درجة الحرارة ستصل الى (0) يومي الثلاثاء والأربعاء في القصيم

[ريم البراري]

قريت في أحد المواقع أن درجة الحرارة الصغرى راح توصل في القصيم الى (0) خلال يومي الثلاثاء والأربعاء والله أعلم علما أن الدرجة المتوقعة ليوم الأثنين هي (4) وتعود للأرتفاع الخميس (1) والجمعة والسبت (4) والله أعلم.

[غالي]

@@
يعني شكلكم بتطلعون مثل عرعر
اليوم واحد من الزملاء يكلم خوي له في عرعر
يقول المويه ماتصب عندنا الا 9 الصباح :( مثلجه
طبعا على كلام الرجال توصل الحراره عندهم 2 تحت الصفر وحولها
اجل على كذا يابنت الرس وزي فرو الضحايا لاتذبونها :)

[نعمان الفهمان]

امس الفجر بشارع البدائع العام ساعة البنك تقول -3
والسيارة -2

احييييييييييييييية يالبررررررررررررررد

[ريم البراري]

مايمدي ياخوي غالي جدعناها(ذبيناها):D

[ريم البراري]

الله يعين على هالبرد ياخوي نعمان الفهمان لو يجينا ثلج مثل تبوك ماشكينا ورحنا نسوي خروف بالثلج نصور معه:D بس برد لحاله ذبحنا اشوا انها اجازة والا كان علوم:D

[مدار الجدي]

الله يعينكم ياأهل القصيم على هالبرد .. ونحن أهالي الدوادمي أيضا موعودين مع برد شديد أشد منكم حسب التوقعات حيث يتوقع أن تكون درجة الحرارة مساء الثلاثاء ( -1 ) ومساء الإربعاء (0) صفر مئوي ..

وهذه هي درجات الحرارة .. وليست درجات الحارة كما في العنوان :) :) :)

[abo rolln]

حسب النشرة الجوية لدى BBC ليوم الاربعا القادم في مدينة الرياض -1 تحت الصفر والله اعلم

[صوت المطر]

الساعة الآن 4 ونص فجرا من يوم الثلاثاء 13 / 12



ودرجة الحرارة الصغرى في توقيعك تشير للصفر المئوي ..





http://www.mekshat.com/pix/upload/images25/mk12737_uuuu.jpg





ونتظر ما بعد الفجر ..





ومشكووره بنت الرس على المشاركة ..

[عرب1]

الليلة البرودة عندنى في القويعية اظنها صفر تحت الصفر
الله يعين الجميع..

[كاشت شمال]

الآن في القصيم "عنيزة" في السيارة درجة الحرارة-1 بالضبط وفي هذا الموقع صفر

http://arabic.wunderground.com/global/SD.html

[نمر بن حثلين]

اليوم بالسياره الساعه 7.3 صباح الثلاثاء درجة الحرارة سجلت -2 بالقصيم

[ريم البراري]

أشكر الجميع على المرور
والله يعين على البرد

[وسم 29]

صباح اليوم درجة الحرارة بالرس خارج نطاق العمران 4ونصف الدرجة تحت الصفر

http://www.mixq8.com/uploads/uploads10/20070102621.jpg

[ريم البراري]

شكرا على الأضافة أخوي عاج والله يعين على البرد.
ممكن سؤال ياخوي كيف احصل على مقياس لدرجة الحرارة هنا في الرس

[وسم 29]

صباح اليوم 5- بررررررردhttp://www.9q9q.org/index.php?image=etzMMLyYwRROc8

[النصوح]

الكثير توقع بداية موجة دافئة يوم الأربعاء

ولكن بنت الرس خالفت التوقعات مبكرا وسبحان الله أصابت 0وليتها جت على صفر الدعوى [دحدرت ] تحت الصفر

الله يلطف بنا 0

ونحن ولله الحمد مؤمنين وكل أمرنا إلى خير سواء بالسراء أو الضراء 0

[راعي البدايع]

الساعة السابعة صباحا هذا اليوم الأربعاء درجة الحرارة في البدائع - 4

الله يرحمنا ويغيثنا وجميع بلاد المسلمين

[ريم البراري]

الله يعين على هالبرد
أخوي عاج مارديت على سؤالي الله يحفظك
أشكر الجميع على المرور

[وسم 29]

أختي بنت الرس توجد اجهزة قياس الحرارة عند بعض محلات الرحلات وساكو والصانع ببريدة وبعض محلات أبو ريالين

[ريم البراري]

جزاك الله خير ياخوي عاج اشتريت اثنين الحمد لله:D