المساعد الشخصي الرقمي

مشاهدة النسخة كاملة : رديتر


ظغط عالي
18/05/2015, 12:23 PM
سلام عليكم

مساء الخير

اخواني عندي جكس 2000 وابي اغير رديتره ابي افضل انواع الرديترات واسعارها لا هنتوا الموتر 6سلندر
اسهيل
18/05/2015, 12:54 PM
فيه عند النهدي اديتر اسمه ماينز او مايز امهم تروح لهم وتشوفه نفس الاصلي مايفرق وسعره رخيص وانصحك تمر على كم محل للنهدي علشان السعر ينزل شوي ايضا في بالصناعية القديمه محل اسمه المركز السعودي عندهم اردني وصيني وناس تقول الاردني احسن وناس تقول الصيني وانت شف بعينك محلهم تخلي السالم يمينك وتتجه شمال لي يجيك الكبري قبل الكبري فيه شارع وسيع ادخل معه امش شوي يجيب على اليمين
ظغط عالي
20/05/2015, 01:01 AM
مشكور اخوي سهيل ولاهنت اخوي الحرارة الطيبعية على كم عندي
مع المكيف على النص وبدون مكيف الربع هل هي طبيعية حساس الحرارة
موجود بالسيارة
أبوصالح9
20/05/2015, 03:22 AM
وش سبب تغيير الديتر - اللي اشوفه ان الحرارة طبيعية عندك- يمكن تحتاج تغيير الغطاء او الماء فقط اذا كان مبطي - او تحتاج تسييخ رديتر
ابو فهد...
20/05/2015, 03:33 AM
تاكد من المروحة الي ورى الشبك
والتايوتا مامثل رديتر البلد
الارديني والصيني للنيسان
طبعا اتكلم من تجربه
ابوراكان تبوك
20/05/2015, 04:11 AM
تجربتي لنفس موترك
كــــــــــــان اعلى من الربع بقليل مع الخط ولما توقف مع المكيف يطق النص
وكلهم قالو طبيعي
غيرت بلف حق ديزل 76درجه
ونفسسسه ماتغير شي
جلس سنتين ع هالوضع
وبعدها صارت تقبل ع النص مع الخط ومع الوقوف بالمكيف فوق النص بشيء بسيط
وبعدها وانا ماشي بالخط لو ماطفيته طق الراس
وقفت لين برد الموتر وفكيت البلف قلت ممكن قافل وعلى طول رحت محل اديترات مضبوط
شغل يد تصييخ 100
غطاء البلاستيك الاسود اللي فوق اخذته 300 أصلي ( اجباري تغيره مع التصييخ وفيه انواع بـ 150 وبـ 100 ريال لكن لا انصحك فيها )
ماء اصلي مع ماء مقطر 4 علب 50 ريال

المهم التكلفه المذكوره 450 اذا ماني غلطان الغطاء الاسود 320 يعني احسب ع 500 ريال
اثناء التصييخ وجدت 20 مدخل للماء مغلق مع انه الماء دائما نظيف والسبب كثرة وقوف السياره لفترات بالاسابيع

لـــــــــــكن اصبحت الحراره أقل من الربع وفي عز الحر تقريبا فوق الربع وهو واقف مع المكيف

معلومة :
بعض الاديترات اذا احتر الموتر مره تنطعج الجرايد وماينفع به الا التغيير

احيان يكون السبب ليس من الرديتر ممكن الخراطيش تنطعج مع الحراره وتحبس الماء
ظغط عالي
20/05/2015, 07:27 AM
بيض الله وجيهكم يالذيابه ما قصرتوا كفيتوا وفيتوا اخوي ابو راكان تبوك تقصد العلبه حقت تزويد الراديتر الخارخيه
غطاها اغيره
ابوراكان تبوك
20/05/2015, 10:05 AM
لا اقصد هذا البلاستيك المحدد بالاحمر

الرديتر اللي في الصوره حق جيب ربع لكن لم اجد غيره للشرح وهو نفس حق الجكسار لكن الفرق ان حق الجكسار اعرض
http://www.mekshat.com/pix/upload06/images/2015/05/mk92170_radetar.jpg
أبوصالح9
27/05/2015, 12:23 PM
اتوقع انك تقصد الطبة اللي فوق يابو راكان