المميزة ولو سمحت ممكن ترسل لي موضوع ملحق الطين على الخاص واكون لك شاكرا

بناء ملحق من طين _( مشب طيني ) صور (http://www.mekshat.com/vb/showthread.php?t=52569)
لأني حاولت اقتح الموضوع والظاهر محجوب من الإدارة بدون أي سبب وهذي المشكلة متكررة ؟؟؟

مرفــأ

22/12/2007, 10:31 AM

التوقع جيدة اذا كانت البرودة ليست شديدة

الف شكر على الموضوع الرائع

قبندي

22/12/2007, 12:27 PM

يالبا قلبه

دخان النار لعب بأم عيوني وسد خشمي من الرواق الابيض
واتوقع ان فكرة هذا الرواق ممتازة وذلك للاسباب التاليه:

دخان نار الحطب يروح ولا يعدمك
يصير فيه تيار هواء خفيف يدمجك مع الجو العام علشان اذا قمت ما يصبخ فيك الهواء البارد ثمن انفلونزا
اذا كان معك حريم يقدرون يشوفون السيارات اللي تجي من ورا علشان يمديهن يتغطن
يخليك تشاهد المناظر اللي خلفك لاي سببشكرا لصاحب الفكره

الشاكي

22/12/2007, 05:51 PM

بصراحه روووعه

بس مايدخل تراب من بينه؟؟

خبير البران

24/12/2007, 12:29 AM

بس مايصلح للعوائل يكشف ومثل ماقال اخويriyadh mوشالفايده اذايسمح بدخول الهواء وشكرا

ابوعزيزm

24/12/2007, 05:39 AM

يعطيك العافية

حياك الله ...

بسم الله الرحمن الرحيم

السلام عليكم ورحمة الله وبركاته

مشكور أخوي ( أبو عزيز m ) على الموضوع

أخوك ( كرستال )

يشرفني مرورك . . وحياك ربي ..

وين نحصله ياخوي ابيلي واحد

في جميع محلات لوازم الكشتات
بالرياض عند برق اليحياء
القصيم بريدة عند السنيدي ، عروق الشمال . غنّام

أخي بوعزيز شكرا على المواضيع المميزة ولو سمحت ممكن ترسل لي موضوع ملحق الطين على الخاص واكون لك شاكرا

بناء ملحق من طين _( مشب طيني ) صور (http://www.mekshat.com/vb/showthread.php?t=52569)
لأني حاولت اقتح الموضوع والظاهر محجوب من الإدارة بدون أي سبب وهذي المشكلة متكررة ؟؟؟

حياك الله أخوي رحال ويشرفني مرورك

بالنسبة للموضوع غير محذوف لكن بما أن قسم الإستفسارات أقفل لايراه إلا المشرفين . .. هذا السبب الحظر وإلا الموضوع موجود لعلي أخاطب الإدارة بهذا الشأن . .

التوقع جيدة اذا كانت البرودة ليست شديدة

الف شكر على الموضوع الرائع

حياك الله وإنشاء الله يكون عند حسن الظن

يالبا قلبه

دخان النار لعب بأم عيوني وسد خشمي من الرواق الابيض
واتوقع ان فكرة هذا الرواق ممتازة وذلك للاسباب التاليه:
دخان نار الحطب يروح ولا يعدمك
يصير فيه تيار هواء خفيف يدمجك مع الجو العام علشان اذا قمت ما يصبخ فيك الهواء البارد ثمن انفلونزا
اذا كان معك حريم يقدرون يشوفون السيارات اللي تجي من ورا علشان يمديهن يتغطن
يخليك تشاهد المناظر اللي خلفك لاي سببشكرا لصاحب الفكره

حياك الله . . ووضعت النقاط على الحروف . . ما قصرت

ابوعزيزm

24/12/2007, 05:42 AM

بصراحه روووعه

بس مايدخل تراب من بينه؟؟

لا . . والتجربة خير برهاااان

بس مايصلح للعوائل يكشف ومثل ماقال اخويriyadh mوشالفايده اذايسمح بدخول الهواء وشكرا

الفكرة بارك الله فيك هي دخول نسمات هوائية لا تشعر بها مطلقا ..
وفائدتها تحريك الدخان وإخراجة خارج الجلسة