عندما تفقد الكبريت او الولاعة

[طبيب بيطري]

ترا الموضوع مهم ويمكن ما اكون انا لوحدي يحصل معه هالموقف




ياخوان انا كثيرا ماانسى الكبريت في الطلعات




ماهو الحل البديل اذا كنت ناسيه ولا حولي شي




اللي عنده فكره او طريقة لايبخل علينا :no:




وحبيت اطرح الموضوع لكياستفيد انا منه ويستفيد منه غيري ممن يواجهه هذا الموقف





ولكم تحياتي،،،

[ولد ثرمداء]

السلام عليكم أخوي د.بيطري


المفروووظ الولا عه ماتنزل من العزبه

ويكون في العزبه مكان من المخابي فيه كبريتين أو ولا عه

ويحط في العزبه شي للأستخدام غير الي في أحد الجيبوقت الأزمات

[خالد777]

الترتيب للاغراض مهم وحط بالعزبة درزن كباريت وزعهن وبالسيارة نفس الشي
ولا عمرك تنسى الكبريت والفروة تسمع



خخخخخخخخخخخخخخخخخخخخخخخخ

[سنار 2007]

اخوى عن طريق سلك يكون نحيف ويتم توصيله بين اصابع البطارية الى مدة لا تتجاوز العشر ثوانى حيث يصبح لونة احمر (لون الجمر)ويتم عن طريقة توليع فاين او زقارة او اى شى سريع الاستعال وبعدها يمكن توليع ماتريد من هذا المصدر وشكرا .
اما اذا كنت تريد توليع نار عن طريق البنزين فيمكن استخدام شرارة البوجى او الاشتراك .
ان شاء الله تستفيد من هذة الطرق اخوك سنار

[الرسسسام8808]

السلام عليكم اذا كان معك (قز) ومعك اشتراك انحلت
اشبك الاشتراك في اصابع البطاريه وطرف الاشتراك الثاني
(تسوي شورت ) والغاز مفتوح خفيف بس انتبه الله يستر عليك
وكمل الازمممممممممممممممممم

[طبيب بيطري]

اشكر الاخوان جميعاعلى المرور والافكار

وانا ما اوييد فكرة استخدام البنزين للخطورة

وارجوا مزيد من التجارب من الاعضاء المحترمين

[بارود برنو]

شكرا للجميع
ويعطيكم العافيه
حبيت اشارك فقط

[عذاب المزايين]

السلام عليكم ورحمة الله وبركاتة:
أناعندي الحل وليس خطير مثل البنزين
تحضر سلك وتثبتة أحدأطرافة بأحد أصابع البطرية والطرف الثاني تظع فيه فاين (محارم) مبلله بزيت البريك من علبة زيت البريك الموجود في السيارة
ثم تقوم بتلميس الطرف الثاني بأصبع البطارية الثاني تلميس وليس تثبيت كي يحدث شرار ثم يشتعل الفاين وليس خطير وسريع

وتقبلوا تحياتي

[أبو شعلان]

بسم الله الرحمن الرحيم

أخواني فيه عدة طرق :

1ـ إذا كان معك شوزن خذ فشقه وفضها من الحلبي . وبعدين جمع لك قش يعني عودان صغار ومناديل بس كثرهن شوي ... وبعدين حط الفشقة بالبندق وإرم القش تبي تلاحظ إن القش قبع وشب من البارود ...

2ـ لمبة الكبوت إذا كانت خارجية اللي سلكها طويل . جبها عن الحطب وحط لك كم منديل وحط اللمبة عليهن وإبد إنفخ لين تشب ..

أتمنى .. ان يستفيد الجميع ... وأتمنى أنهم ماينسون الولاعة والكبريت ...

,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,,,,,,
:j

[alialmnnai]

اخوي استعمل ولااعة السيارة وفك روحك