بطاريه اضافيه

[احلى نواف]

السلام عليكم

مساء الخير يا النشاما

ابي شوركم ناوي اركب بطاريه اضافيه ل هايلكس دبل

ابي شغل مرتب واسلاكه اصليه ميه با الميه

في الرياض او في القصيم ؟

ولاهنتو

[أبوصالح9]

قبل كل شي لازم تذكر الاضافات اللي موجودة بالسيارة - يمكن ماتحتاج تركب بطارية اضافيه

علمنا عن الاضافات ولكل حادث حديث

مبدأيا اذا الاضافات بسيطة عندك انا اشور عليك لاتركب بطاريه اضافيه ولا تحوس كهرب موترك - كل اللي تسويه انك تركب بطارية اعلى امبير من حق الوكالة يعني اذا بطارية الهايلوكس 60 امبير ركب 90 امبير ونم - واحرص على البطارية العادية مهب الالكترونية - وحط في بالك اغلب خراب البطارية من اهمال التنظيف والتشريك لموتر ثاني وارتخاء الاصابع يعني مهب مربوطة زين

وبانتظار ردك

[احلى نواف]

في الحقيقه أني ٢٤ ساعه في البر

ابي لمبات لِيَد وابي ولاعه اضافيه

وتسليك للآيكوم وفيش كهرب كيبل ل الثلاجه

وعلى كلام الاخوان البطاريه الاضافيه مايقطع أسلاك ولا يقرب ضفيره السياره

[iV8]

السلام عليكم

رح لمحل الصبي والمحل بالرياض وباذن الله مايقصرون معك .. مشتغل عندهم اكثر من سياره ولله الحمد شغلهم مرتب والله يوفقك

[الضرغامي]

فنون الكهرب في القصيم شغله ممتاز ومنصح.
fnon4114
هذا حسابه في السناب شات والانستقرام شف شغله قبل ما تروح.
الصبي كان كويس يوم كان صاحب المحل يشرف عليه بس بعد اليمني صار الشغل يتركز على كم اكثر شي استنزفه من حسابك.

[زياد2003]

0554209550
ابوناصر
شاب سعودي
يركب بطاريه اضافيه وشغل وكاله

[ابوحسام9]

ركب بطاريه اضافيه ولا تردد وحاول قدر الامكان انها تكون كبيره البطاريه ونوعيه جيده

[الفياض***]

عليك بالمنديل بالرياض

[ms662]

اخوي اسعارهم مبالغ فيها
الي سويناه ركبنا قاعده بطاريه عند محل والباقي من تمديدات ولمبات وعلب فيوز وافياش بانفسنا
والقطع والاسلاك باختيارنا
وموتر ثاني شرا قاعده بطاريه من رفيق الدرب 70ريال وخرمنا لها وتمام ومددنا الباقي
والشغله اسهل مما تتصور
وبالتوفيق

[قناص الوعول]

ورشة الصبي وشغل البطاريه الاضافيه ما يتداخل في ضفيرة السيارة

[خوي السطحه]

طيب من جرب يركب بطاريه اضافيه 150 امبير جافه او 3بطاريات مع الااساسيه يعني 2بطاريه اضافيه غير الااساسيه هل يتحمل الدينمو حق السياره

[اخوك يالذيب]

ورشة المنديل في صناعية الفوزان مخرج 16 بعد نادك

اسعار منافسة وشغل مرتب

اللي يقوم بالعمل ويشرف عليه سعودي هذا جواله

0504472382 اسمه ابو سليمان

[أبومحمدالشهري]

أنا نفس الشي ودي بورشة شغلهم تمام ومضمون
مايهمني التعامل بقدر مايهمني الشغل
يعني أنا بعطيه دراهم وبمقابل هذه الدراهم شغل مرتب ونظيف
واللي شفت الأغلب ينصح به
1_ السوافي بالرياض
2_ الصبي بالرياض
3_ المنديل بالرياض
4_ الدفع الرباعي بالرياض
5_ فنون ببريدة
6_ الحميدان بالزلفي
7_ العنقري بأشيقر

فنرغب من الجميع بقول كلمة الحق عن شغله بغض النظر عن تعامله

وفق الله الجميع لما يحبه ويرضاه

[(هزاع)]

وعليكم السلام ورحمة الله وبركاته
تركب عند فلان او غيره الشباب يمدحون ماواجهو
لكن البطاريه الاضافيه مالها شغل بالضفيره
ركز على حاجات يجب ان توقف عندها
1- يجب ان يكون الاسلاك مفرد كل واحد 6ملم مثل اللي يمدد بالبيوت
2- يجب ان تكون البطارية الاضافية 90 انبير تشتريها من الوكيل وليس من الموزع ويفضل الكوري لضمان الجودة والتاريخ
موفق باذن الله

[أبومحمدالشهري]

تقصد لازم تكون الأسلاك نفس أسلاك المنازل بالضبط
أشوف صعب تمريرها في الأماكن الصعبة ، لأنها ماتكون سهلة الثني مثل الأسلاك الخاصة بالسيارات
وضح لي أكثر بارك الله فيك ، لأني قد أجهل أمور أنت أعلم بها مني

[ابو مرعي]

السلام عليكم ورحمة الله
بالنسبه للاسلاك موجودة عن الجمعان ---والغدير
للعدد والادوات بصناعيه النسيم بالرياض
و الاسلاك هي حقة مكاين لحام
هي الافضل لتوصيل بالسيارات تتحمل الحراره
ولكم تحياتي