سحاب نجد راعي شقراء
18/05/2015, 11:32 PM
السلام عليكم ورحمه الله وبركاته
هلا بالغالين كلكم كبيركم وصغيركم ذكركم ونثاكم وليا حيا كثر وتنثر وتزبر بعد:D
هذي سالفه واقعه يعلمني بها الشخص نفسه
يقول من سنتين او ثلاث سنين كنا مجتمعين انا وعماني وعيال عمي ليله خميس يوم الخميس له كار ماعطل هههههه يوم كان اجازه
يقول كان الوقت في عز الصيف يقول يوم قظينا متعشين قالي عمي وهو في اواخر الخمسين من العمر قالي يافلان قلت سم قال ابيك بكرا الصبح بدري ابيك توديني ونا عمك للصمان نبي نصيد ضبان يقول قلت ياعمي من يروح للصمان في عز الصيف والحر قال نبي نروح ونصيد ونتغدا على الصيد ونرجع تالي النهار يقول يوم شفت نفسه تبي تزعل قلت ابشر ياعمي يقول جا الصبح ونتكل على الله للصمان ومن فيضه الى فيضه بس ماتشوف العرق الاخظر المهم يقول ونشوف ذاك الضب ونرميه بالخرازه يقول ماصابته ثلاث رميات والضب على حطته ماتحرك من مكانه يقول قال عمي اصبر ابا انزل وروح يمه يقول نزل عمي ويوم وصل عند الضب قالي يافلان تعال شف الضب مخيوط اثمه اكيد فيه ناس مخيطين اثمه علشان مايعض بزورهم وكانت هذي عاده في ذاك الزمان
المهم قال ونا عمك رح افتح الدرج وتلقا فيه مشرط جبه خل نعتقه مسكين
يقول جبت المشرط ويقطع عمي الخيوط يقول يوم فتح اثمه بقوه قال عمي شف شف في وسط اثمه قصديره ويطلعها عمي وهي مصفطه ويوم فتحها ولاها مليانه ضفور وشعر
ثمن قال عمي البلا بلا ونا عمك صار مخيوط اثمه على سحر حسبنا الله ونعم الوكيل جبلي ونا عمك كسر عودان نبي نحرق السحر يقول ويشب عمي فيه وحرقه يقول قال عمي فلان قلت سم قال رجعنا للرياض طابت نفسي من كلش يقول ورجعنا
العبره يالغالين ان الله سبحانه ورحمته التي وسعت كل شي
جعل الرجال سبب في شفاء انسان مايعرفه ولا دوره ضب وفي الصمان والسحر في اثمه وهو حي يسعا وفي اشد الحر والصمان معروف ايام الصيف محد يجازف ويروح يمه
هما فيه شايب من الاولين كان هو وولده قاطعين الصمان وكل واحد منهم معه رحول يعني ناقه وراكب عليها والشايب يبي يشوف ولده وش كثر يحب حرمته قال
لاصرتا بالصمان والقيض حاديك
ايا حسين الدل ولا المطيه
يعني لو خيروك وش تختار قال الولد لبوه
الله كريم ومانوا بالتهاليك
ولا نوا بفراق جال الثنيه
لاصرت ايام الرخا بين اهاليك
حبه حسين الدل تسوا المطيه
وهذي سالفه القطو الاسود
هذي سالفه حاصله من قرييييب يعني ماابطت
فيه عائله قبلهم مشاكل وهواش بيناتهم
يقول ابوهم كل ماجيت للبيت القا قطو اسود جالس في سطح الملحق
وكنت اشوف الموضوع عادي ويوم زادت المشاكل ووصلت للطلاق علم واحد من ربعه الطيبين وراح صديقه لواحد يقراء وعلمه بالسالفه وقاله ابيك تلحق على رفيقي قبل لا يطلق حرمته
وفعلن راحو نفس ذاك اليوم بعد صلاه المغرب وطقو عليه الباب ويفتح الرجال وحالته حاله عظم الله اجره
وبدا الشيخ الي يقرا على طول يقرا على الرجال وهو توه فاتح الباب وبعد القرائه قال الشيخ من متا ذا القطو تشوفونه على سطح الملحق قال له تقريبن ثلاثه شهور ثمن قال الشيخ ترا بلاكم منذا القطو
وجلس يقرا الشيخ وهو يوجه قرائته للقطو وبعد نص ساعه قام القطو يتحرك بحركات غريبه ثمن انطلق منحاش
وبعد حظور الشيخ كم يوم وهو يجي يقراء
زانت حالهم وستاسعت صدورهم يالله لك الحمد والشكر
وحسبي الله ونعم الوكيل على كل من اراد ان يوذي مسلم
بسم الله عليكم من كل شر
وحصنو انفسكم كل صبح وكل مساء ويخسون كل اهل الشر مايصيبونكم بشر
بس التوكل على الله والادعيه ماهي الا اسباب
وخلاص ترا مافيه قبل سواليف والله النشبه بعد:p
جمعنا الله في واسع رحمته في الفردوس الاعلى من الجنه وبشرو بالسواليف:D
وسبحان الله والحمد لله ولا اله الا الله والله اكبر عدد خلقه وزنه عرشه ورضا نفسه ومداد كلماته
هلا بالغالين كلكم كبيركم وصغيركم ذكركم ونثاكم وليا حيا كثر وتنثر وتزبر بعد:D
هذي سالفه واقعه يعلمني بها الشخص نفسه
يقول من سنتين او ثلاث سنين كنا مجتمعين انا وعماني وعيال عمي ليله خميس يوم الخميس له كار ماعطل هههههه يوم كان اجازه
يقول كان الوقت في عز الصيف يقول يوم قظينا متعشين قالي عمي وهو في اواخر الخمسين من العمر قالي يافلان قلت سم قال ابيك بكرا الصبح بدري ابيك توديني ونا عمك للصمان نبي نصيد ضبان يقول قلت ياعمي من يروح للصمان في عز الصيف والحر قال نبي نروح ونصيد ونتغدا على الصيد ونرجع تالي النهار يقول يوم شفت نفسه تبي تزعل قلت ابشر ياعمي يقول جا الصبح ونتكل على الله للصمان ومن فيضه الى فيضه بس ماتشوف العرق الاخظر المهم يقول ونشوف ذاك الضب ونرميه بالخرازه يقول ماصابته ثلاث رميات والضب على حطته ماتحرك من مكانه يقول قال عمي اصبر ابا انزل وروح يمه يقول نزل عمي ويوم وصل عند الضب قالي يافلان تعال شف الضب مخيوط اثمه اكيد فيه ناس مخيطين اثمه علشان مايعض بزورهم وكانت هذي عاده في ذاك الزمان
المهم قال ونا عمك رح افتح الدرج وتلقا فيه مشرط جبه خل نعتقه مسكين
يقول جبت المشرط ويقطع عمي الخيوط يقول يوم فتح اثمه بقوه قال عمي شف شف في وسط اثمه قصديره ويطلعها عمي وهي مصفطه ويوم فتحها ولاها مليانه ضفور وشعر
ثمن قال عمي البلا بلا ونا عمك صار مخيوط اثمه على سحر حسبنا الله ونعم الوكيل جبلي ونا عمك كسر عودان نبي نحرق السحر يقول ويشب عمي فيه وحرقه يقول قال عمي فلان قلت سم قال رجعنا للرياض طابت نفسي من كلش يقول ورجعنا
العبره يالغالين ان الله سبحانه ورحمته التي وسعت كل شي
جعل الرجال سبب في شفاء انسان مايعرفه ولا دوره ضب وفي الصمان والسحر في اثمه وهو حي يسعا وفي اشد الحر والصمان معروف ايام الصيف محد يجازف ويروح يمه
هما فيه شايب من الاولين كان هو وولده قاطعين الصمان وكل واحد منهم معه رحول يعني ناقه وراكب عليها والشايب يبي يشوف ولده وش كثر يحب حرمته قال
لاصرتا بالصمان والقيض حاديك
ايا حسين الدل ولا المطيه
يعني لو خيروك وش تختار قال الولد لبوه
الله كريم ومانوا بالتهاليك
ولا نوا بفراق جال الثنيه
لاصرت ايام الرخا بين اهاليك
حبه حسين الدل تسوا المطيه
وهذي سالفه القطو الاسود
هذي سالفه حاصله من قرييييب يعني ماابطت
فيه عائله قبلهم مشاكل وهواش بيناتهم
يقول ابوهم كل ماجيت للبيت القا قطو اسود جالس في سطح الملحق
وكنت اشوف الموضوع عادي ويوم زادت المشاكل ووصلت للطلاق علم واحد من ربعه الطيبين وراح صديقه لواحد يقراء وعلمه بالسالفه وقاله ابيك تلحق على رفيقي قبل لا يطلق حرمته
وفعلن راحو نفس ذاك اليوم بعد صلاه المغرب وطقو عليه الباب ويفتح الرجال وحالته حاله عظم الله اجره
وبدا الشيخ الي يقرا على طول يقرا على الرجال وهو توه فاتح الباب وبعد القرائه قال الشيخ من متا ذا القطو تشوفونه على سطح الملحق قال له تقريبن ثلاثه شهور ثمن قال الشيخ ترا بلاكم منذا القطو
وجلس يقرا الشيخ وهو يوجه قرائته للقطو وبعد نص ساعه قام القطو يتحرك بحركات غريبه ثمن انطلق منحاش
وبعد حظور الشيخ كم يوم وهو يجي يقراء
زانت حالهم وستاسعت صدورهم يالله لك الحمد والشكر
وحسبي الله ونعم الوكيل على كل من اراد ان يوذي مسلم
بسم الله عليكم من كل شر
وحصنو انفسكم كل صبح وكل مساء ويخسون كل اهل الشر مايصيبونكم بشر
بس التوكل على الله والادعيه ماهي الا اسباب
وخلاص ترا مافيه قبل سواليف والله النشبه بعد:p
جمعنا الله في واسع رحمته في الفردوس الاعلى من الجنه وبشرو بالسواليف:D
وسبحان الله والحمد لله ولا اله الا الله والله اكبر عدد خلقه وزنه عرشه ورضا نفسه ومداد كلماته