استفسار عن العمر الافتراضي لدبة البيئة

[فتك08]

السلام عليكم و رحمة الله و بركاته
حبيت استفسر منكم عن دبة البيئة كم عمرها التقريبي بالكيلومترات؟
و متى يجب تغييرها؟
و مالبديل لها؟
و شكرا لكم

[ع ــقــاب]

وعليكم السلام ورحمة الله وبركاته ,,, اخوي سبق وقريت موضوع في المنتدى يوضح طريقة تنظيف دبة البيئة بدل التغيير لأن سعرها في الوكالة غالي , والطريقة هي تفك الدبة وتبخ فيها بخاخ ايسي ديلكو علبتين أو ثلاث أو أكثر حسب الحجم وتترك البخاخ فترة طويلة في الدبةعلشان يذوب الكربون الموجود فيها وبعدها تنظف الدبة من الداخل ببنزين علشان يبعد رواسب البخاخ والكربون وبعد ماتتأكد أنها صارت نضيفة تركبها وبالطريقة هذي تكون وفرت على نفسك قيمة الشراء , أنا ماجربت الطريقة لكن حبيت افيدك باللي اعرفه

[aboood alghni]

وجهت نظر
لو تروح لاقرب محل اصلاح شكمانات وتسوي فتحه بنفس الدبه وتكسر الماده بالكامل وتنزلها وتنظفها وتبقى فاضيه من الداخل ثمن تخيطها باللحام وترجعها نفس اول يكون افضل وراح تلاحظ ان البنزين تقل صرفيته والموتر يخف عن اول بكثير وبالذات بالطلوع يعني مايبرد لكن له سلبيات واللي هو ان الموتر يطلع صوت الشكمان لكن مايأثر ولاهو بمزعج ....!!
من واقع تجربتي ..

[فتك08]

يعطيكم العافية اخواني الغالين
و لكم مني جزيل الشكر على ماقدمتم من معلومات

[craino]

دبة التلوث لها علاقة بالبيئه فقط
هي غير مهمه في السياره كإستخدام نهائيا
في كثير من الدولة المتقدمه يجب تغييرها لأن السياره لن تمر الفحص الدوري نهائيا ولن تستطيع قيادة السياره فأنت مجبر على تغييرها
لكن في السعوديه مدام انت يمر جنبك وايت او قلاب ويعطرك بدخان كثيف من الديزل فأطمئن فلا حاجة لدبة التلوث
في اوروبا نظام حمايه للبيئه شديد جدا وهم الان في النسخه euro 5 من نظام البيئه لتدفق اول اكسيد النيتروجين و ثاني اكسيد الكربون وسياره لا تحمل نظام بيئه حديث تدفع اضعاف اسعار التسجيل لسياره تحمل نظام بيئه حديث