الباترول يتفتف وهو واقف , الفزعه

[ابوفريحح]

سلام عليكم ورحمة الله وبركاته.

باترول 99 بخاف من اشغله اول 5 ثواني صافي بعدين يتفتف خفيف
لامشيت يزبط بس لاوقفت , صرنا لعبه بين الورش صلخخخونا السوريين


رأيكم

[باترول فتك]

عليك بورشه ابوصالح التركي
بصناعيه ١٧
احتمال يكون سلك من الفيش اللي من قربه الهواء
للمنضم

[محمد أبو نورة]

مساء الخير



كان عندي مثل المشكلة هذي



أذكر راعي الورشة يقول عندك مشكلة بقطعة زي الباب بالثلاجة

تنظم الهواء للمكينة



شال القطعة وضبطت السيارة

[SGL]

هل بلوف المكينة صوتها واضح طقطقه مستمره إذا جوابك نعم ممكن منها تحتاج وزن والبواجي إذا قديمة غيرها
وشيك على جميع ليات البنزين والهوا يمكن واحد منهم مقطوع وينسم حتى خرطوش قربة الهوا شيك عليه
الإحتمال الثالث حساس الهوا نظفه زين وجرب موترك

[غافي]

-----------

[عنزي من نجد]

شيك برضوه على الدينمو والبطارية انا صارت معي بسفاري 98 ولقيت الدينمو ضعيف غيرته وضبط

[craino]

يوم تشغله وهو بارد تكون حساسات الاكسجين مهي شغاله ولذلك يكون صافي
لما يحمى تشتغل حساسات الاكسجين فيظهر المشكله في خليط الاكسجين
لما تمشي يصفى لأن ضغط الهواء السلبي للمدينه يساوي الضغط الجوي
ولما توقف ضغط المكينه السلبي عالي ولذلك تسحب هواء من غير قربة الهواء
والنتيجه
هناك تسريب هواء الى ثلاجة المكينه لا يمر بحساس الهواء maf , يعني عندك تهريب هواء لداخل المدينه
من لي او هوز او من القززوز عند الثلاجة
شيك على كل الليات والخراطيش والافضل تسوي كشف بالدخان عشان تعرف مكان التهريب

[الوسم]

ما شاء الله عليك يا كرينو

تحليييييل بالمللي

بس وين صاحب الموضوع ؟؟

يا ليت اللي يطرح المشكلة يرجع ويعلمك وش صاااار معه

تكون الفاااائده ممتااازة

ويفيدنا معه