يا إخوان لاهنتوو الفزعه

[النو]

السلام عليكم
مساء الخير
باترول 98 صالون
مراوح التبريد اللي تجي على الاديتر خربت . روحت للوكاله
قال الوحدة بعد الخصم 1150
وش السواه . فيه بديل لها تخبرون المكيف بدون مراوح مايبرد

[وطن العزة]

دينمو المروحة فقط من غير الريش حول ال 600 عند الموزعين

و المستعمل على 150 - 250

أنا مغير وحده قبل 5 سنين و الثانية قبل سنة
و كلها أخذتها مستعملة

[وطن العزة]

البديل شف اذا مراوح السوبارو الصغار تركب مكانها

المهم حقت الوكالة سرعتين

[النو]

وطن العزة . لاهنت على مرورك
لكن بيعهم كامل القطعه

[النو]

مراوح السوبارو . بكم القيمة . ووين اللي يركبهاا

[داموك 1]

اخوي بما ان المراوح سليمه مايلزمك الا الدينمو فكهم ودور على مثلهم
مر على محلات قطع الغيار ولاتقول لهم نوع السياره بس اطلب مثلهم اللي امام السائق خطين يعني اربع اسلاك
والثانيه خط واحد سلكين انا محصلهم قبل كم يوم رخاص

[جني صغير]

اخوي اشتر دينموا حق سوبارو من تشليح اللي بالصناعيه

تاخذه من 100 الى 150

[يالبى الهلا]

اخوي اشتر دينموا حق سوبارو من تشليح اللي بالصناعيه

تاخذه من 100 الى 150

نعم كلامك صحيح يتبدل الديننوا فقط بدينموا سوباروا
انا مبدل دينموا المروحة الكهربااء فاكة م̷ـــِْن مروحة سوباروا القلب 150 ريال وشغلتة 50 مع شبكها بزر خاص عند الطبلون تشغل وقت مابغاااا

[أحمد محمد1429]

موقعك يالحبيب

[salih100]

فك دينمو حق مراوحك يمكن يتصلح يمكن يبيله فحمه واذا ما ضبط مثل ما قالو الشباب لك

[النو]

الله يجزاكم خير .
.
.
.
احمد محمد

الموقع . الدوادمي

[النو]

يا خوان
مراوح المكيف عطلانة وإلى هاللحين مالقيت . وتخبرون الجو حررر
لو اشغل المكيف من دون المراوح ( يضر السيارة . )

[الوسم]

قالوا لك الربع ....

خذ لك قلب مروحة او مروحة من التشاليح ياباني واشرط ثلاثة أشهر ضمان

ولكن تأكد من الكهربائي قبل تغير