بفك الهدرز وبركب قزوز الوكاله وش تنصحوني

[عاصفة اعتيبة]

السلام عليكم
ياخوان اسعد الله مسائكم
شريت لي فتك ولله الحمد نظيف ودي اصون الموتر وابي نصيحتكم
مشكلة الموتر فيه هدرز بحريني ودبه
صح الموتر يطربك لاسجيته بس ماهو داخلي مزاجي وفيه شي غريب لما ادعس يكون كاتم شوي لين يشد ثم يفز فزت السعد مشاء الله مستغرب الكتمه راعيه الاول يقول برمجه الكتمه بسبب الهدرز هل كلامه صحيح او لا اللي مجرب يفيدني

وعندي كم استفسار
بكم قزوز الوكاله مع الدبه هل اركب جديد او مستعمل (اسعار الجديد اوالمستعمل )
هل المهندس اللي بودي له الموتر لازم يكون فنان او اي مهندس
هل بيسبب مشكله لاشلت الهدرز وركبت قزوز الوكاله
كم يكلفني تفريبن
ولكم مني جزيل الشكر

[الكدن1]

مشكلة هدرز الوكالة غالي
الافضل تشوف مستعمل خفيف وانتبه للعازل حق شعبة القزوز فوق وتحت لازم يكون موجود بالهدرز
بالنسبة للتأثير مافيه تأثير
لكن اذاكان مبرمج بعد تركيب الهدرز فالافضل تشيك على البرمجة

[عاصفة اعتيبة]

مشكلة هدرز الوكالة غالي
الافضل تشوف مستعمل خفيف وانتبه للعازل حق شعبة القزوز فوق وتحت لازم يكون موجود بالهدرز
بالنسبة للتأثير مافيه تأثير
لكن اذاكان مبرمج بعد تركيب الهدرز فالافضل تشيك على البرمجة

الله يبيض وجهك يغالي شاكر ومقدر

[ابوسند9]

وعليكم السلام
انصحك خل الهيدرز كما هو اذا هو بحريني ,لان قزوز الوكاله ان طولت معك جلست سنتين او سنه ونص وبعدها راح تنشعر ,ويالله ابلش فك وتركيب وتلحيم ووجه وتلحيم وخسائر مالها اول وتالي
اما ما هو داخل مزاجك ما ادري ايش تقصد؟
اما برمجة الكتمه اول مره اسمع عنها !
الزبدة انت شيك على فلتر الهواء لا يكون تجاري او قديم فهو يسبب كتمه ,برضو شيك على خرطوش فلتر الهواء الاسود الداخل للمكينه لايكون مخروم من الاسفل ,والافضل فكه وشيك عليه تمام فلو فيه مخز ابره يسبب كتمة
برضه اذا فكيت الخرطوش ,شوف اللهات الاولى وهي واضحه بعد ما تفك الخرطوش ,هذي نظفها وحط شوي زيت للعمود اللي ما سكها وحركها بيدك

[عاصفة اعتيبة]

لاهنت يابو سند9
اقصد الهدرز خايف انه يظر الموتر لاني مباعد الشيبان في قاعدتهم خل الموتر وكاله

الكتمه فقط لادعست يمسك الموتر شوي ثم يفك ويرجع طبيعي وكل ماتعشقه يكتب شي بسيط ثم يفك ومستغربها
راعيه يقول توني مركب الهدرز

[ابو فهد...]

شيك على حساس الهوا لان راعيه الي قبل انوقع مركب فلتر

[يالبى الهلا]

الفلتر لايسبب كتمة بالعكس يعطي عزم وبرودة للماكينة خاصة هايام الصيف مقبل عليك
انا اعتقد مشكلتك من الطرمبة ضعف او انسداد الشخال بالتانكي
هاذا اذا الفلتر البنزين جديد ونظيف مع الدعس يكتم الموتر يافلتر او ضعف طرمبة البنزين

[ابوسند9]

لاهنت يابو سند9
اقصد الهدرز خايف انه يظر الموتر لاني مباعد الشيبان في قاعدتهم خل الموتر وكاله

الكتمه فقط لادعست يمسك الموتر شوي ثم يفك ويرجع طبيعي وكل ماتعشقه يكتب شي بسيط ثم يفك ومستغربها
راعيه يقول توني مركب الهدرز

ولا هنت ومن يقراء
شف طال عمرك
الهيدرز البحريني ,الماده المصنوعه منه ستيل , والاستيل معروف انه بارد وهذا ما يسبب حرارة للمكينه ولا يعدم لك الاسلاك وليات المكيف والدركسون , وما منه ضرر ابداا وبا العكس ينفس للمكينه اكثر ويريحها , ولو فكرت تلغيه وتركب وكالة , تذكر كلامي مستقبلا
اما الكتمه زي ما قلت لك فك هوز فلتر الهواء وشيك عليه تمام لا يكون فيه مخروم ولو مخز ابره , وهذا الشي صاري لي قديما واخر شي اكتشفت انه مخروم من الاسفل , والسبب يعود لا مرين ,حرارة القزوز +البنشري لما يستخرج الفلتر للتنظيف يرفع الهوز للاخر ومن ثم ينشق
كذلك شيك على فلتر الهواء لايكون قديم
وكذلك شيك على مرابط اي القفزان الهوز لاتكون تحتاج ربط

[ابوسند9]

الفلتر لايسبب كتمة بالعكس يعطي عزم وبرودة للماكينة خاصة هايام الصيف مقبل عليك
انا اعتقد مشكلتك من الطرمبة ضعف او انسداد الشخال بالتانكي
هاذا اذا الفلتر البنزين جديد ونظيف مع الدعس يكتم الموتر يافلتر او ضعف طرمبة البنزين
اخوي العزيز
والله يا فلتر الفتك اذا قديم او متسخ يا هو يسوي بلاوي
تقطيع
تقتفه
كتمه
عدم ممشى
لان نظافة الفلتر متربطه ارتباط مباشر ,بحساس الهواء ,وحساس الهواء مرتبط با الكمبيوتر مباشره , فهناك نسبه معينه لدخول الهواء للمكينه ,واذا اختلفت هذه النسبه ظهرت المشاكل اعلاه
وحساس الهواء عند الاخ سليم 100 %

[عاصفة اعتيبة]

الله يبيض وجيهكم ماقصرتو كفيتو وفيتو
يعني استبعد البرمجه بسبب الهدرز